CHAPITRE LX
Comment les Sarrazins estoient en grant nombre de Turez et infidelles, plus qu'on n'avoit veu depuis ke temps de Mahommet.
L'aAcrTEUR. — De la partie des Sarrazins estoit la plus grande armée que depuis ia loy de Mahommet ilz eussent faicte ; car tous les souldans, les roys, les seigneurs des trois regions y estoient, c'est assavoir : d’Asie la Majour, où sont six provinces, c'est assavoir : Judie [Judée|, Persie, Sirie, Egypte, Surie et Asie. Ceste partie de Judie est enclouse de la mer qui est devers le midy, que aucunz dient la mer Noire, et aultres l’appellent la mer bastue, pour le grant desbatement en quoy elle est jour et nuyt, à cause de sept mille cinq cens quarante et huyt isles qui y sont, desquelles en y à une bien grande, où sont dix cités ; la principale s'appelle Gelbona, et en ceste cité a grant quantité d’or et de pierreries precieuses, et y multiplient plus les olifans [l’ivoire] que en aultre partie du monde ; laquelle fut jadis convertie par sainct Thomas, l'apostre, jacoit ce que la plus grant partie du pays soient mescreans.
Et ceulx de la seconde region des Sarrazins qui y furent, estoient de Perse, c'est de Turquie qui a de diverses provinces, c'est assavoir : Auffricque, Medie, Persie, Mesopotamie, où est la grant cité de Ninive qui a trois journées de long, et ores est dicte Babilonne ; et illec est le commencement de la merveilleuse tour de Babel, qui a quatre mille pas de large ; et illec sont les provinces de Caldée, d’Arrabie, de Sabba et
ANTHOINE DE LA SALE
de Tarsie. Et en ceste, est le mont de Sinay, où les anges porterent le corps de ma dame saincte Katherine, qui ores gist en l'eglise saincte Marie de Ruer, assez pres dudit mont.
L'ACTEUR. — Ceulx de la tierce region qui y furent, estoient |
de la region de Surie, en laquelle sont les provinces de Damas, d’Antioche, et la terre de Finicie ; dont furent Thiret Sidon, et là est le mont de Liban, dont sault le fleuve de Jourdain; et là sont les cités de Palestine, de Judée, de Hierusalem, de Samarie, de Gabeste, de Gallilée et de Nazareth, et en ceste terre furent les deux cités de Sodome et de Gomorre, qui par leur tres abhominable pechié fondirent en abisme, Et de ces trois regions à celle srant bataille furent
tant de roys, de seigneurs et de peuple, que toute la terre en :
estoit couverte, cuydans conquerir le surplus, ainsi que j'ay dit, Desquelz seigneurs sarrazins j'en nommeray aucuns cy apres.
L’ACTEUR. — Et quant le jour prefiz {fixé d'avance] de la bataille fut venu, et que tous les seigneurs chrestiens furent sur les champs, ouye leur haulte et solempnelle messe bien matin que l’archevesque de Couloigne dist, et tous estans en estat de grace, comme il appartenoit à tous bons chrestiens, et apres l’absolucion donnée par le cardinal d’Ostie qui lesat du pape estoit, et les ungs aux aultres requerans pardon; lors, qui se voult desjeuner, desjeuna. Puis tous monterent à cheval, chascun en ses bataillés ordonnées. Saintré monte sur son destrier, et s'en va au roy de Behaïigñe ; lors devant luy tira son espée, et de par Dieu, et nostre Dame et monseigneur sainct Denys, luy requist l’ordre de chevalerie. Le bon roy, qui aymoit ledit Jehan et tous les Francois, à tres grant joye l'acollée et ordre luy donna, priant à Dieu qu'il luy donnast honneur et joye, telle qu'il desiroit ; et des lors par tout fut appellé le seigneur de Saintré. Lors, qui voult estre chevalier, s'avanca ; là furent maintes banieres levées et coupées les queues de maints penons. Et quant tout ce fut fait, et retour-
nez en leurs lieux, lors, chascun faisant le signe de la croix,
commencerent à chevaulcher.
mere
