Quatre vers ajoutés en

Chasse du Cerf. 199

Ayant doncques ruzé, d'une jambe legiere (Ja lasse toutesfois) il gaigne la Bruiere, Où le relais prisé des vieils chiens plus rassis, Par Calais gouverné, sur le mont est assis, D'où de tous les costez, peut s'entendre la chasse, D'où l'on peut voir aussi toute beste qui passe Pour gaigner Mont-agut. Doncq' Calais attendant (Bien au guet) çà et là va souvent regardant Si le cerf passe ou non. Or après longue attente Voicy venir un bruit qui d'espoir le contente ; C'est qu'il entend brousser (sans courir toutesfois.) Le grand cerf malmené par l'espoisseur du bois. L'ceuil il dresse delà d'où vient ceste tempeste, Et void à descouvert la misérable beste Approchant son relais qui, d'un foible et lent pas, Semble cercher exprez son imminent trespas. Elle vient mollement ; or lui qui considère Que c'est le cerf qu'on chasse, aussi tost délibère De lascher après luy son relais, qui pourra L'apercevoir à plein alors qu'il passera.

Voy-lecy qui s'approche et qui de jambe lasse, A trente pas des chiens, vers la campaigne passe; Qui l'ayant aperceu d'un aboy redoublé L'espouvantent fuyant de plus en plus troublé, (a) Lors couchant sur son dos le fardeau de sa teste, Esperonné de peur, il reprend ce qui reste De vigueur dedans soy, puis d'un galop hasté, Fuit l'aboyante meute et de l'autre costé Les trompes et les voix, qui sans cesse doublées,

a. Var. :

Qui, bien tost descouplez, de redoublants abois Recueillent sa vistesse et sa peur à la fois.

200 L'Esté.

Loing remplissent les bois, les monts et les vallées.

Or les chiens relayez, de nez et de grand cœur, Le suyvent sagement de toute leur vigueur, Sans que, trop eschauffez, aucun d'eux outrepasse L'erre ny le sentier par où la beste passe.

Guidon qui de plus prés, vigoureux, le poursuit, Le premier comme chef tous les autres conduit; Il gaigne vers Ivort, et à grand' randonnée, Fuit de peur que luy a ceste meute donnée, Il redevalle en bas et à ce que je voy, Pour nous donner le change, il retourne sur soy, Ou cerchant les taillis, d'autres cerfs il s'acoste, Et les chasse devant, à celle fin qu'il s'oste, De la fureur des chiens et, pour ne point mourir, L'un d'eux fera s'il peut à sa place courir. Et pour ce il suit la harde importun, et demeure S'il la void demeurer; par l'espace d'une heure Point il ne l'abandonne, à fin, par ce moyen, Qu'il puisse retarder le chasseur, et le chien.

Après ceste grand' ruse il refuit de vistesse Et ceste harde aux chiens à sa place il délaisse, Qui, s'ils passent leur droict, il pourra bien avant, Loing devancer les chiens; mais le veneur sçavant Les doit rompre, s'il peut; car si son cerf il passe, En grand peine ce jour fera-t-il bonne chasse '. Mais bien s'il aperçoit la meute despartir En deux bandes ou trois, ce le doit advenir Que le cerf se despart du change et l'abandonne; Lors il faut quelque peu qu'aux chiens de creinte il Afin qu'en cest endroit ils ne puissent donner [donne,

i . Si les chiens chargent un autre cerf que celuy du laissé— courre, malaisément le prendront-ils pour le jour, pour estre frais et eux à demi-las.

Chasse du Cerf. 201

Le change. Que s'il oit les plus sages mener Il doit aller à eux, et voir parmy la place, < Si c'est son cerf ou bien quelque change qui passe ; Si c'est son droict, il doit de la trompe appeller, Faire approcher les chiens et tous les faire aller A ceux qui dressent bien, en jettant des brisées, Qu'il doit avoir aux mains par toutes les passées ' .

Lors le cerf se voyant des chiens bien ameutez Resuivi sans relasche, il void de tous costez Où il puisse ruzer, à fin là qu'il amuse Les suyvants, en faisant quelque nouvelle ruze ; Mais s'il void que cela ne luy peut proffiter, Et que les chiens suyvants ne le veuillent quitter, Il tournera sur soy, où de façon ruzée, D'un autre il se mettra dedans la reposée, Ses pieds dessous son ventre et le nez contrebas, Pour leur oster ainsi sa senteur, et ses pas 2. Quelquesfois les suyvants (quand ainsi il s'acoustre) Pensants suy vre leur droict s'en vont , et passent oultre . Ore' il se faict porter par quelqu'autre bien loing, Puis, s'il peut, son porteur il engage au besoin, Mais le veneur aprins, en faisant son enceinte, Avecques le limier deffaict sa ruze feincte Et le redonne aux chiens, qui d'un aboy plus seur Sur les voyes dressez, suivent par l'espoisseur Du bois ses pas creintifs ; alors la pauvre beste Perdant force et vigueur, porte basse la teste, Et ne sçait quel moyen elle puisse trouver Pour plustost des suyvants ennemys se sauver.

1. Ainsi tout veneur se doit gouverner pour séparer les chiens du change.

2. Les chiens n'ont pas le vent du cerf quand il a les pieds dessous le ventre et qu'il aspire dans terre.

202 L'Esté.

Lors il perd son esprit et tout maté s'estonne Que pour les hourvaris et les ruses qu'il donne, Il ne peut faire tant que les chiens de haut nez Ne le suyvent tousjours, à sa mort obstinez. Tantost il entreprend les ouvertes campaignes, Tantost le feste hault des pénibles montaignes; S'il trouve quelque estang, ou bien quelque ruisseau, Pour plus oultre passer, il traverse son eau : Ores quittant le creux des verdissants boscages, Et des champs, et des eaux, il passe les villages, Où, chargé quelquesfois de mastins cazaniers, Il redouble le pas ; car tels chiens plus legiers Que la meute suyvante (au moins pour une fuite) Mais non de si hault nez, sont vifs à la poursuite.

Or nostre cerf lassé voyant que pour ruser, Nostre meute il ne peut nullement amuser Qu'il ne l'ait aux talons, d'une fuite poudreuse Il forpayse, et fuit par la campaigne herbeuse, Et les chiens qui tousjourspoursuyvent, l'approchants, Dressent, sans nul deffault par la plaine des champs. Les picqueurs après eux, de course plus aisée, Suyvent mieux que dedans la forest malaisée.

Il passe par Largny, de là, pour se sauver, Tousjours atravers champs, il dresse droit à Ver; De là tournant tout court, pour le bruit du village Qu'il entend après luy redoubler d'advantage, Il rebrousse chemin ; là les chiens sur un hault, Et les picqueurs aussi demeurent en deffault Dans un sable menu ; mais sans que l'on s'amuse Ou à l'ceuil, ou au nez, à deffaire la ruze, Chacun plus outre suit, (a) sçachant qu'un cerf lassé

a. Var. :

Tu veux suyvre tousjours,

Chasse du Cerf. 20$

Tire tousjours pays quand il est bien chassé, Si ce n'est que de loing d'adventure il évente Quelque eau; lors il pourroit de sa première sente, Mal-mené destourner, pour, parchemin nouveau, Tirer droict où il sent l'estang ou le ruisseau.

Tousjours de Montagut par la seiche campaigne Il gaigne laschement le bas de la montaigne, Monstrant à qui le void que pauvre il ne peut pas Si dispost qu'au matin faire valloir ses pas, Ny d'un si viste pied s'eslongner de l'esmeute Que faict à ses talons la bien courante meute. Pourtant devant les gens on le voit à grands saults; Affranchir et bondir les buissons un peu haultz ' ; Il contrefait le fort et, redressant sa teste, Comme au lever du lict, saulte, brousse et tempeste, Pour donner à cognoistre au plus proche picqueur Qu'il est encore plein de cœur et de vigueur ; Mais alors qu'il se sent eslongné de la veue, Il rabaisse, lassé, sa ramure fourchue Puis en feignant son corps et bronchantbien souvent, D'un pas foible et tardif, il se pousse en avant.

Il a la gueulle noire et sans escume, sèche, La langue retirée2 et cerchant une bresche, Il costoie un fossé ; lors, sans plus en douter, Croire on doit qu'il ne peut ny bondir ni saulter. Ore' il ferme le pied comme allant d'asseurance, Puis il l'ouvre soudain courant de sa puissance ; Alors tout bon veneur, en tel cas affiné, S'asseure que le cerf est las, et malmené.

Or rentrant au profond de la haute ramée

1 . Le cerf malmené voyant quelqu'un s'efforce tant qu'il peut, pour faire penser qu'il est encores vigoureux.