Estangs contigus aux bois où se fait la chasse
2. Les sangliers de compagnie fuient tousjours de toute leur force estants chassez.
234 L'Automne.
La beste jette un cri, et le gros sang pissant, Et deçà et delà va ses flancs rougissant; Elle court quelque peu, puis la teste baissée, Aux pieds de son meurdrier culbute renversée.
On triomphe la mort. Les chiens et les lévriers Se trouvent alentour joyeux, contents et fiers. Gauchet fier de ce coup, la mort sonne et ressonne, Dont deçà et delà tout le grand bois resonne.
D'un tel commencement le chasseur s'esjouit, Et mieux qu'auparavant les autres on poursuit. Chascun reprend sa place et enflé d'espérance, On suit l'aboy des chiens, puis après on s'advance; De plus beau l'on s'efforce à cor, à cry, à voix, De les encourager pour doubler leurs abois ; Ce pendant que brillants, pour reprendre la voye, Ils recerchent l'endroit par où passe la proye.
Voicy, l'on oit de loing brousser d'une roideur, Un sanglier poursuyvi talonné de la peur. Ha! c'est Turcq qui le suit, qui vigoureux le presse, Et le tient de si près qu'il le serre à la fesse. Voyez ce brave chien qui sans ayde et secours, Le tient sujet si bien qu'il l'arreste en son cours; La beste se retourne et, furieuse, pense L'atterrer aisément de sa foible deffence ; Mais voicy Billebault, et Gaillard, et Piîault, Et Hunault, et Calvin, Teroenne et Rigault, A son secours venus; la beste la plus forte, A sa fesse attaché, le pauvre Turcq emporte. Il lasche la gouslée et, plus qu'auparavant S'eslongne le sanglier courant comme le vent. Turcq obstiné le suit, et ne le perd de veue; Des suyvants après luy la voix est entendue, Qui, pour le seconder animez vont après, Et suyvent, clabaudants, la beste d'assez prés.
Chasse du Sanglier. 23$
Ce pendant que ceux-cy poursuyventleur conqueste, On oit d'un autre part brousser une autre beste Qui tourne droict aux pants. Là Thienot et Jaquet, Commis pour s'y tenir, escoutants, font le guet ; Ils se couchent tout bas ; la beste qui escoute, Levant le nez au hault, où qu'elle aille est en doute, Puis en tirant pays, elle eslongne le bruit Que meine clabaudant, la meute qui la suyt. Mais tant plus elle fuit tant plus elle s'approche Des panderets tendus, ou bien de quelque poche '. Quand elle est à vingt pas, les plus proches guidants, Son cours la font haster et la lancent dedans. Tant plus elle desbat dans le maillé cordage, Cuidant s'en depestrer, s'y lie d'advantage : Chascun court ceste part. Thienot d'un fort espieu Luy traversant les flancs l'a tué sur le lieu. Les chiens qui çà, qui là, aspres à leur conqueste, Tirent différemment la mal'heureuse beste. On oit la trompe alors fanfarer, et les voix Des hommes approchants esclater par le bois. Le reste va suyvant d'un plus ardent courage, L'autre sanglier craintif qui fuit par le boscage : Il a Turcq tousjours prés qui le suit par le fort, Résolu de mourir ou de le rendre mort. L'autre part des veneurs picquent à toute bride Droict où le bruit plus grand de la meute les guide ; Le sanglier ce pendant tourne court et recourt, Et ne trouve chemin qui ne luy soit trop court; Toujours il est suyvi soit au haut des montaignes, Soit au plus fort du bois, soit aux rases campaignes; Turcq' ne le perd de veue, ains d'un courage hault Si bien il le poursuit qu'il ne reste qu'un sault.
