Franqueville, brave gentilhomme du Bessin

334 L'Hyver.

Non point son viandis, mais sa proche ruine.

Là Remondin, craignant que le bruit qu'on menoit

Ne fit partir son cerf qu'à l'enceinct il tenoit,

Te dict que jà, d'effroy quittant sa chambre coye,

Il fuyoit pour trouver une plus seure voye.

Mais pourtant en son cœur, par son chien, il sentoit

Qu'encores dans son lict d'asseurance il estoit.

Estans les chiens venus, il reprend sa brisée Et le limier en main, qui jà, de voix haussée, Sur les voyes du cerf appelle sourdement, Et, prest à le lancer, va tirant roidement. Toute la troupe approche et nostre cerf entoure Et les chiens descouplez, pour estre au laisse-courre, Sur les pas de la nuict divaguent par le bois Et tirent au limier, qui, redoublant sa voix, Enfin lance le Cerf qui, broussant de vitesse, Avecques un grand bruit esloigne nostre presse, Qui, de trompes sonnant le gresle, font sçavoir Que le cerf est sur pieds et fuit à grand pouvoir.

Voile-là qui bondist et gaigne à la traverse Devers les bois d'Auffi '. Là par voyes diverses Galoppent les picqueurs ; surtout on voit bander Ton courtaud, que les forts ne peuvent engarder De suivre, quelque part que le cerf brousse et tire, Pressé de l'esperon qui à ton veuil l'attire. Sentant aussi dessus un prince si puissant Et si brave et si grand, partout il va passant.

Le Cerf oyant le bruict qui plus en plus augmente Faict une randonnée et loing des chiens s'absente, Qui fort bien ameutez et picquez à propos Ne laissent pour un temps nostre cerf en repos. Desjà contrainct ruser, sur ses pas il rebrousse

i . Bois enclavé en la forest de Halouze en Boscage.

Chasse du Cerf. 335

Et pour gaigner Andaine ', à grand force il se pousse. Là quelque peu les chiens demeurent en default Mais ils sont redressez par le sage Fricault2 Aux vrais abois de qui le reste de la meute Par les meilleurs picqueurs se rassemble et rameute.

Or estans rameutez et suivis chaudement, Le Cerf tire pays, rempli d'estonnement De se voir si presser de la meute, animée Par un prince qui fut grand chef en mainte armée, Qui scait si bien dompter les ennemis du Roy Et rembarrer l'orgueil des haineurs de la foy. Or enfin nostre cerf, qui jà la peur surmonte Tire tousjours pays vers l'Estang de la Fonte. Mais Guidon, poursuivant le cerf à travers Peau, Guide des autres chiens le bien-flairant troupeau.

Pour gaigner les devants on passe la chaussée, Où peu à peu des chiens la meute est redressée Sur les voyes du cerf, qui semble, jà lassé, Vouloir gaigner Andaine ou le bois de Messe 5.

Là pour son bien le cerf pourra faire une ruze Rendant en cest endroict nostre meute confuse, Le change nous livrant soit de cerf ou chevreuil, Si quelqu'un des veneurs n'en juge bien à l'œil.

Là, grand Duc, tousjours prest,les chiens tu ranimois Qui sembloient perdre cœur et n'avoir plus de voix. Lors le relais survint conduit jusqu'à la Grue 4 Par Isac, qui sur tous se peine et s'esvertue, Traversant maint chemin, lascher si à propos Que le cerf se les voye ameutez à son dos. Mais comme bien souvent advient en telle chasse,