Ajouté en

68 Le Printemps.

Et après avoir faict la basse révérence,

Il la baise à la bouche et, cliquetant des dois,

Monstre qu'à bien dancer il ne creint villageois ;

Or' il met les deux mains au costé, puis se tourne

Et devant Marion présente sa personne,

Puis ressaultant en l'aer gambade lourdement,

Hault troussant le talon d'un sot contournement.

La fille s'enhardit et son homme regarde,

Et à tout ce qu'il faict de prés elle prend garde ;

S'il faict un sault en l'aer Marion saulte aussi;

S'il dance de travers elle fait tout ainsi,

Tant qu'à les voir dancer à tout le monde il semble

Qu'ils ayent recordé leur tricotis ensemble.

Or Michault ayant faict, suant et halletant, Son devoir de dancer le bouquet, bien content, Le livre entre les mains de Marion, puis passe, Et, la laissant à part, se remet à sa place. Marion tourne autour et si bien se conduit Qu'elle vous prend Sandrin que riant elle suyt; Il luy preste la main comme par mocquerie, Puis Marion dançant saulte comme une pie.

Sandrin qui la desdaigne, avecques gravité Vous dance à la grandeur d'un pas non usité Aux dances de village et tant et tant s'oublie Qu'il ne daigne baiser la fillette jolie, Laquelle sousriant luy livre le bouquet, Puis reprend pour danser la gauche de Jaquet. Le beau Sandrin se carre, et de l'ceuil faict eslite D'une qui par ses biens et beautés le mérite; Mais trop oultrecuidé selon son apetit, Il croit qu'il n'y en ayt que de lieu trop petit. Il void hors de la dance une belle pucelle (Comme estant de maison) vestue en damoyselle; Il s'oste de l'encloz et se porte à l'endroit

Feste de Village. 69

D'où la belle de loing la dance regardoit, Assise prés sa mère et d'autre compagnie, Arrivez là pour voir la dance bien fournie. Il la prend par la main pensant bien la mener, Mais la fille luy dict : « Allez vous promener, Pour ce coup, mon amy; je n'oserois en dance Me mettre maintenant; car il faut que l'on pense Pour voir cest habit noir et tout triste mon œuil, Mon visage blesmy, que je porte le deuil. » Lors Sandrin tout honteux et penault se retire, Dont un chascun se prend esperdument à rire; Il rentre dans la dance et de deuil rougissant, La fille de Pierrot en fin va choisissant. Elle suyt son meneur d'une honteuse grâce, Lequel tout despité se remet à sa place. La fille a le boucquet qui, ayant fait un tour, Le présente à Guillot tout confit en amour, Qui ne la veut quitter premier qu'il ne la baise Pour se monstrer courtois, sans pourtant que Servaise En soit jalouse en rien! Or par maint et maint sault, Il tasche à faire mieux que n'a pas faict Michault ; Il hausse le bouquet et gambadant sans cesse, Aguigne de travers Servaise sa maistresse. [Souple de jambe il saulte. et souvent du talon Les fesses il se bat suivant le violon ; Puis une main puis l'autre au costé, faict le sage, Et rien n'oublie en tout des vieils traictz de village.]1 Bref c'est plaisir que voir danser en leur lourdois, Tant des pieds que des mains, les pitaults villageois.

A tant par le milieu de la dance se porte Maint joyau désiré par la jeunesse accorte, Despendu des vallets. Claudin premièrement