Livre du bon duc Jehan de Bretagne
s Dès 1332, le roi d'Angleterre avait donné des ordres pour que l'on réparât la chapelle de saint Edouard au château de Windsor.
DE FROISSART. itS
quel li rois Artus fist jadis faire et fonder, et là où premièrement la Table Ronde fu commenchié, dont tant de bons et vaillans chevaliers issirent et travillièrent en armes et en proèces par le monde ; et feroit li dis rois une ordenance de chevaliers de li et de ses enfans et des plus preus et renommés d'Engleterre et d'aultre païs aussi, qui estoient en son service, et seroient en somme jusques à quarante, et seroient nommé li chevalier dou Bleu Gertier et porteroient tousjours continuelment en lor senestre jambe une ordenance dou Bleu Gertier, et feroit faire et édefyer en l'honnour de Dieu et de saint George une capelle ou chastiel de Windesore, et le jour Saint-George seroient tout chevalier à la feste, qui bonnement i poroient estre, et là aueroit douse chanonnes bien aprouvendés qui feroient le service de Dieu et pryeroient pour les chevaliers de l'ordenance dou Bleu Gertier. Quant la promotion de ceste feste faire vint en avis au roi d'Engleterre, il manda une partie des nobles de son roiaulme, et quant il furent venu, il leur dist son intension : « Il me vient en plaisance et « en dévotion, de faire une ordenance en l'honnour de « Dieu et de saint George par telle et telle manière » et leur compta tout au lonc la matère et ordenance de l'emprise, ensi que ichi desus vous l'avés oï. Li baron et li chevalier qui là estoient à ce recort, s'i acordèrent et dissent que che seroit bien fait. Ensi fu la feste de saint George ens ou chastiel de Windesore édefyé et commenchié, et la capelle des douse chanonnes tantos pourjettée, et ausi fu li grans ouvrages dou chastiel de Windesore commenchiés et pourjettés à manière de un grans palais de salles, de cambres et de toutes ordenances si plentiveusement que pour logier le roi et son estât et la roine et son estât et les prélas, "barons et chevaliers d'Engleterre, et
tout à lor aise, et encores demoroient tout li viel ouvrage entier qui comprendoient grant fuisson, le dougon de Windesore et les cambres et le grande sale où li rois Artus faisoit au temps de son resgne son tinel ' et tenoit son estât de chevaliers aventureus, de dames et de damoiselles. Et pour avanchier les ouvrages de Windesore qui furent empris pour faire et commenchier, l'an de grâce mille CCC et XLIII, ouvrier furent envoyet querre parmi tout le roiaulme d'Engleterre, et mis en œvre et payet et délivret au samedi, et eurent chil ouvrier un clerc qui entendoit sus euls et qui les faisoit payer, lequel on appella Willaume Wiquam 2, et chils fu depuis si grans mestres en Engleterre que évesques et canceliers, et se passoient toutes coses par lui, et fu tellement en la grâce dou roi que par lui, son temps durant, fu tout fait en Engleterre, et sans li n'estoit riens fait.
* Tinel, réjouissance, cour plénière.
- On raconte que Guillaume Wickham avait fait tracer sur une des murailles de Windsor les mots : This made Wickham. Quelques courtisans lui reprochèrent de s'être attribué l'honneur de la construction ordonnée par Edouard III, mais il se justifia en disant qu'il fallait traduire ces mots dans l'ordre où ils étaient placés : Ce château a fait Wickham, et qu'en effet il devait à ce château ses richesses et ses honneurs. Wickham fut évêçme de Winchester, et une des tours de Windsor s'appelle encore la tour de Winchester.
William Wickham fonda à Oxford le New collège, si remarquable par son architecture. Il créa un autre collège à Winchester. Camden, qui l'appelle le plus grand protecteur de la science que l'on connût jamais en Angleterre, assure que sa mémoire sera honorée dans tous les siècles.
