Maison au bord de la forest d'Andaine
336 L'Hyver.
Les jeunes chiens lassez, transportez quelque espace, Suivoient le train d'un lièvre et ainsi s'abusoient Cuidans suivre cela que les autres suivoient.
Mais le lièvre fuvant traverse de fortune
Les pas de nostre cerf, que la meute importune Poursuivoit prés de là. Le relais qui suivoit Le lièvre, tourna droict où la meute chassoit, Tant qu'enfin trente ensemble ils font une musique Qui plus qu'auparavant faict que la bande picque.
Toy, tousjours le premier sans craindre ny fossé Ny buisson, ny estoc, tu piquois advancé Secondé de ce comte et maint autre, qui peine Sentant son cheval las et presque hors d'aleine.
Des Bruieres ■ fasché que le sien ne suivoit Ainsi qu'il eust voulu, se met à pied et croit (Tant le désir le point de ne perdre la chasse) Qu'il ira mieux à pied que sur sa beste lasse.
Un des non mieux montez la chasse costoyant 2 Escoutoit où les chiens poussoient le cerf fuyant Qui jà, gaignant pays devers les haultes hayes, Fuyoit or' par les champs, ores par les fustayes, Et là se faisant battre et presser de plus beau Encores se resoult de venir gaigner l'eau De l'Estang de la Fonte, où craintif il s'advance Et fuit pour y passer de toute sa puissance. Là traversant un champ et courant, bien dispos, Haye et fossez il saute, ayant les chiens à dos. Alors pressé de fuir mainte femme le huë, Où, moyennant ce cry, j'en eus à plein la vue Près de Piquelouvette * où, prenant le devant