COMPLAINCTE

Je ne suis point lassé de sonner sur ma lyre Les larmes, les souspirs qu'Amour me fait escrire; Je ne suis point lassé d'importuner les cieux D'une mesme chanson, et le soin qui me ronge Faict que rien à part moy maintenant je ne songe Qu'au mal que ma causé le plus puissant des Dieux.

Las, n'est-ce point assez? Faut-il doncq' que mon âme Demeure pour amorce à sa cruelle flamme? Faut-il qu'autre subject ne me ronge le cœur? Pensant ore, en chassant, exercer ma jeunesse, Il me vient assaillir, me bourrelle sans cesse, Redoublant dessus moy les traictz de sa rigueur.

Si j'approche quelqu'un qui me voye au visage, Il préjuge aussi tost mon amoureuse rage ;

i. Dans l'édition de 1604, les seize derniers vers sont remplacés par les suivants, et la complainte est intitulée, Complainte d'un chasseur.

Où ayant fait maint tour par la haute fustaye,

Je rencontre un chasseur, qui, navré d'une playe

Qu'amour luy avoit fait, deschargeoit sa douleur,

Aux arbres d'alentour par regretz et par pleur,

Et qui plein de souspirs, la trompe au col se couche,

Faisant sortir ces plainctz du profond de sa bouche.

Divers Plaisirs. 19

Ii m'appelle resveur! Helas j'en suis contant! M'estimant bien heureux qu'il faille que j'endure, Aymant telle beauté, bien qu'elle me soit dure, Ce propos importun qui me va tormentant.

Lors qu'un beau jour d'esté tous les autres esgaye, Plus je les voy joyeux plus s'augmente ma playe; Et quand accompagné d'ennuis et de douleurs Le long d'une belle eau, ou dans quelque ramée Je pense m'esjouyr, soudain ma bien aymée Vient reveiller la source et le cours de mes pleurs.

Et si dans un beau pré où l'herbe soit espesse J'aperçoy quelque amant conduisant sa maistresse, Lesquels de gre à gré se baisent chastement, Je despite ma vie et me plaintz, misérable, Qu'en heur à ces amants je ne suis point semblable, N'ayant, ainsi comme eux, ce doux contentement.

Je m'esgare seulet oubliant mes affaires, Plein d'amour et d'ennui par les bois solitaires, Racomptant à l'Echo qui, seulle, entend ma voix, Mes ennuis, mes douleurs, mes souspirs et mes larmes, Remaschant à part moy quelques funèbres carmes, Que pour nourrir mon mal je grave dans ce bois.

Si je voy dans le fort quelque farouche beste Qui, de crainte fuyant, par le taillis tempeste, Broussant à mille bondz pour eschapper la mort, 0 Dieu (ce dis- je alors), ô que tu es heureuse Au prix que je ne suis, pauvre beste poureuse, Qui fuis, pour bien courir, ta perte dans ce fort!

Mais moy pauvre et chetif, au fond de ce boscage, A la ville et aux champs me poursuyt ceste rage : Je ne puis m'en deffaire, en danger que Charon Ne passe, quant et quant mon ame criminelle, Ce penser importun, dans sa vieille nasselle, Sans espoir de retour, le fleuve d'Acheron.

[Ayant parachevé ma lugubre chanson, J'oy passer à cent pas à travers un buisson

20 Le Printemps.

Une harde de cerfs. Alors de ma pensée Loing vole mon ennuy; or pour à la passée Les tirer si je puis je m'appreste hastif, Craignant faillir le coup pour estre trop tardif. Je m'approche à couvert, joyeux oultre mesure D'avoir tant à propos trouvé ceste adventure.

Deux cerfs vont les premiers, lesquels à pas petit Broutent le verd bourgeon selon leur appétit, Ores cy, ores là, la bande soupçonneuse Cerchant du jeune bois la tendreur savoureuse. A la fin je les voy si loing se retirer De moy, que sans faillir n'eusse peu les tirer. A pas lent et sans bruit, lors recerchant leur trace, Je reprends les devants pour les trouver en face, Couvert de gros buissons, et prenant le bon vent Dessus le bout du pied je marche et vas avant. Mais cependant qu'à l'œil je poursuy ceste harde, D'un cerf proche de moy je ne me donne garde, Qui, me voyant si prés, à grands saults bondissant Emporte avecque luy tout le troupeau broussant. Lors me voyant frustré et loing de mon attente, Je passe plus avant pour voir s'il se présente Quelque beste à mes yeux; mais je ne puis rien voir Qui puisse contenter mes yeux ny mon vouloir, Si non à mon chemin trois ou quatre bergieres Qui chantoient par les fleurs et parmy les fougieres. Lors je m'arreste coy pour escouter leur chant, Qui semble interrompu de maint souspir trenchant. La plus grande des trois, assez belle garcette, Chantoit mignonement ainsy de sa gorgette :

Divers Plaisirs. 21

CHANSON D'UNE BERGIERE.

Si mon père ne m'y marie Je sçay bien ce que je feray ; J'en jure, bergiere ma mye, Que sans luy je me mariray.

Et quoy ! je suis desja si grande Que mes deux beaux tetins haussez Debveroient, comme je demande, D'un enfant estre ja pressez.

Que je suis bonne mesnagere Il va disant de jour en jour ; Mais il cuide qu'estant bergiere Je puisse m'exempter d'amour.

Encor si j'avois espérance De l'estre dans deux ou trois mois, Quand j'en aurois la souvenance Quelque peu me consolerois.

^Tant de garçons en ce village Sont qui pourchassent de m'avoir; Mais le vieillard, pour tout potage, Fait semblant de n'en rien sçavoir.

Au fond d'une verte couldrette, D'où n'approche le pastoureau, Souvent je me trouve seulette Avecq' un jeune garçonneau,

Qui, folastre, sous ma chemise, Met la main pour me chatouiller; Mais si mon père ne s'advise, Au trou je le lairrai fouiller.

Les deux aultres après à leur tour respondoient, Et comme elle faisoit en chantant souspiroient. Je m'approche du lieu et non sans me sousrire A celle qui chantoit je commençay à dire :

22 Le Printemps.

« Belle, qui de chanter surpassez les oiseaux, Vous avez donc senty les amoureux travaux ! Le chant et les souspirs que jettiez à cette heure Monstrent qu'en vostre cœur Amour faictsa demeure. Je m'en suis aperceu; car moy-mesme je suis Tout ainsi comme vous chargé de tels ennuis. Ne rougissez, bergiere, et levez vostre teste, Je ne desprise amour. Ceste façon honneste Et ce simple maintien que j'aperçoy en vous Vous doit faire estimer et recercher de tous. Possible tous les jours dans ce val de Puiane, Vous voyez vos amours; mais, helas! ma Diane Ore est si loing de moy que mille fois le jour, Absent de ses beaux yeux, je meurs pour son amour. Or adieu, Pastorelle, et vous, belles bergieres, Puissé-je tous les jours vous voir dans ces feugieres ! »

Celle à qui je parlois, d'un naturel honteux, Me regarde au visage avecq' un œil doubteux, Et riant à demy, d'une couleur vermeille Peinct l'une et l'autre joue à la rose pareille; Puis s'entre-regardans et sans bouger du lieu Commencent à sousrire et me disent adieu.

Après avoir cerché maint mont, mainte vallée, Ore aux champs de Flori, ores de la Ramée,] ' Et voyant le soleil s'abaisser rougissant, Je reprends mon chemin vers le lieu verdissant Dressé d'une façon accorte et bien mignarde Par Thibault qui attend la brigade gaillarde :

i . Tout ce long passage est remplacé, en 1604, par les quatre vers suivants :

Ayant parachevé sa lugubre chanson, Je traverse le bois de buysson en buysson, Où ayant tracassé par mont et par vallée. Ore' aux champs de Flori, ores de la Boulée.

Divers Plaisirs. 2$

Popot me void venir qui, pleine de bon vin, Frais et fort et vermeil, se met la couppe en main; Commence à boire à moy ; lors, sans dire prouface, Je lave, et aussi tost, affamé, je prends place; Je mordz dans un gigot, sans songer nullement Si l'on rid de me voir aller si vistement.

Après avoir un peu rappaisé de viande, Et de bon vin aussi celui qui me commande, Je commence à causer et à compter le tour Que j'avois fait au bois; je leur compte l'amour [De la belle bergiere et la harde craintive Que je pensois tirer, trop douteuse et fuitive.

Or René me demande (à rien n'ayant son cœur Plus enclin qu'à cecy) où j'avois ce bonheur Rencontré de trouver ceste belle Sereine ? « Les bois, dis je, sont grands et pourrois à grand' Si Pavois entrepris à l'endroict retourner, [peine Mais si, ainsi que moy, te voulois promener Après la venaison par la forest obscure, Possible trouverois plus heureuse adventure. »

Cependant on dessert, et Gaucher qui ne veult Retourner au logis sans gambader, ne peult Attendre davantage; ains d'une voix bien haute Chantant ceste chanson pour rire, danse et saute :

Il estoit un homme de village,

La friguenigodon, Qui avoit mis à aymer son courage,

La friguenigodon, Mirelitantine, ce joli petit friand,

La friguenigodon!...

D'autant que la chanson, mal faicte et mal limée, Ne mérite estre escrite et moins estre estimée,

24 Le Printemps.

Je n'ay dict que ce mot ; car l'on peut aysement Juger telle la fin que le commencement. Aussi ne chantoit-il sinon que pour induire Nostre gaillarde troupe à dancer et à rire; Il nous met tous en train, et faict de la façon Que chacun est contrainct de dire sa chanson.

Le chant estant cessé et la danse finie, On voit le soleil bas; parquoy la compagnie Laisse le lieu plaisant, puis, faisant un grand tour Pour trouver beau chemin, s'en revient à Beaujour,](Y; Où il fut arresté que lors que la courriere Prediroit le lever de la grande lumière, Jacquet et Valentin par la garenne iroient Cercher les grands terriers et les estoupperoient.

Ja mainte estoille avoit, luysante et enflammée, Par le haut ciel repris sa place accoustumée, Et le soleil baissé qui ja plus ne flamboit, Par les monts, par les champs sa clarté nous embloit, Et de la Drune nuict les brillantes lumières Appelloient au repos nos humides paupières ; Qui fait que nous mçntons aux chambres, où le lict, Ce qui s'estoit passé le jour, ensevelit.

a. Var. (1604), en place du passage ci-dessus :

Et les pleurs du chasseur; bref, en peu de langage, Je leur dy le plaisir qu'on reçoit au boscage. Chacun après soupper fait aux champs un grand tour, Puis, approchant la nuict, s'en revient à Beaujour,

Chasse du Renard. 25