Je commence : Je commence à voir

L'HYVBR.

Asseurance et furie d'un grand vieil sanglier.

Ardeur et naturelle bonté de limier.

Limier abaye le sanglier.

Furie d*un grand sanglier.

Le limier n*08e approcher le sanglier.

Sur les pas du sanglier alaigrement chemine.

Sans cesse il tire au tret, et si bien se conduit Qu'il a tantost deffaict le chemin de la nuict.

De taillis en taillis, de fustaie en fustaie, De montagne en montagne, en allant je m'essaie A le trouver baugé ; mon limier ce-pendant En s'avançant devient plus fier et plus ardant, Monstrant qu'il n'est pas loing. Après beaucoup de peine, A travers un taillis je me conduis et meine, Où le sanglier baugé, d'un horrible souffler. Commence, en nous oyant, à bruire et à ronfler. Mon limier vigoreux à ce bruit se transporte. Et tire contre moy de secousse si forte Que, me faisant tomber, ardent entre dedans ; Puis, doublant son aboy, monstre ses fieres dents A cil qui peu le creind, qui, ronflant de plus belle, Luy monstre d'autre part sa défense cruelle.

Il dresse tout son poil, et, d'horrible regard, De peur faict retenir mon limier à l'escart, Qui n'ose s'approcher. A la fin je le tire.

Et loing de la fureur du sanglier le retire.

Je brise par endroicts, et sans faire séjour. Après moy le menant, je retourne à Beau-jour.