CHAPITRE L

Comment le seigneur de Loisselench et Saintré vindrent es lices faire leurs armes à cheval, present le roy, la royne et PASS princes, seigneurs et dames.

Quant le xxx° jour fut venu apres ce que Sainteé eust osté l'emprise au seigneur de Loysselench, et jour ordonné de commencer leurs armes, le seigneur de Loysselench fist le matin, soubz le hourt du roy, porter vingt grosses lances, toutes armées, fors de fers, sans avantage, ainsi que en tel. cas appartient. Et quant le roy, la royne, et tous les aultres seigneurs et dames furent sur les hours et par les fenestres de la grant rue Saint Anthoine à Paris, le seigneur de Lois-

selench par ung heraulx envoya un£ coïfret de cuir, tout plain |

de tres biaulx fers de lances, dont ilz devoient jouster, et . donner la mesure telle qui luy plairroit. Et endementiers que les lances se ferroient à tres belle et grande compaignie de seigneurs, chevaliers et escuyers françoys que le roy avoit ordonnez, arriva le seigneur de Loisselench, aussi les chevaliers et escuyers de sa compaignie, qui estoient plus de cent cinquante chevaulx, tous vestus de robbes neufves, apareillées, et devant luy cinq tres biaulx destriers ; dont les quatre estoient houssez de paremens de veloux de diverses couleurs et de diverses facons d’orphaverie, et le cinquiesme estoit de veloux figuré au blazon de ses armes, chargé d'orphaverie, c'est assavoir : d'argent, à un beuf rampant de gueulles, cornes et ongles de sable ; et sur chascun un$g tres bel et gent paige richement habillé, Et apres ce destrier, venoit le conte d'Estarapes, qui sur ung coupon {tronçon] de lance portoit ‘son heaulme, sur lequel estoit ung demy beuf de gueulles, entre deux penars {flèches] d'argent, naissans d'ung carcoys de mesme et de gsueulles. Et apres luy, ledit seigneur de Loysselench, sur ung tres puissant destrier, armé de toutes ses armes, fors du chief, sur lequel il portoit ungtres bel chappel de diverses violectes ; luy et son destrier, houssé d'ung tres riche veloux cramoisy, velousté et broché d'or sur or, tout fourré de fines martres sebelines ; et, à sa dextre, venoit le duc de Berry qui, pour l'onneur et ordonnance du roy, comme estranger, l'acompaigsnoit. Et quant ilz furent arrivés

Bas net BP CARE ATOS LE D CS €

PR | RITAN DR SAINTRE

à l'entrée des lices, le roy sans nulles serimonyes le fist entrer, et aller soubz l'ombre d’un bien grant ciel de tapisserie, couvert d’une bien grande couverture d'un bout à aultre à annelets [petits anneaux] courans, où estoit le lieu et dressouer pour l'arriver, vin, fruiz et espices à planté, pour tous

rafreschir, Et endementiers qu'il étoit en l'ombre de son ciel,

arriva Saintré, semblablement armé de toutes ses armes, excepté du chief qui couvert estoit d’ung tres bel chappel de bievre [peau de loutre}, environné d’une tres belle touaille de Plaisance vollant, toute brodée et frangée de fin or ; et au front estoit ung tres riche afficquet d’ung tres gros dyamant, environné de trois gros ballais et de trois grosses perles de quatre carats, que ma dame luy avoit tout ainsy donné ; luy et son destrier, tout houssé de tres fines harmines fourrées de martres sebelines, qu'il faisoit tres bel à veoir, De ses six aultres destriers et de ses paiges tres bien habillez, qui devant luy alloient, je m'en passe, car chascun le doit penser. Apres ces six destriers, venoit le duc d’Alencon, qui tant l’aymoit que, sur un troncon de lance,.son harnois de teste voult porter. Et apres luy, venoit Saintré, et à dextre le duc d'Anjou et de Thouraine, qui tant le voulut honnorer. Et apres eulx, sans nombre, chevaliers et escuyers qui le vouldrent accom- . paigner. Et quant il fut à l'entrée des lices, il fist, comme bon chrestien, de sa banerolle où nostre Dame estoit, un tres grant signe de la croix, en disant la beneysson que ma dame luy avoit apprinse ; et quant ma dame le veit, si lui sembla trop plus bel que oncques n'avoit faict; dont, tant pour la grant amour qu'elle avoit à luy, comme pour le peril qu'il lui sem- bloit où elle l’avoit mis, tant se repentoit que peu à peu en celle grant douleur, estant au hourt avecques la royne, le cueur luy faillit. Et quant la royne et ses aultres dames la veirent pasmée, comme morte, car pas ne scavoient son mal, pour non troubler le roi et sa compaignie, sans faire bruyt, arrouserent son viz et ses mains de vin aigre, et luy firent

"Ts. ka À 4 G

tous les remedes qui se peurent trouver. Et tant bien fut :

frotée et secourue, que peu à peu elle revint à soy. Lors se print à ouvrir les yeulx, et regarder, puis ca, puis là, puis lung, puis l’aultre ; puis se print à parler, ét dist : Ha ! tres

benoiste Dame, vueillez moy reconforter. Lors fut reconfortée. -

Mais pour priere que la royne luy fist, oncques pour lors, à veoir les armes ne se voult tourner. - L'ACTEUR. — Saintré entrant dedens les lices, en soubzriant