De grande erre : Grand train

Le loup pris au sortir de Tean.

Asseurance du grand loup.

Il se noyé quasi et, proche de là mort, Au milieu des picqueurs il se vient mettre à bord. Après luy, desgoutans, les lévriers s'avancent. Et en deux ou trois saults à ses costez se lancent. Il tasôhe à se sauver et pense de nouveau (Se voyant en danger) se relancer en l'eau ; Mais deux picqueurs y sont qui de cela se doutent. Et qui , l'espée au poing, sur terre le reboutent. Il tourne parmy eux ; Levant qui ne desmord Le premier au collet luy présente la mort ; Les autres tout à coup, d'une dent furieuse, Deschirent en morceaux la beste malheureuse.

Et dessus l'herbe verde estendent çà et là Son sang avecq lequel sa vie s'escoula.

D'autre part, dans le bois le grand bruit continue Des trompes, de la voix de bien loing entendue. Qui, doublant par le fort pour le loup estonner, Faict qu'on ne pourroit pas entendre Dieu tonner. Mais pour les chiens courans la furieuse beste Ne daigne se haster, ains souvent tourne teste, Et les attend venir; par leur cry j'entendoy