Le comte de Fiers et Beaupré, c'est-à-dire l'Autheur

Chasse du Cerf. 339

Suit avec peu de chiens nostre cerf par les bois, Encor que de rechef un lièvre se présente, Qui cuida donner change à la meute chassante.

Là je te vis fasché mais non descouragé De poursuivre ton cerf ja presque mal rangé, Pour ce que tu voyois quelques chiens à ta suitte, Mal eschauffez d'en faire autrement la poursuite, Las et mattez du chauld. Aussi certainement Mon Comte ne pensoit, en son cœur, aultrement Si non que çà et là, pour la chaleur cuisante, Ses chiens avoient quitté ceste beste fuyante. Par le bois je te voy faire maint et maint tour, Comme desespéré de revoir, pour ce jour, Ton cerf qui, malmené, jà donnait tesmoignage A ceux qui le suivoient de son proche dommage.

A la fin ayant faict mille tours par les bois, Le Comte t'avertit qu'on oyoit les abois De quelques chiens suivans, qui donnoient espérance Que c'estoit nostre cerf qui devant eux s'advance Et faict un grand effort pour fuir et s'esloigner, Et l'Estang de Larchamp à son aise gaigner.

Ta Grandeur à la fin, Prince, fut advertie Par ceux là du relais que la beste, faillie Et de cœur et de force, estoit passée à eux, Et qu'il estoit suivi des chiens plus valeureux. Là, pressé de la faim non tant que du courage, Tu n'eus presque loisir de prendre qui soulage Ton cœur et tes esprits; ains joyeux de sçavoir Que l'on suivoit le cerf que l'on venoit de voir, Tu changeas prcmptement d'une fresche monture Et repris le galop, courant à Padventure Avecques deux ou trois. Mais le ciel qui plein d'heur Favorise les grands et les princes d'honneur, T'adressa là tout droict où la troupe ameutée

340 L'Hyver.

Poursuivoit vivement la beste espouvantée.

Doncq' ce cerf malheureux eschauffé de l'ardeur Du soleil et des chiens, n'ayant plus de roideur, Tire sa langue longue, et, se leschant menasse Que, premier que se rendre et mourir à la place, Il vengera sa mort, tesmoignage certain Qu'un cerf qui faict tels traicts est cruel et mutin. Là doncques parvenus les chiens prennent courage Et doublent leurs abois par le feuillu boscage, Se voyant assistez de ta noble Grandeur, Qui augmente leurs voix, leurs pas et leur ardeur. Lors le cerf malmené voyant que, bien qu'il ruse, Il ne peut se cacher du suivant qui l'accuse, Il joue à quitte ou double et les chiens enfonçant Et de pied et de teste il les va menassant. Que si sa teste estoit et frayée et brunie, Il feroit en mourant à maint perdre la vie. Ayant ainsi pantois tournoyé par le fort, Aux estangs de Larchamp il va cercher sa mort, Où suivi de la meute il est contraint sur l'heure De retrouver hors l'eau plus certaine demeure. Mais tousjours repoussé de la meute qui suit Il se remet en l'eau qui plus en plus luy nuict, D'autant que tous ses nerfs refroidis se retirent Et plus il est en l'eau, d'autant plus ils empirent. Là les chiens au milieu de l'Estang font effort Si bien que de rechef sur le rivage il sort; Il rentre de rechef; les chiens tousjours s'avivent Et, or' de là, or çà, vivement le poursuivent; Tant qu'enfin ne pouvant ny nager ny courir, Fut forcé de se voir dans les ondes mourir.

Là, Prince, tu receus un plaisir incroyable Voyant après ce cerf ceste meute indomptable, Et derrière, et devant, nager pour l'accoster.

Vol pour Héron. 341

Cil qui l'assaut devant et le veult affronter Void le cerf se levant, transporté de furie Qui l'enfonce au profond, en danger de sa vie.

Là longuement ayant, non en vain, combattu, Le cerf jugé bien pris, par ta grande vertu, Est des chiens importuns enfoncé dedans l'onde. Billebault l s'appuyant veult tant faire qu'il fonde Afin de le noyer; car jà deux heures sont Qu'ils combattent le cerf, qui va tantost au fond, Tantost revient sur l'eau ; mais enfin il trespasse Et au milieu de l'eau se termine la chasse. Billeïïault le voyant dessus l'eau roide mort Vous le prend par la jambe et le conduit à bord; Chose, Prince, où tu pris tant de resjouissance, Qu'assez tu ne pouvois louer hault sa vaillance. Ainsi content tu fais les trompes resonner Puis au Chasteau de Fiers la meute ramener.