CHAPITRE CL
Comment messires Loïs d'Espagne se deslogia et ala mettre le siège devant Dignant; et comment, sus son cemin, il prist par force le chastiel de Conquest, qui fut tantos reconquis par les Englois.
Quant ce vint à lendemain, messires Loïs d'Espagne appella le visconte de Rohan, l'évësque de Lion, messire Hervi de Lion et le mestre des Genevois pour avoir consel et avis comment il se déduiroient, car il veoient la ville de Hainbon très-forte et rafresquie de bonnes gens d'armes et d'archiers, par lesquels de nuit il pooient estre fort travilliet et recevoir plus de blâme et de damage que de proufit. Tout considéret, consilliet fu que ils se deslogeroient et se retrairoient deviers messire Carie de Blois et les aultres barons de France, et metteroient les deux hoos en une. Si se deslogièrent et requellièrent tentes et trefs, et missent tout à voiture et boutèrent le feu en lors fuellie.s.
Quant chil de la garnison de Hainbon veirent ce convenant, si dissent entre euls : « Nostre ennemi s'en vont : il « se deslogent. » Là i ot auquns compagnons aventureus qui sallirent dehors pour gaegnier, mais il furent rebouté et remis en la forterèce à loi* damage, et en i ot des mors et des pris, car au deslogement il s'ordonnèrent tout et missent en une belle bataille, et oncquesne se desroutèrent et atendirent tout l'un l'aultre et loi- charroi et lors pourvéances, et vinrent ensi, banièresdesploiées, devant Aurai.
Quant messires Caries de Blois et les signeurs les veirent venus , si s'esmervillièrent pourquoi il avoient brisié loi- siège. Messire Lois d'Espagne lor recorda com-
ment grans secours estoit venus à la contesse d'Engleterre : « et ont à chapitainne un chevalier de Hainnau moult « vaillant homme à ce que il monstre et a jà commenchié, « car le jour meismes que il arriva à Hainbon, ils et une « partie des siens issirent hors de la forterèce, entrues « que nous estions au souper, et vinrent abatre et décoper « nos enghiens. Je tieng ce fait à grant apertise d'armes, « et est li chevalier nommés messires Gautiers de Mauni. » — « En nom Dieu, respondi mesures Caries de Blois, c'est « uns vaillans hommes ; j'en bien oï parler. Ensi se ren- « force nostre guerre. » Adonc laissièrent-ils à parler de ce et parlèrent de 1 evesque Gui de Lion, liquels avoit laissiet la contesse de Montfort et estoit venus servir messire Carie et soi rendre à lui. Messires Caries de Blois fu tous resjoïs de sa venue et rechut l'évesque à homme, et demora depuis tousjours dalés messire Carie de Blois.
Or fu ordonné, en ce jour meismes que messires Lois d'Espagne fu là venus, que ils et tous ceuls que amené il avoit, s'en iroient mettre le siège devant la ville de Dignant et se meteroient en pàinne de le prendre. Si ne reposèrent en l'oost que une nuit. A l'endemain, il se missent tout sus les camps, réservé l'évesque Gui de Lion qui demora avoecques messire Carie de Blois. Et estoient bien deus mil cinq cens armeures de fier et trois cens arbalestriers genevois. Ensi que li dis messire Lois d'Espagne et ses gens ceminoient deviers Dignant, il trouvèrent sus lor cemin un chastiel qui se tenoit de la contesse, que on nommoit Conquest', et en estoit gardiens et chastellains
1 Froissart n'a pas voulu désigner le port du Conquêt, à l'entrée de la rade de Brest. 11 dit positivement que ce château était peu éloigné d'Hennebon, et il s'agit ici, croyons-nous, du château de CoDcq, aujourd'hui Concarneau, à onze lieues d'Hennebon. On comprend que les
86 r.HRONini ES
uns chevaliers de Loinbardie que on nommoit messire Mansion, et avoit pluisseurs saudoyers avoecques lui. Si se traïssent messires Lois et toutes ces gens devant ledit chastiel et le assallirent fortement et i livrèrent li arbalestrier genevois très-grant assaut. Li compagnon qui dedens estoient, se deffendirent moult bien et tant que ce premier jour li François i conquestèrent moult petit et se logièrent là pour celle nuit.
A l'endemain, il retournèrent tout à l'assaut et quissent voie et enghien par quoi il l'adamagièrent ; car à l'endroit où. li arbalestrier traioient et ensonnioient ceuls dou fort, il rompirent le mur et i fissent un grant pertuis ' et entrèrent dedens à force, car il estoient grant gent. Quant li compagnon se veirent en ce parti, il se vodrent rendre, salve lors vies, mais nuls ni volt entendre. Avant furentil pris par force et tout mort sans nierchi, réservé le chevalier. A cesti on sauva la vie, et demora prisonnier. Quant il orent ensi conquis le chastiel de Conquest, il s'avisèrent que il le tenroient, et i establirent un autre chastellain bon et ségur, et soissante compagnons avoecques lui, liquel prissent le chastiel en garde sus lor péril et le remparèrent pour ce que il avoit esté désemparés à l'assallir, et puis passèrent oultre et s'en vinrent mettre le siège devant la ville de Dignant, de laquelle messires Eenauls, fils au chastellain de Ghinghant, estoit chapitainne. Nouvelles vinrent ens ou chastiel de Hainbon que messires Lois d'Espagne estoit arestés devant le chastiel de Conquest. Si ot messire Gautiers de Mauni très-grant désir de traire
troupes de Louis d'Espagne aient passé par Concarneau, pour prendre à Quimper la route de Dinan. Sur cette route se trouve Jugon, dont Froissart parle ailleurs.
1 Pertuis, ouverture.
celle part, et le dist à messire Ivon de Tigri et as aultres : « Il nous fault cevauchier deviers Conquest et conforter « ceuls qui sont dedens. Se nous poions ruer jus messire a Lois d'Espagne, nous ferions un bon esploit. » A ceste parole s'acordèrent tout li compagnons et furent tantos apparilliet et lors chevaus refierrés à ceuls asquels il besongnoit. Chils jours passa. Quant ce vint à l'endemain, les trompètes des chevaliers sonnèrent. Lors s'armèrent li compagnon et montèrent as chevaus et se départirent de Hainbon environ chinq cens armeures de fier et chinq cens archiers et cevauchièrent viers le chastiel de Conquest et ne savoient pas que il fust ens ou parti où il estoit, mais furent moult courouchié quant il trouvèrent que li François l'avoient conquis et rafresqui de nouvelles gens. Toutes fois, il l'avisèrent et dissent entre euls que il estoit bien prendables. Si s'arestèrent là tout autour et envoièrent à Hainbon apriès lors pourvéances. Si furent misses à voiture pour amener devant Conquest. Trois jours furent li Englès et li Breton devant le chastiel de Conquest et tous les jours i livrèrent-il assaut grant et fier et mervilleus. Il i avoit dedens Espagnols qui trop vassaument se deffendoient et faisoient grans apertisses d'armes et tant que il en bléchièrent pluisseurs des assallans. Au darrain assaut qui fais i fu, il se pourveirent de claies renforchiés que li archiers faisoient porter devant euls pour le jet des pierres qui venoient d'amont, et quant il furent cargiet, il aprochièrent dou plus priés les murs qu'il peurent, et puis s'esforchièrent au traire de celle ordenance contre mont que nuls ne s'osoit à monstrer as deffenses, se il ne voloit estre enfillés de une flèce tout parmi la teste ou le bras ou le corps, et entrues que les archiers ensonnyèrent ensi ceuls d'amont, il i avoit Bretons qui entendoient à pertuis-
sier le mur et trouvèrent le pertuis refait par où les François avoient entré détiens. Si le repertuissièrent et le désemparèrent à force de pels et de hauiauls, et par là meismes entré rent-il ou cliastiel, et fu ensi pris et conquis, et tout li Espagnols qui dedens estoient, mort, réservet le chapitainne, liquels se nommoit Pierres Fernans de Cadesque, et auquns gentils hommes de son païs et de sa délivrance, pour lesquels il demora, se raençon les convenoit paver; et désemparèrent les Englès le chastiel de Conquest et dissent que point il ne faisoit à tenir, ne. à garder, et s'en retournèrent arrière à Hainbon et emmenèrent lors prisonniers.
