I. Bricolle

236 L'Automne.

D'ailleurs voicy venir, courant à bride basse, Gauchet suyvi des chiens qui ont donné la chasse Au sanglier enretté ; vous n'oyez rien que voix, Qu'abois, que cris, que bruit , qui bruit dedans le Tantost toute la troupe en un est assemblée [bois ; Des hommes et des chiens, dedans ceste vallée Où le sanglier lassé ne faict plus que tourner, Et par les forts taillis çà et là buissonner. Du haut de la montaigne or on le voit descendre, Tantost tourner à mont, tantost le chemin prendre Au creux d'une vallée, où les chiens ameutez, Et les veneurs ardents courent de tous costez. Il ne sçait plus ou fuir ; car par tout où il passe Il voit devant ses yeux la mort qui le pourchasse. Ores il sort aux champs, où ne se voyant pas Asseuré, vers le fort il redouble le pas; Trois fois il a passé par la haute fustaye Du bois de Nantouillet, et par la grande laye Qui conduit de Lessart l aux bois de Herivault, Dedans les fonds de Gœle, et ceux de sainct Thibault. Aux piqueurs mieux montez il semble à l'heure à Que, lassé de courir, à la place il demeure, [l'heure Mais fort et vigoureux, encores peut-il bien Devancer de dix pas la vistesse du chien.

Où les pants sont tendus il ne prend son adresse, Mais en s'en eslongnant il fuit où le chien presse. Pendant Claude et Jaquet, derrier' quelque buisson, S'estonnent de n'ouyr ny cri, n'aboy, ny son : Pensants, à tout propos, quand le bruit recommence, Que la chasse s'approche et vers les pants s'advance Et au plus petit bruit qui leur aureille poind, Pensent ouyr la beste et ne l'entendent point.