Tiercelet de faulcon fort bon

Vol pour Rivière. 243

Or je désire encor' te faire voir en Paer, Un vol d'autres faulcons bien apris à voiler, Qui au partir du poing, d'une aesle frétillante, S'en vont prendre le vent. 0 combien te contente Voir jusques dans le ciel le Haglay2 se porter : Les deux autres après dispostement monter, Et d'un grand circuit, sans que pas un s'esgare, Rouer, fort bien dressez, alentour de la mare 3, Où le nombre est si grand des maresqueux oiseaux Que là et là et là en sont noires les eaux. Lors chascun s'esjouit, et l'œil en hault s'arreste, Voyant que chasque oiseau pour bien voler s'apreste ; On demeure attentif, et quand de dedans l'eau Tu commandes vuider le demy mort oiseau,

Sans estre poursuyvi, bien que loing devant eux, Ils quittent l'entreprise l, et d'un vol hazardeux Ils bandent celle part; le canard qui sent bruire Les œsles du faulcon qui vient pour le destruire, Haste et double son vol, pour gaigner un fossé, Et là se garantir du faulcon advancé Pour luy donner le choc; mais suyvi de telle <zsle Il ne peult éviter la choquade mortelle. Or ce faulcon ayant assomé son gibier Faict sa pointe, et tandis l'autre qui vient dernier Empiète le canard; mais l'autre de sa gloire Jaloux, désire avoir l'honneur de la victoire.

1. C'est quand les oiseaux estants jettez voilent autre chose que leur gibier.