Le premier livre des chroniques de Jehan Froissart

Comment li dus de Bretagne morut sans hoirs de sa lignée, et comment li contes de Montfort fu receu à signeur.

Vous sçavés , sicom ichi desus est dit , que li rois Phelippes de France , quant il vint au Pont-à-Bouvines à l'encontre dou roi d'Engieterre, liquel avoit assis et environné la chité de Tournai, et i fist son mandement parmi le roiaulme de France , il n'oublia pas à mander le ducli de Bretagne, liquels le vint servir plus puissamment que nuls des aultres princlies de France ; car il ot en sa compagnie et délivrance trente-trois banières dou païs de Bretagne, et bien sept cens chevaliers et esquiers, tous gentilshommes.

Quant tout li signeur se départirent dou roi et l'un de l'aultre, et que casquns s'en retourna viers son païs, et il orent donné tous lors hommes congiet, car en grant temps ils n'en pensoient à avoir à faire pour tel cas, chil dus de Bretagne, qui pooitestre de l'eage de soissante ans ou environ, s'en retournoit viers son païs à tout son estât tant seulement. Maladie le prist et aherdi sus son cemin, delaquelle il s'acouça au lit en la chité de Chartres, et en morut. Ce duch mort, de li ne demora fils, ne fille, car nul enfant il n'ot onques eu de sa femme ' . Chil dus avoit eu un frère germain de père et de mère, lequel on avoit nommé messire Jehan de Bretagne. De ce frère au duc, estoit demorée une belle jone fille nommée Jehane et contesse de Pentèvre de par sa dame de mère. Chil doi duc, c'est-à-entendre le duc qui fu devant Tournai , et messires Jehans de Bretagne , son frère et conte de Pentèvre , avoient un frère de par lor dame de mère , non de par lor père , car lor mère estoit remariée au conte de Montfort. Chils contes avoit eu ce fil, qui se nommoit contes de Montfort, de la dame qui ducoise avoit esté de Bretagne , vivant le duch de Breta-' gne son mari tant seullement. Li dus de Bretagne qui fu devant Tournai et ses frères avoient tenu ce conte de Montfort à frère, pour tant que il estoit fils de lor mère et non de lor père, ensi que vous le devés entendre. Chils contes de Montfort avoit à femme la soer au conte Lois de Flandres. Li dus de Bretagne qui fu devant Tournai, avoit la

1 Le duc Jean III, fils cTArtus III et de Marie de Limoges, mourut a Caen le 30 avril 1341. Son frère Gui, mort avant lui, avait laissé de sa femme, Jeanne d'Avaugour, une fille nommée aussi Jeanne, qui épousa, en 1337, Charles de Blois, de la maison de Chûtillon Jean de Montfort, qui revendiqua le duché de Bretagne, était issu du second mariage d'Artus III avec Yolande de Dreux, comtesse de Montfort. Jean de Montfort avait épousé Jeanne, sœur du comte de Flandre.

fille de son frère germain mariet à messire Carie de Blois, fil au conte Gui de Blois et frère au conte Lois de Blois et neveu dou roi Phelippe de France , fil de sa serour , car vous savés, ensi que il est dit et escript ichi desus, que li contes de Hainnau , li contes Guis de Blois et messires Robers d'Artois eurent les trois serours dou roi Phelippe. Cliils dus de Bretagne qui fu devant Tournai, avoit tousjours fait doubte que li contes de Mont-fort, son frère de remariage, ne vosist, apriès son déchiès, efforchier sa cousine la droite hiretière de Bretagne et bouter hors de son biretage, et pour ce l'avoit-il mariet et donnet à messire Carie de Blois, afîin que li rois Phelippesde France et li contes d'Alençon, si oncle, etlidus deNormendie, ses cousins germains, li aidaissent à soustenir et deffendre son biretage de Bretagne, se li contes de Montfort, qui riens n'estoit issus de Bretagne, le voloit efforchier et oster son droit, par queconque cautelle que ce fust, et ce en avint que li dus de Bretagne pensa et imagina en son temps. Car sites que li contes de Montfort peut sçavoir que li dus de Bretagne, ses frères, fu mors, il s'en vint à Nantes, qui est la souverainne cbité de Bretagne, et fist tant as bourgeois et à ceuls dou païs entours que il le reeburent à signeur et li fissent feaulté et hommage, et toutes les solempnités auteles comme elles apertiennent à faire as dus de Bretagne, sans nulles exceptions, ne réservations, et tantos ala à Eennes qui est la grignour chité apriès. Chil de Rennes le rechurent parellement. Aussi fissent chil de Vennes , de Camperlé , de Camper-Correntin , de Dol , de Saint-Bru de Vaus ', de Hainbon, de Lambale et de toutes les chités et villes de Bretagne , réservé Brest et auquns

1 Saint-Bru de Vaus, Saint-Brieuc.

fors chastiaus et les signeurs qui ne vodrent pas sitos obéir, car il sentoient que messires Caries de Blois avoit à femme la droite liiretière de Bretagne et s'esmervilloient comment les bonnes villes et les chités de Bretagne estoient sitos rendues à lui , mais messires Hervis de Lion , un grant baron de Bretagne, i avoit fort aidié ; et là par tout où li contes de Montfort aloit et cevauçoit, et à toutes ces réceptions il menoit la contesse sa femme , laquelle avoit coer d'omme et de lion ; et s'avisèrent li contes et sa femme , quant il orent chevauciet par toutes les chités et bonnes villes de Bretagne, que il ordonneraient une feste à tenir très-grande en la chité de Nantes. Si fu la feste prononchié et publyé partout et li jours asignés que la feste se tenroit. Si furent les pourvéances faites très-grandes et grosses de toutes coses que à la feste pooit ou devoit apertenir.

Li contes de Montfort qui soubtieus et imaginans estoit, se départi de Nantes et laissa là la contesse sa femme pour ordonner de celle feste et cevauça à puissance de gens d'armes viers la chité de Limoges, dont li dus, son frère, avoit esté sires et contes; et bien savoit que son grant trésor estoit là et de lonch temps l'avoit assamblé. Quant il fu venus jusques à Limoges, on n'euist nul contredit à lui recevoir, car renommée couroit jà, et bien le remonstroit, que chil de Nantes, de Rennes et de Vennes et des chités et bonnes villes de Bretagne l'avoient receu à duch et à signeur, et ce coulouroit grandement son fait, et li fissent toutes les solempnités les églises et les bourgeois de Limoges que on doit faire à son signeur, et prist et saisi le grant trésor où en or et argent avoit grans somme que li dus son frère avoit assamblé, car ce fu un sires de bon gouvernement et de grant espargne. Chils contes de Montfort prist tout ce trésor et le carga et trousa et en ordonna

ensi comme sien et s'apensa que il li venroit bien à point pour renforcier son estât, acquerre des bons amis et destruire ses ennemis. Quant il ot pris la posession de Limoges et de Limosin de ce que à son hiretàge apartenoit, il ordonna partout gens et officyers de par lui et se mist au retour, et vint à Nantes et trouva que les pourvéances pour la feste que il voloit tenir, estoient toutes prestes , dont il fu moult resjoïs, car il atendoit les nobles et les prélas de son païs, je di de son païs, c'est-à-entendre selonch le droit que il se disoit avoir. A celle feste qui fu tenue à Nantes, vinrent des chités et des bonnes villes de Bretagne les consauls et les hommes que il avoit créés et pourveus en office, mais des barons nuls ni vinrent, fors messires Hervis de Lion, dont il fu moult pensieus et esmervilliés. Bien est vérité que auquns chevaliers et esquiers le plus Bretons bretonnans i vinrent, liquel n'estoient plus encores bien enfourmé de lamatère, et à tous ceuls qui furent à se feste, il donna et départi de ses biens si largement que tout s'en contentèrent, et acquist la grasce et l'amour d'euls, car il n'est riens que dons ne fassent.