LE VOL POUR RIVIERE

res que je suis plein d'un naturel devoir (0 grand Montmorency) je veux te faire voir Tes courageux faulcons, qui d'une gaillarde aesle, Rouants montent à mont, frayeur de la cercelle, Du canard, du héron et des autres oiseaux Queue à queue qu'on void voltiger sur les eaux; Si que tu puisses voir pour lire, ou faire lire, Le mesme vol d'hier qu'au vray je veux descrire; Désirant qu'il te peut donner tant de plaisir, Que le lire souvent t'en vienne le désir.

Tes oiseaux essorez, qui de poing, qui de leurre, Monstrent bien à les voir qu'on faict trop de demeure. Jà montez à cheval je voy tes faulconniers, Portants, dessus le poing, faulcons, sacres, laniers; Sur les braves courtaults la rouge compaignie De tes Pages tous prestz, à la porte est sortie; Tout le monde t'attend et, de tous les costez, Tes Gentilshommes sont sur leurs chevaux montez :

Vol pour Rivière. 241

Ta lictiere est en bas et t'attend, apprestée, Dessus deux fortz Muletz au bas de la montée; Le vent est doux et coy; meilleur onc ne fut l'aer, Pour pie et pour rivière, et pour milan voiler.

Jà je voy près d'Orcheux le petit Arenault, Sans s'escarter bien loing, qui t'attend sur un hault; C'est signe qu'il y a dedans la proche mare Quelque chose à voiler. Jà Rambure desmare, Et picque diligent, affin de rapporter Quel gibier il y a qui peult te contenter ; Et, selon son rapport, ceux-là picquent devant Qui doivent leurs oiseaux abandonner au vent.

Or prest de descouvrir, stilez au dessous viennent, Et là, deschapronnez, pour mettre amont, soustien- Faulcons et tierceletz, et leur donnent conger [nent La prison du matin en liberté changer.

Alors on void en l'aer Hazard, Mignon, Madame1, Desquels à tire d'aesle et l'un et l'autre entame Le vent, montants amont d'une telle façon Qu'ils font aux regardants du tout perdre le son De la sonnette ronde et qui, dru drindillante, Tesmoigne le porteur d'aesle bonne ou meschante. Mais Mignon de grand cœur ne veult laisser couler Le temps, quand il verra quelque chose à voiler ; Qui faict qu'estant en l'aer, d'aesle non paresseuse, Il vous donne atravers une bande poureuse De pigeons amassez, desjà morts à demi Pour estre poursuivis d'un si viste ennemy. Pour le tirer de là, le faulconnier habile, Et de leurre et de voix, le faict venir agile, Vis à vis de la mare, où les creintifs oiseaux Qu'espouvantoit Hazard, n'osent quitter leurs eaux ;

f. Les noms des oiseaux jettez.

242 L'Automne.

Luy tournant et montant, le quartier n'abandonne Où des picqueurs la trouppe, et desfaulconniers donne, Quand doncq' dessus la mare on void tourner Ha- On faict vuider de l'eau la cane et le canard ; [zard ' , Lors du plus hault de l'aer en bas on le void rendre, Et comme un viste esclair, sur la cane descendre, Qui la choquant à plomb la virevolte bas, Luy donnant aussi tost que le choc le trespas, [Le canard voit le coup, qui mal asseuré pense Qu'il se fault desrober pour fuir sa présence ; Doncq le long d'un fossé craintif va se coulant. Ce pendant que l'oyseau dans le ciel revolant S'appreste pour descendre après luy, que l'on cuyde Encor dans le fossé tout tremblant et timide. Il ne sçait où tourner, mais void on à la fin Comme il s'est desrobé, après le danger fin, Fin pour s'oster de là; mais non pas pour se mettre Dedans la proche mare, où chascun le sçait estre; Car un aultre faulcon du poing on jette en l'aer Avecq' un tiercelet, pour le faire voler ; Mais Montepilloet2, subject à la desbauche Estant dedans le vent, s'envole et se desbauche; L'autre suit un bizet et l'autre qui le void A l'adventure suit, desbusquants de l'endroict Où le canard tremblant n'attend à l'heure à l'heure, Que l'un des trois fondant du ciel ne le descœuvre.](rt)

a. Var. :

Les deux autres faulcons lors estants à la chasse. Voyant que le canard à tire d'œsle passe

1. Hazard a esté un des meilleurs faulcons de France, et des mieux dressez.