LA CHASSE DU RENARD

Si tost que caquetant l'arondelle legiere Eut du lict arraché la bonne menagiere Par son chant redoublé, Jaquet et Valentin, (a) Des mi-nuict esveillez, s'en vont de grand matin Cercher les forts terriers, d'où, d'une besche large, Ils ont bouché l'entrée avecq' force branchage Aux gueulles amassé; ayant fait, arrivez, Ils trouvent, au logis, leurs compagnons levez, L'un pliant un panneau, l'autre qui, d'une aiguille Propre pour cest effect, par endroicts le r'abille : L'un les affiches fait; bref, avecques grand soin Tout se trouve appresté dequoy l'on a besoin. Encor' au lict plumeux, pleins de molle paresse, Jaquet nous vint trouver pour allefà la messe. Nous nous levons à l'heure, et descendons à bas; La messe nous oyons, puis redoublons le pas; D'autant que, trop tardifz, avions laissé l'aurore Suyvie du soleil, qui ja desja redore Non seullement des montz les hautz inhabitez, Mais des plaines aussi les bosquets escartez. [Doncques estans repeus de viande céleste, Nous allons voir s'ailleurs le desjeuner s'appreste.

Si tost que l'arondelle eut prédit que l'aurore Alloit rougir le ciel d'un teinct qui le redore (Ainsi qu'il estoit dit), Jaquet et Valentin,

26 Le Printemps.

Jaquet en cependant au lieu déterminé Pour prendre le renard l'attirail a mené Vis à vis des terriers où, dans un chemin large, Il a faict à propos estendre le cordage. De çà sont les terriers, de là le fort du bois, D'où le subtil renard entendant les abois Partira pour venir (comme cault il préjuge) Par un cogneu chemin au lieu de son refuge; Mais le panneau tendu par grande habileté Bornera sa finesse et sa meschanceté.]

Ce pendant du logis toute la compagnie (Ayant ja desjeuné) à la porte est sortie, Où Thienot prend la trompe, et, de sons redoublez, Fait approcher de luy les chiens desja couplez. Sur l'espaulle une gaulle, et, d'une torte lesse, Il meine Turcq, Voilant et la bonne Contesse. Jean Thibault, d'aultre-part, meine en lesse Jazon Avecq' le bon Muguet et le viste Grizon; Guillaume tient en main et Champaigne et Sauvage, Qui pour tuer le loup n'en vouloit d'advantage ; Ainsi s'en vont le pas et tiltrent leurs lévriers Là où sont de sortir les renardz coustumiers.

Entre la grand' forest, au long de la rivière, Ils ont mis sagement la lesse plus fiere, Doubtant que quand forcé le renard se verroit, Là, plustost qu'aultre-part, sa fuite il dresseroit, D'autant qu'es environs du sablonneux rivage Sont presque tous buissons, et par la haute plage, Où l'on peut gallopper le renard à couvert, Du costé de Vifliers, tout s'y void descouvert. Là derrière un buysson se met en embuscade Thienot avec sa lesse, et Jean Thibault prend garde Au costé de Beaujour, ou chascun esperoit Que sans estre apperceu jamais ne passeroit.

Chasse du Renard. 27

Cependant versle bois ceux s'en vont qui ont charge De conduire les chiens droict le chemin de Garge. Arrivez pretz du fort, les chiens sont descouplez; De la trompe aussi tost mille sons redoublez S'entendent çà et là. Voy-les là de vitesse Entrez tous dans le fort avecq' une allégresse. Lors le cry, le hollo et Pesclatante voix Des chasseurs bien apprins redouble par le bois; Richard entre dedans, puis chascun d'une gaulle Se chargeant les deux mains, se descharge l'espaulle. Ils battent les buyssons, et entrans plus avant, Encouragent les chiens qui chassent au devant, Cerchants par le taillis et plaine boccageuse, Tant du nez que des yeux, la beste cauteleuse; Un crie : « Appelle ! appelle ! » un autre : « Il passeicy ! » L'autre crie souvent : « Ha, Mirault> voy-le cy ! Au renard ! au renard ! » et de termes de chasse, Propres à celle-cy, ils estonnent la place.

Les chiens par cy par là non encore ameutez, Les erres de bon temps cerchent de tous costez. A la fin, Billebault, bon chien par excellence, Double l'aboy cognu, puis roidement s'advance. Lors quiconque l'entend (pour l'avoir esprouvé) S'asseure qu'aussi tost le renard est trouvé. L'on crie : « Va à luy! » d'autant que tout le reste De la meute le croit. Ainsi chascun s'apreste A crier, à gresler. Lors s'esleve un grand bruit Du cor et de l'abboy de la meute qui suyt; Tous les chiens, d'une voix haultement redoublée, Frappent le mont voisin et la proche vallée; Là s'entend la musique, et de tous les costez Bavolent les oyseaux du bruit espouvantez. Le renard estonné, se voyant en derrière Tel nombre d'ennemis, monte vers sa tasniere;

28 Le Printemps.

Et fuyant à couvert de plus fort en plus fort, S'approche des panneaux où se cache sa mort; Mais (soit qu'il eust le vent de l'embusche prochaine Qui garde Je filet, ou qu'il fut hors d'aleine Pour courir en amont) il rebrousse chemin, Costoyant le panneau, tousjours à droite main, Puis pensant aux suyvants jouer de quelque trousse, Dessus ses premiers pas, cauteleux, il rebrousse, Et fuyant d'où il vient par un pays couvert, Cerche, pour se sauver, quelque terrier ouvert. Mais la meute qui suyt peu de loisir luy donne Pour faire ce qu'il veult; en fuyant, il s'estonne De voir les trous bouchez, et creint, par ce moyen, Ne pouvoir se sauver de la rage du chien; Il se resould sortir; mais il voit en campaigne, Dessus le haut, tiltrez, et Sauvage et Champaigne, Qui fait qu'ayant tourné la garenne trois fois (Sans qu'il oye cesser après luy les abois, Ny le cry, ny le cor), en fin d'une secousse, Il fuit où le grand bruit de la chasse le pousse, Tant que les druz abois le contreignent monter, Où prins il se verra, s'il ne sçait bien saulter.

Voicy, d'un roide cours, la cauteleuse beste Pour donner au panneau; mais elle tourne teste, L'ayant veu de si pretz, et tasche de trouver Passage plus certain, pour par là se sauver. • Mais se voyant des chiens et des hommes forcée, Pour le plus court chemin dedans s'est enlassée, En espoir de tout rompre et passer aysement Par le travers lassé du cordeux instrument.

Elle n'est assez forte, ains trop foible y demeure)

i. Le regnard ayant veu tout le panneau ne se jettera jamais dedans, s'il n'y est extrêmement forcé.

Chasse du Renard. 29

Et, devant qu'en sortir, est force qu'elle meure; Car les chiens bien mordants luy deschirent la peau, Et loing dedans le bois le tirent du panneau.

Un cry d'autre costé s'entend par le boscage, Qui plus en plus redouble, et haussant d'advantage A nos aureilles vient. Nous courons celle-part. Approchez, nous oyons : « Au renard ! au renard ! » Lors j'embousche la trompe, et bien viste j'appelle Et à cry et à cor à la proye nouvelle Les chasseurs et les chiens, qui tirent à l'endroit Où desja le renard subtil se desroboit.

Voy-les cy tous venir, recerchants par la place, Du puant animal le chemin et la trace ; Un commence, un le suyt, puis ensemble, à la fois, Tous, d'un commun accord, redoublent leurs abois. Il fuit puis cy, puis là ; les suyvants qui l'approchent Et le voyent devant, plus furieux, descochent. Ainsi que le milan, qui, ayant à ses yeux Le pépiant poulet, va devallant des cieux D'un vol tempestueux, et, fendant le nuage, Haste son sesle viste, et vient de plus grand' rage. Ainsi les chiens, suyvants le renard estonné, Le tiennent de si prés, qu'ils l'ont environné; Tant que, n'ayant loisir de tourner en arrière, Il est contrainct sortir où la lesse legiere, Que Guillaume menoit, estoit tant à propos Qu'aussi tost il la vid descoupler à son dos. l

Voy-les cy peu à peu de course furieuse Menassant les costez de la beste trompeuse. Là, ses subtilitez ne luy sont pour secours, Ses dents encores moins; mais elle a son recours Et reffuge dernier à l'urine puante