CHAPITRE LXIII

Comment Saintré et toute la noble compaignie des chrestiens francois, apres la desconfiture des infidelles, retournerent à Paris, où i1z furent joyeusement receuz du roy, de la royne et de tout le peuple.

Quant le seigneur de Saïntré et celle noble et chevalereuse compaignie furent venuz à Sainct Denys, et faites en l'eglise leurs devocions pour entrer à Paris, furent au devant d’eulx les trois seigneurs ducs dessusdicts et tant d’auitres, qu'à peine en demoura ung seul; et en celle mesme ordonnance revindrent, comme partis en estoient, descendre en la grant court de Sainct Pol, fors que des bannieres des morzet du seigneur du Chastel Fromont et aultres qui estoient demourez navrez ; et en son lieu porta le seigneur de Maulevrier 1a banniere du roy, par election de tous. Lors furent faictes à eulx tres grans honneurs et bonnes chieres, aussi des avltres a eulx. Et quant ïilz furent devers le roy et la royne, ma dame et leurs compaignies qui en la grant salle estoient, et eurent au roy à l'entrée faictes leurs reverences premieres, le roy, qui assis estoit, pour les honnoter et pour la granit joye qu'il avoit, se dressa sur piés, et fist un£g ou deux pas au devant, puis à celle tres grant joye toucha les mains à tous ; et endementiers que tous le touchoient, le seigneur de Saintré et les aultres allerent faire la reverence à la royne, à ma dame et à toutes les dames qui là estoient, et de leur venue tres srantjoye faisoient, fors aucunes à qui leurs parens,

amys estoient demourez. Et quant tous eurent faict leurs

reverences, et les dames et damoyselles baisées et accollées, le roy reffut en sa chaire assis, qui leur dist : Mes amys, nostre Seigneur soit loué et sa tres benoiste mere, quant à tel honneur et joye estes retournez, et vueille Dieu pardonner aux ames de ceulx qui y sont demourez, ainsi que, selon nostre saincte foy, le devons croire, et qu'ilz sont sauvez ; mais affin que nostre Seigneur vueille delivrer leurs ames des paines de purgatoire et les mectre en repoz et en son tres glorieux royauime de paradis, nous voulons et ordonnons que aux vespres nous soyons tous à Nostre Dame, et ferons dire les vespres et vigilles des morz, et demain les recommandacions et solempnelles messes que l’evesque dira ; et par toutes les aultres eglises seront dictes messes de Requiem, par tant qu'il

Que

ANTHOINE DE LA SALE

y viendra de prebstres; si vous prie que tous y soyons,

lequel service voulons et ordonnons estre ainsi par trente

jours continué : et, en outre ce, ordonnons une messe perpetuelle, à tous les jours, au service de Dieu. Et ainsi fut. Et à tant laisseray cy à parler de ces choses, et diray comment ma dame, très desirant de ‘parler audict seigneur de Saintré, luy fist son signal, et comment par-le sien il luy respondit. L'ACTEUR. — Après ce que toutes choses furent ainsi faictes, ce soir que le roy et la royne, messeigneurs, les dames et damoiselles et ung chascun, au mieux que pouvoient, festoyoient les seigneurs nouvellement revenuz, et especiallement le seigneur de Saiïntré, ma dame qui pas si grant semblant queles aultres n'en faisoit, toutesfois pour la grant joye de son cueur

tenir ne se peut que devers luy devant tous ne s'approuchast, |

et luy dist : Sire Saintré, au moins quant les aultres dames

vous auront bien festoyé, que nous vous voyons à nostre tour;

nous avons veu le temps qu'on vous tenoit ung gracieulx

escuyer, estes vous, à cause de voz vaillances et que l’on vous

dit monseigneur et de nouvel chevalier, point changié ? Eten

disant ces parolles, elle print son espingle et en fist son signal, auquel incontinent le seigneur de Saintré respondit, et en

soubzriant luy dist : Ma dame, quoyque soit en moy, ne quel que je soye depuis que ne me veistes, je suis tout tel etceluy que j'estoye par avant. Puis illec, present tous, entrerent en aultres parolles jusques à l’heure du soupper; dont furent aucuns qui, apres que les tables furent ostées, parlerent de dancer, laquelle chose ouye, le roy et la royne dirent que, pour l'amour des trespassés dont l'on ne devoit mye estre joyeulx, ja n'y seroit chanté, ne dances faictes ; mais, pour le matin estre tous à l’eglise, demanderent les espices et le vin de congié.