Maison au bord de la forest

194 L'Esté.

Puis il sort en campaigne où il se void à l'œuil.

Jaquet tandis prestant or l'une or l'autre aureille, En fin entend l'aboy qui gaillard le reveille, Et s'approche tousjours; lors sur piedz se haussant, Il brusle de désir de voir le cerf passant. Bien stilé, toutesfois, au mestier de la chasse, Sans faire bruit aucun, il ne quitte sa place ; Tient couvert son relais, et faict si peu de bruit, Que cela ne peut nuire à la beste qui fuit.

S'il entend quelque bruit de broussis dans la taille, Il cuide voir le cerf, ou bien quelque bicheaille Qui devant est chassée, à celle fin, qu'au fort Il les face valloir pour retarder sa mort, Si que, par le moyen de ceste ruse estrange, Aux chiens bien ameutez, il puisse donner change.

Jaquet escoute et void et pétille et tressault Au moindre bruit qu'il oit, qui coup sur coup l'assault D'une joyeuse peur. Or sentant que l'esmeute Dresse tousjours vers luy, par l'aboyante meute ; Il void de tous costez, et, plein d'un gay soucy, Tourne l'œuil tantost là, tantost le tourne icy. En fin il oit un bruit : à ce bruit il escoute Et void le cerf passer, qui suivant une route Trotte dispostement, monstrant bien à le voir, Qu'il a de la vigueur et encores pouvoir De tenir longuement. Jaquet vient doncq' en place Par où passe le cerf, qui devance la chasse D'une grand' demy-lieue, et revoid se baissant, A l'œuil, si ce n'est point un autre cerf passant ' ; Mais voyant après luy la vieille Mammeliïê,

i . Devant que descoupler un relais il faut premièrement voir par le pied (s'il est possible) si c'est le cerf lancé, peur que ce ne soit du change.

Chasse du Cerf. 195

Et Calvin y et Rigault, et la bonne Peliïé, Il lasche aller Rustault, Joyeuse, et Barigault, Soliman, et Bragard, et le chault Billebault. Au partir du descouple à toute force ils courent, Et les premiers passez gaillardement secourent ; Lors redouble le bruit, et la trompe greslante Qu'on void le cerf à veuë avecques les voix chante. Doncq' les chiens descouplez poursuivent, vigou- Le cerf fuiant devant, devenu plus poureux [reux Qu'encor' il n'a esté ; car la trouppe aboyante En grosse et gresle voix, d'aborder l'espouvante D'une telle façon, qu'il void que sans ruser, La meute il ne peut plus nullement amuser; Tellement que cerchant par monts, et par vallées, Les sables desliez, et les places bruslées, Il court et fuit par là; à fin que le suyvant Ne puisse avoir de luy, par ses marches, le vent. Là les chiens en deffauit ne se font plus entendre ; Par cernes il les fault dessus les voyes rendre. Alors on ne les doit trop vivement presser, Ains à l'œuil doucement les remettre et dresser1, Les faire requester, et jetter des brisées Par tout où l'on verra de bon temps les passées, Regarder attentif, et si quelque vieil chien En parle, on pourra voir s'il dresse et s'il dict bien. S'on void qu'il tire droict, les picqueurs sonneront, Et le reste des chiens sur l'erre ameuteront. Mais c'est pour peu de temps ; car la beste poureuse Faict tousjours, de nouveau, par tels lieux quelque Et rend si bien les chiens faillis et estonnez [ruse,

1. Il ne faut précipiter les chiens sur un hourvariqui est fait en pays sablonneux et bruslé, mais leur donner creinte et leur aider à l'œil.

196 L'Esté.

Qu'ils demeurent tout court, bien qu'ils soient de haut Qui jamais, en esté, veid la trouppe soigneuse [nez. Des fourmis çà et là prompte et laborieuse, Par un sentier petit errer d'un pied léger, Pour dans leur magazin, porter de quoy manger? L'un va et l'autre vient, et la bande petite Porte à son becqueton leurs vivres suite à suite ; S'ils trouvent en chemin quelque faix si pesant Qu'un seul, pour le porter, ne soit assez puissant, Ils tournent tout au tour, et environ la place, File à file venant, tout le reste s'amasse.

Tout ainsi nostre meute, où l'erre luy deffault, Tourne le nez en bas à l'entour du deffault, Et ne glapissant plus, (a) d'une ardeur infinie, Ils recherchent le frais de la beste ennemie. Silve descend à pied, et pour retrouver l'erré Met bas un des genouils regardant contre terre Le contrepied du cerf, qu'il deffait dextrement Par le lieu sablonneux, puis remet promptement, Avec un hourvari, les chiens et les redresse; Qui, remis sur le droit, ressuivent de vistesse, Et pleins de grande ardeur redoublent leurs abois, Et les picqueurs leurs pas, leurs trompes et leurs voix.

Ayant beaucoup tourné par l'infertile sable, Il ruse plus qu'il peut, puis en chemin semblable Il donne plusieurs fois; après, d'un pied léger, Suyvant la grande laye, il vient à desloger, Et tant que peut porter sa force, et son aleine, Reffuyant sur ses pas, il vient à Bourg fonteine '.

a. Var. :

Et devenus muets,