CHAPITRE CXLVII

Comment messires Carie de Blois dépara son hoost en deus parties et ala aségier Aurai, et comment ceuls de la ville de Hainbon, se sentant moult grevé par messire Loïs d'Espagne , trettièrent as François et donnèrent à la contesse pourvéance pendant chincq jours.

Quant messires Caries de Blois vei que riens il ne conquéraient à asallir Hainbon , si en fu tous mérancolieus , et furent li signeur ensaniblé en consel comment il se maintenaient. Consilliet fu que il dépareroient lor hoost en deus parties, li une des parts demorroit devant Hainbon, et li aultre, en la compagnie de messire Carie, iroient mètre le siège devant Aurai. Si se départirent en la route et compagnie de messire Carie tout chil qui nommet i furent, et vinrent devant Aurai et l'aségièrent, mais li chastiaus est fors et ne fait pas à prendre par assaut, et pour lors il estoit bien pourveus de chapitainne et de bons compagnons que la contesse i avoit envoyet , liquel n'avoient nulle volenté de rendre par trettié, ne aultrement.

A quatre lieues de là siet la chité de Vennes , qui est forte assés et toute en l'obéissance de la contesse, et en estoit pour lors cliapitainne, messires Jefïrois de Malatroit, et li sires de Malatroit, ses cousins, estoit en la route de messire Carie de Blois.

D'autre part siet la ville de Dignant en Bretagne, qui pour lors n'estoit fermée que de fossés et de palis, et en estoit chapitainne li chastelains de Ghinghant, mais pour lors il n'i estoit point. Avant se tenoit en la garnison de Hainbon avoecques la contesse de Montfort, mais il avoit sa

femme et ses filles en son liostel laissiet eu la ville de Dignant, et avoit un fil à chevalier que on nommoit messire Renault, et estoit de sa jonèce moult vaillans homs. Entre ces deus villes de Vennes et de Dignant a un fort chastiel, lequel on nomme Roce-Périot ' et se tenoit pour lors à messire Carie de Blois, liquels l'avoit pourveu de bons compagnons bourguignons, et en estoit chapitains uns esquiers de Bourgogne que on clamoit Gérart de Malain, et avoit avoecques lui un chevalier que on nommoit messire Pierre Portebuef. Chils Gérars de Malain et li chevaliers avoecques lors compagnons honnissoient tout le pais, et chevauçoient priesque tous les jours une heure à destre, l'aultre à senestre, et ne pooient pour euls pourvéances nulles entrer, ne -venir à Vennes, ne à Dignant que chil qui les menoient, ne fuissent rués jus et les pourvéances conquises, dont moult en anoioit aujone chevalier messire Renault de Ghinghant, et li tournoit, ce li estoit vis, à grant blâme pour tant que il avoit la carge de la garde de la ville de Dignant, et tant pensa sus que il i pourvei et prist un jour, par une enbusque que il pourjeta sus les camps, ledit Gérart de Malain et vingt-cincq Bourguignons, et les emmena prisonniers en la Roce-Périot 2, et de ce fait fu li dis messires Renauls moult loés et moult prisiés.

Je me tairai un petit de ces Bourguignons et de messire Carie de Blois qui avoit asségiet li chastiel d' Aurai et parlerai de messire Lois d'Espagne et de ses gens, liquel

1 Dans les géographies modernes, on confond la Roche-Derien et la Roche-Périot, ainsi nommée, dit-on, parce quelle fut fondée par un paladin de la Table ronde. Froissart distingue ces deux localités et leur assigne une situation différente.

2 II faut lire : a Lignant.

avoient assis, ensi que vous savés, la confesse de Montfort dedens Hainbon, et avoient li François fait carpenter et ouvrer grans enghiens et fait venir aultres enghiens de Rennes et de Nantes et drechiet devant la ville de Hainbon, liquel continuelment jettoient contre les murs, les tours et les portes, pierres de faix et travilloient durement ceuls de Hainbon, de quoi ch.il qui dedens estoient, li auqun se commenchièrent à esmayer, car sequours ne lor aparoit de nul costé, dont la contesse de Montfort estoit en grande angousse de coer et menoit ses gens de douces paroles et lor prioit pour Dieu que il ne fesissent nul trettié senestre, car disoit la contesse : « Bonnes gens et mi bon « ami, li corages me dist que nous auerons proçainnement « bonnes nouvelles d'Engleterre, et retourne messires « Amauris de Cliçon, qui amainne le secours que nous dé- « sirons tant à avoir et à veoir. »

Nonobstant toutes ces douces paroles et amiables que la contesse lor disoit et remonstroit, li évesques de Lion en Bretagne, qui se nommoit messires Guis ' et qui estoit oncles à messire Hervi de Lion liquels estoit au siège là devant Hainbon, parla un jour sus aségurances à son neveu, et se portèrent lors trettiésque ils et auquns chevaliers et esquiersqui là dedens estoient enclos, se départiroient de la contesse et sevenroient rendre à messire Lois d'Espagne qui représentoit pour lors le corps à messire Carie de Blois.

La contesse, qui vivoit en grant angousse de coer et double anoi, quant elle senti que ses gens qui loiaument l'avoient servi jusques à chi, voloient faire auquns mauvais trettiés à ses ennemis. . . . 2 et issi hors de son chastiel,

1 Gui de Léon avait succédé fort peu de temps auparavant à Pierre de Guéméné, sur le siège épiscopai de Saint- Pol de Léon.

2 Lacune.

et vint en la ville parler à euls et lor pria en plorant que il ne vosissent avoir nul pacte as François. Li auqun en orent pité et dissent : « Dame, ce que nous louons ', c'est « pour ce que nous faisons doubte que vous n'ayés nul « seqours d'Engleterre ou que il ne soit mesceu à messire « Amauri de Cliçon, par quoi il n'a point fait vostre mes- « sage, car il sourviennent sus la mer trop de périls et de « fortunes, et quel [trettié que nous faisons, ne ferons, « nous vous jurons que vous serés gardée de vostre corps « et demorrés chi en ce ehastiel ou ailleurs en plus forte « place, là où il vous plaira, et au sourplus nous vous « donnons pourvéance chincq jours. Là en dedens pueent « avenir moult de coses. » — « Vous dites vérité, respondi « la contesse, et grant merchis. » Donc retourna-elle à mont ens ou ehastiel moult angouseuse de coer et bien i avoit raison.