ME
ANTHOINE DE LA SALE
regarda les hourt du roy, et puis des dames, et en passant osta son chapellet tant humblement, et si bas qu'il peut, s'enclina ; mais de ce qu'il ne vit ma dame, en fut aulcunement [un peu] esprins [surpris]. Toutesfois il se appensa bien que c'estoit, doubtant que ma dame n'eust cueur souffisant à veoir __ses armes, ainsi que jà elle luy avoit dit, Lors, tout à cheval, Tentra dedens son grant ciel, ainsy courtiné, paré et garny, comme l’autre estoit ; et avecques luy, messeigneurs le duc d'Anjou et le duc d’ Alencon, et ceulx qu ordonnés y estoient pour le servir, sans plus.
L’ACTEUR ENCORES. — Et quant ilz Feat tous des venuz, et par la maniere que j'ay dit, le roy, qui ja avoit ordonné la mesure des lances et fait toutes ferrer, ordonna qu'ilz fussent du tout armez, et que le seigneur de Loysselench, comme entrepreneur, fust sur les rencs le premier ; et ainsi fut faict. Et apres ordonna que Saintré venist, et que sur son harnoiïs de teste portast son chapel de bievres et ainsi garny, comme sur son chief il le portoit. Et quant tous deux furent venus, le roy manda au seigneur de Loisselench, et luy envoya dix lances esgalles, par dix chevaliers, et qu'il en choisist les. cinq. Le seigneur de Loysselench, comme saige et gracieulx chevalier qu'il estoit, remercia le roy tres grandement, et puis les envoya à Saintré, qui choisist ainsi que en son emprinse éstoit contenu. Saintré, pour abregier, l'en mercya, et dist que les cinq plus grosses l’on retint. Lors ledit seigneur duc d'Anjou, qui le voult servir, en print l’une que sur sa cuysse luy mist jusques au departir. Et quant les dix lances furent baillées, le roy de par Dieu les ordonna partir. Lors à ces paroles chascun brocha son destrier l’ung contre l’aultre, si qu'il sembloit que jamais à temps n’y peussent venir. Et à ceste course, le seigneur de Loysselench actaint Saintré sur la double du coude senestre, qui esclissa, et Saintré actaint au faulx {défaut} du plastron ; et le coup fut ung peu bas, dont, en rompant sa lance par maints esclats, il ploya. Alors le cry : des gens et des trompettes fut si grant que longue piece [longtemps] dura. À la deuxiesme course, le seigneur de Loysselench ataint Saintré à la buffe [partie du heaume qui couvre. les joues}, tellement que à bien peu ne l’endormit, Et Saintre l’ataint au front de son heaulme, et perca son beuf d'argent, :
“eliement que au passer que les chevaulx firent, le sien tourna ce devant derriere ; et à ceste course, Saintré ung peu se reposa. À la troisiesme course, tout ainsi que Saintré l'avoit actaint,
il actaint Saintré, et lui emporta son chapel dessus la poincte
de sa lance, tout ainsi garny comme il estoit ; et Saintré l'actaint ou hault de son grant gardebras, qu'il luy faulsa, avecques son double, et rompit les tresses, et le gardebras vola par terre. Et alors reCommenca le cry et bruyt des $ens et trompettes, tellement qu’à peine les povoit on faire cesser, Et quant le seigneur de Loysselench fut ainsi desarmé, le roy voulut reveoir la lectre des armes, pour bien veoir comment elle contenoit ; si trouva sur ce trois clauses, dont la premiere estoit que s’il advenoit, qu'en faisant lesdictes armes à cheval ou à pié, l’un d'eux fust tellement exoinié que pour ce jour parfaire ne les peust, ou qu'il fust hors de ses arsons ou de ses pieds porté par terre, ou qu'il fust de teste, de bras ou de corps, tellement desarmé qu'il refusast à parfaire lesdictes armes en tel estat, cestes et celles qui seroient à faire seroient tenues pour faictes ; et sera tenu celluy de payer tous les pris, ainsi que se l’ung apres l’autre il les avoit tous perdus, Et pour celle cause le roy fit cesser la jouxte, et au seigneur de Loysselench fist remonstrer le contenu de sa lectre par les quatre seigneurs d'Andach, de Nulz, de Morg et de Terg, barons poullains, venuz en sa compaignie, ainsi que dit est, qui present eulx fut leue ; les priant que de sa part les recordassent, et qu'il ne voulsist pas mectre son ame, son honneur, son corps et par adventure sa vie, en peril de mort. Le seigneur de Loysselench, qui ouyt les choses dessusdictes, remercia tres humblement le roy ; mais, comme tres desplaisant de son meschief, dist que advenist de luy ce que à Dieu plairoit, car vraiement il parferoit ses armes. Les
® seigneurs francois, que le roy luy avoit baïillez pour le servir,
ne l'en peurent destourner. Lors lesdits seigneurs poullains luy dirent tout court, qu’'ilz ne le serviroient plus en tel estat. Alors le seigneur de Loysselench dist : Vous voyez mieulx mon honneur et ma honte que moy, je les remets à vous et à voz mains. Alors luy dirent que sur eulx ilz le prenoient, pour le tres grant dangier où ilz le veoient, le confortant que aux armes à pié il se poroit bien recouvrer ; et lors, à tres
* grant peine et douleur de son cueur, il le consentit. Laquelle
nouvelle rapportée au roy, il les fist tous deux retraire, et de leurs chiefz desarmer, et puis tout à cheval venir devant lu chascun garny du pris qu'il devoit donner. Quant la ro] et les aulires dames virent que le seigneur de Loysselench estoit ainsy desarmé, accoururent toutes à ma dame, qui sur
les quarreaulx [coussins] d'or et de soye gisoit, faisant à Dieu et à nostre Dame de Liesse, à qui, comme dict est, l'avoit voué, prieres et oraisons. La royne luy dist : Hé ! Beille Cousine, levez vous sus, et venez veoir tant de belles choses ; et comment nostre bon filz Saintré a le Poullain desarmé, tant que monseigneur les a faict cesser et venir devers luy, je ne sais pourquoy, fors que pour donner le pris. Ma dame, qui de celle tres desirée nouvelle fut si joyeusement reconfortée que son cueur ne scavoit où il estoit, faignoit aucunement que
point ne lui en chailloit. Alors la royne luy dit: Ha! ha!
Belle Cousine, bien appercevons que vrayement estes peu joyeuse de l'honneur que ce tres vaillant escuyer a huy conquis, dont monseigneur et moy y partons; or sus, levez vous appertement. Lors la prent par la main, et les aultres dames par l'aultre, tant qu'elle fut levée et fut à la veue du hourt. Ma dame qui tant avoit sa joie renouvellée, embuschée du deul soubz l'ombre du parler que la royne luy avoit dist [dissimulant sa maladie sous l’ombre du chagrin que lui causait le langage de la reine}, covrant sa restorée maladie, à la royne dist : Hé! ma dame, comment est ce chevalier poullain ainsy desarmé ? Alors la royne luy compta toutes les armes : et comment Saintré rompit sa premiere lance, comment il perca le beuf d'argent du chevalier, et le retourna ce devant derriere, et comment il l’avoit desarmé, En devisant ces choses, ma dame de joie ses yeulx mouvoir ne povoit de regarder Saintré; et Saintré regardoit puis ca, puis la, et puis son regard tout à coup flechissoit sur elle. Alors ma dame luy fist son signal, auquel tres gracieusement il respondit. Et quant ilz furent devant le roy, il leur fist dire par Montjoie, roy d'armes des Francois : Monseigneur de Loysselench, et vous, Jehan de Saintré, le roy, mon souverain seigneur, cy present, m'a commandé vous dire, l'ung et l'aultre, que tous tous deux avez sy haultement et honnorablement faictes vos armes du jour d'huy, qu'ilz ne sont hommes nulz qui mieulx les sceussent faire ; mais pour vostre gardebras, monseigneur de Loysselench, da coup de lance desarmé, à vous, Jehan de Saintré, le roy, par le contenu de la lectre, vous. adjuge de ces armes le pris, et à vous, monseigneur de Loysselench, que vous acquitiez, et veez cy de quoy. Lors luy baïlla le bel et. riche dyamant du pris, que le roy avait eu en garde. Lesquelles parolles dictes, par Brunsvich, le herault venu avecques luy, furent de mot en mot données à entendre. Alors
CA
le seigneur de Loysselench s’enclina devers le roy, et en son poullain le remercia tres humblement de l'honneur qu'il luy avoit fait, et dist que vrayement Saintré avait loyaulment gaigné le pris. Et à ces paroles il print le dyamant, et vers Saintré s'advanca, et en son langaige tres doulcement le remercya, et mist en sa main le dyamant. Et lors le roy ordonna que chascun s’en alla desarmer. Mais au departir l’'ung de l’autre, en toutes facons, Saintré, per à per et à sa dextre, le convoya ; alors trompettes, clarons et menestriers commencerent à corner. Dont la joie fut tant grande par la ville qu'elle ne se poroit compter. Et à tant laisseray cy à parler d’eulx qui s'en vont desarmer, et puis soupper avecques le roy, qui grandement honnora ledict chevalier et sa compaignie ; et de Saintré, que la royne voult retenir avec elle à soupper, je parleray.
L’ACTEUR. — Quant le souper fust prest, le roy envoya querir le seigneur de Loysselench et tous les aultres quatre barons, chevaliers et escuyers poullains ; alors Saïintré s'en va les querir tres bien accompaigné. Et quant ilz furent devers le roy, on leur fist tres bonne chiere et grant honneur; lors les tables furent dressées, et le souper prest. Et le roy fist le seigneur de Loysselench seoir à sa dextre, et à sa senestre les aultres quatre barons ; et les aultres, à l’aultre premiere table apres celle du roy; de vins, de viandes de diverses facons furent tres bien servis, et ne les fault ja deviser, car chascun peult penser et scavoir que ce fut haulte chose. Saintré, apres ce qu'ilz furent tous servis, s’en va soupper avec la royne, ainsi qu'elle luy avoit dit. Des bonnes chieres que ma dame et les aultres dames et damoiselles luy firent, ne fault point demander ; car il n'y avoit celle qui s'en peut cesser. Ma dame, qui sur toutes les aultres estoit celle qui plus legierement s'en passoit, toutes fois ne se peut tenir de regarder ce bel dyamant du pris, qu’il portoit à son col à une chaine d’or; alors la royne aussi le voulut veoir, et plusieurs aultres dames et damoiselles, Lors ma dame luy dit : Certes, Saintré, la dame est bien heureuse qui l’a gaigné. Lors la royne qui oy ces parolles, luy dist : Je prie à Dieu, Saintré, que, de bien en mieulx, puissez vous tous les aultres pris gaigner. Lors à genoulx leur dist : Ha! mes dames, vostre bonne mercy; mais je ne l'ay pas à Dieu desservy,etce qui en est me vient de luy par voz bonnes prieres. A ces parolles, le maistre d’hostel vint, qui fist laver la royne, et quant elle fust assise,
Lo
ANTHOINE DE LA SALE
malgré que Saintré en eust, elle le fist seoir à sa dextre. Que vous dirois-je ? La joye y fut telle, d'ung costé et d’aultre, qu'elle ne se poroit conter. Mais quant les tables furent levées, le roy d'ung costé, et la royne de l’aultre, s'en vont en la grant salle, pour veoir les dances et morisques de diverses facons ; mais pour les affaires que le seigneur de Loysselench : avoit eu ce jour, et aussi Saintré de son cousté, le roy hasta les espices et le vin de congié ; puis se retrahit en sa Chambre, et chascun print congié, Saintré et tous les aultres, chascun prend son escuier ou chevalier soubz le bras, et autre belle compaignie, menerent Loysselench et les aultres, en son hostel. Et cy laisseray à parler des honneurs, vins et viandes que tous les jours leur envoyoit, et du jour des affaires pour.les armes à pié ; et diray de ma dame et de Saintré, et de la parfaicte joye que, celle nuyct, ilz firent au preau. L'Acreur. — Celle nuyct, ainsi que ma dame avoit à Saintré: son signal donné, ilz se trouverent au preau ensemble ; alors furent les baisiers à grant larsesse donnez, et les baïsiers renduz. Que vous dirois-je? Telz que oncques ne penserent estre à si parfaictz plaisirs. Et alors ma dame fuy dist: Helas ! mon cueur, helas! ma joye, helas ! mon seul et souverain desir, je veiz huy l'heure que jamais ne vous cuydoie , veoir vif; et quand je vous veiz entrer es lices, de la grant paour que de vous j'euz, le cueur me amortist tellement que je, comme morte, cheuz; et se je n'eusse esté tost secourue, vrayement je rendoye mon esprit; mais quant je ouys de vous les vertueuses nouvelles, incontinent mon cueur se reves-
“quit [reprit à vivre]; et ma dame avecques les aultres dames,
me vindrent sourdre, et à la veue du hourt avecques elles me firent venir, Helas ! tres haulte et excellente dame, que me dictes vous ? Las ! se je l’eusse sceu, qu’eust fait mon tres doloreux cueur ? Pour lors, trop mieulx m'eust valu la mort que la vie; je feusse demouré, de mes armes à faire, à grant deshonneur ; mais loué soit Dieu et gracié que je n'en ay riens sceu! Lors que j'entray es lices, je vous vy de lez la royne ; mais quant je vins tout armé sur les rencs, je vy la royne et toutes les aultres dames, fors que vous; si me pensay que n'aviez cueur de veoir l’esbatement de ja. jouste, ainsy que ja m'aviez dit, et ne pensay en vostre mal plus avant, Ores, ma tres redoubtée dame, loué soit Dieu et nostre Dame, de l'honneur que j'ay aujourd'huy eu par vous, en esperant, ma dame, de bien en mieulx. Si vous supplye que faictes
bonne chiere, et du surplus ne vous souciez ; car Dieu, qui a esté à noz armes, sera aux auitres. Et à ces parolles prindrent, l'ung de l’aultre, son tres gracieulx congié, et cy laisseray à parler de leurs affaires, et diray des armes à pié,
et comment elles furent faictes. /
or +e 1573
