CHAPITRE CXLIX
Comment li grans enghiens des asiégcans fu rompus par les Euglois et les Bretons.
Messires Lois d'Espagne et li viscontes de Rohan et messires Hervis de Lion sceurent tantos que secours d'Engleterre estoit venus à la contesse, car li évesques de Lion lor dist et aussi fissent aultres hommes bretons, qui estoient aie sus le havène et veu la navie entrer. Si en furent tout pensieu; nequedent il ne vourent pas brisier lor siège pour cela, mais fissent les enghiens cargier qui avoient séjourné trois jours, et jetter pierres de faix en la ville, tant que li Englois, qui point n avoient encores apris tels coses,
1 Vermauls, vermeil, ayant le teint vermeil.
en furent ensi que tout effreé. Messires Gautiers de Mauni, quant ce vint apriès-disner et ils et si compagnon furent rafresqui, il traïst à part messire Ivon de Tigri et messire Guillaume de Quadudal et le chastellain de Ghinghant, et lor demanda de lestât de la ville et de la poissance de ceuls de l'oost, et se messires Caries de Blois estoit en personne au siège. A toutes ces coses respondirent li chevalier, et dissent que messires Caries de Blois n'estoit point présens, mais tenoit son siège devant Aurai. Tant que de l'estat de la ville, estans le siège qui moult les avoitconstrains, elle estoit bien pourveue, car li vivre qui lor venoient par mer les confortoit grandement , et estoient là dedens bien cinq cens combatans. « Donc, dist messires Gautiers de « Mauni, je voel, jà sus l'eure dou souper, aler veoir « ce grant enghien. Faites apparillier vos gens et je « auerai tous près les nostres et nous meterons en painne « de l'abatre et dou décoper, car il ne vous laisseront dor- « mir. Il demainne trop grant hustin et se nous est trop « proçains. » Li chevalier breton respondirent et dissent : « Sire, à vostre ordenance il sera fait. » Sus cel estât il s'ordonnèrent et reposèrent, et se rafresquirent les Englois un petit, car il avoient esté travilliet de la mer.
Quant ce vint sus l'eure de vespres, Breton et Englois s'armèrent et furent environ cinq cens, et otant ou plus d'archiers, et fissent ouvrir la porte qui estoit la plus procainne de cel grant enghien et avaler le pont, et puis issirent tout souef desous le pennon à messire Gautier de Mauni et fissent passer tous lors archiers devant, et s'en vinrent tous le pas jusques à l'enghien, et là a voit environ cent armeures de fier et cent arbalestriers genevois qui le gardoient.
Quant il veirent ces gens d'armes et ces archiers venir.
tous ordonnés et apparilliés pour combatre, il furent tout esbahi et tournèrent en fuies deviers l'oost. Droit à la flote1 de ce grand enghien s'arestèrent les Englois et les Bretons, et avoient amené ouvriers et carpentiers qui tantos entendirent à décoper cel enghien et le missent tout par pièces à terre. Les nouvelles vinrent en l'oost par les fuians qui n'avoient osé demorer dalés lor enghien (car il n'estoient pas fort assés pour résister as gens la contesse), que li grans enghiens estoit conquis, abatus et deffaçonnés. Donc fissent li signeur sonner les trompètes et armer toutes gens et traire sus les camps, et casqun desous la banière de son signeur. Se ne fu pas sitos fait, mais fu tantos tart, et entrues que il s'ordonnoient en l'oost et mettoient ensamble, messires Gautiers de Mauni et ses gens passèrent encores plus avant autour de la ville et abatirent deus enghiens, et missent tous en pièces li carpentier qui là estoient. La contesse de Montfort estoit en son chastiel et veoit tout cel esbatement : si en avoit grant joie. Adonc se missent au retour les Englois et les Bretons et les archiers sus costière, et les François qui estoient ordonné en une belle bataille où plus avoit de deus mille hommes sans les Genevois , les poursievirent jusques as barrières, mais point n'i eut d'escarmuce, car la vesprée vint. Si rentrèrent en Hainbon li Englois et li Breton, sans nul damage. La contesse de Montfort lor vint au-devant et les remerchia grandement de lor emprise et de ce que il l'avoient apaisié de ces enghiens.
1 Flote, construction en bois?
