CHAPITRE XXI
Comment le petit Saintré fut devers le roy et la royne presenter sa lectre d'armes et demander côngié-de|le obtenir, ce que le roy fit quasi comme contrainct.
L'ACTEUR ENCORES. — Le jour ensuivant, qui fut le premier jour de may, Saintré fut tout de neuf et ses $ens bien habillez, et mit son bracelet ; puis s’en alla la messe ouyr, qu'il fit. dire du saint Esprit, et là assembla tous ses amis que ma dame lui avoit dit. Lors tout de bon cueur as rignerent devers le roy et furent plusieurs qui à le servir Où voyage \ se offrirent. Et au saillir que le roy fist de sa chambre, où ce jour estoient messeigneurs ses freres et aultres plusieurs de son sang, Saintré et tous ses amis à genoulx se mirent, Lors il commenca joyeusement à parler et dist : Nostre souverain seigneur, il est de coustume à tous nobles hommes de acroïstre leurs honneurs par le tres noble mestier d'armes et en plusieurs facons, dont je, desirant, comme l'ung de ceulx, esperant le congié et licence de vostre bonne grace, et non aultrement, vouay arsoir [hier soir] en mon petit banquet, present mes tres redoubtez seigneurs, dames et damoiselles, chevaliers, escuyers telz quelz, et plusieurs autres, que cest matin je porteroye en mon bras senestre ung bracelet d’or tel qu'il estoit, lequel veez cy, et le surplus pour la facon que, se vostre bon plaisir est, pourrez veoir cy en escript. Lors le roy print les lectres d'armes et publiquement les fist lire devant luy, puis à la responce fut longuement, pensant aux armes fortes et à l'aage de Saintré, pour la grant amour que +: à luy avoit. Et quant il vit la longue response du roy, doubta, moult le reffus, lors luy dist : Hé! sire, pour la premiere requeste d'armes que oncques je vous fis, pour Dieu vueillez la moi accorder ! Alors messeigneurs ses freres et tous ceulx. qui là estoient, voyans sa tres grande et bonne voulenté, prierent au roy pour luy, et tantquéitous lui supplierent qu'il en fut content. Lors le roy s’en alla à la messe, et Saintré, après ce qu'il l'eut tres humblement mercié, à la royne qui. venoit pres lui, se avanca, et toute sa compaignie apres. Lors à genoulx se mist, puis lui dist : Nostre souveraine dame, il a pleu au roy moi donner congié de acomplir
mon emprinse d'armes, dont veez cy le bracelet, à l’'ayde de Dieu, de nostre Dame et de monseigneur sainct Michel l'ange, ainsi que en ceste lectre d'armes est contenu; si vous supplie, ma souveraine dame, que ainsi soit vostre bon plaisir. Et, mon ami, dist la royne, voulez vous jà faire armes ? Qui le vous a conseillé? Ma dame, dist il, Dieu et honneur le m'ont conseillé, Et puis qu'ilz vous ont conseillé, je leur prie et supplie qu'ilz vous en facent joyeulx. Madame, firent
plusieurs, faictes lire les lectres pour en veoir la faconÿ nous!
ferons tant que de la messe reviendrons. À ces parolles se avanca ma dame, qui de tres bon euil le regardoit, et aussi toutes les aultres, pour oyr ce qu'il disoit. Alors la royne lui dist : Saintré, de ce que monseigneur est content, je le dois bien estre ; si prie ie à Dieu, à nostre Dame et à monseigneur sainct Jehan, puisque ainsi est, que vous en doint toute joye, et telle que desirez. Lors la royne s'en va à la messe, Au revenir qu'elle feutffait, elle demanda la lectre d'armes et la voulut ouyr ; puis dit: Helas! ce jeune homme, qui n'est encore que un£g enfant, comment a il eu cueur d'entreprendre telles armes ? Il faut dire qu'il luy part de tres grant et bon vouloir, et se Dieu le ramene en bon point, il me semble qu'il ne vouldra faire autre chose, puis que si jeune s'y va bouter. Et à ces parolles la royne s’en va à table pour disner.
