CHAPITRE CXXXI
Comment li contes de Montfort, à grand' foison de gens d'armes, mist le siège devant Brest.
Quant li contes de Montfort vei que pluisseur baron et chevalier de Bretagne refusoient d'obéir à ses mandemens et que point n'estoient venu à sa feste, si en fu tous mérancolieus, et pour ce ne laissa-il pas à fester et à faire bonne chière à tous ceuls qui venu estoient, et avant que la feste fust esparse, il demanda comment il se ceviroit de
ceuls qui le voloient adoser1. Il fu consilliés que il semonsist tous ses hommes et priast ses amis et presist saudoyers de toutes pars, car il avoit bien de quoi faire et cevauçast à puissance de gens d'armes en Bretagne et conquesist de fait les rebelles et fesist venir à obéissance, et tout premièrement il alast devant Brest et fesist tant que il en fust sires, car pas n'est dus de Bretagne, qui n'est sires de Brest. Li contes deMontfort crei ce consel et semonst tous ceuls qui feaulté li avoient fait et desquels il pensoit à estre aidiés, et retint saudoyers à tous lés et les paia bien et largement, tant que casquns le vintvolentiers servir.
Quant li contes de Montfort vei que il avoit gens assés pour cevauchier avant en Bretagne, et pour aprendre à congnoistre liquel et lesquels vodroient faire partie à l'encontre de li et dire que il ne fust de son droit dus et hiretiers de Bretagne, li intension de li et de son consel estoit telle que il les radrèceroit, vosissent ou non, à raison. Si se départi de Nantes en grant arroi et se mist au chemin pour venir et aler devant Brest. Vous devés sçavoir avant que il venist à Brest, il avoit jà le plat païs de Bretagne et moult de grosses villes si constrains à lui et mis en son obéisance que toutes gens le sieuvoient à cheval et à piet, les uns par renommée que on disoit : « Vechi nostre si- « gneur le duch, » les aultres par cremeur que il non osoient faire le contraire, et tant esploitièrent li contes de Montfort et tous ses routes, que il vinrent devant Brest. Dou chastiel de Brest pour ces jours estoit gardyens et chapitainne uns vaillans et sages chevaliers qui se nommoit messires Garniers de Cliçon, cousins germains au signeur de Cliçon. Li contes de Montfort li manda que il
1 Adoser, mépriser, abandonner.
venist parler à lui sus aségurances : il vint. Quant il fu venus, il li demanda pourquoi il clooit les forterèces de Bretagne à l'encontre de li, quant bien il savoit que il en estoit dus et sires, et que les chités et bonnes villes de Bretagne l'avoient recheu à signeur. Il respondi à ce et dist : « Sire, je tieng clos et tenrai le chastiel de Brest, « tant que il me sera aparant que il i auera un duch en « Bretagne, qui recbeus i sera de tous les barons et les « fiévés, ensi comme il apertient à estre recheus, et que « chils dus auera fait son devoir deviers.son naturel et « souverain signeur, le roi de France, et que li rois l'auera « recheu à homme lige, de foi et de bouce, et quant ce me « sera apparant clèrement, je obéirai : ce sera raisons. » Donc dist li contes de Montfort : « Garnier , vous voés « messire Hervi de Lion qui est uns des grans barons de « Bretagne, qui est venus à obéisance à moi, et aussi sont « pluisseur noble prélat et gentilhomme et toutes les chi- « tés et bonnes villes de Bretagne. Si ne me devés pas « estre rebelles, ne aléghier dou contraire, que je ne soie « dus de Bretagne, car la succesion m'en vient de par « monsigneur mon frère, le darrain mort. » — « Sire, res- « pondili chevaliers, je ai esté moult de jours et de nuis « dalés monsigneur vostre frère de qui vous parlés, et se « li ai oï dire et affremer, que à la ducée de Bretagne « vous n'avés nul droit, mais l'a messires Caries de Blois « en l'oquison de madame sa femme qui fille fu à messire « Jehan de Bretagne, conte de Pentèvre, et frère germain « au bon duc darrainnement mort, et quant les raisons a seront esclarcies et déterminées, là où li à orelles le « doient estre, c'est à Paris devant le roi de France et les « douse pers, puisque vous en volés faire question, je « ouvrerai le chastiel de Brest et jusques adonc, non. » —
« Garnier, Garnier, respondi li contes de Montfort, nous « ne volons pas tant atendre. Or vous en retournés, vous « avés assés parlé, et sachiés que nous i entrerons quant « nous porons. » A tant rentra messires Garniers de Cliçon eus ou chastiel, etli contes de Montfort fi*t ordonner et apparillier enghiens et bricoles pour assallir, et dist : « Brest est la clef de Bretagne, mais par celle clef « je voel entrer en Bretagne. »
