CHAPITRE CXXXVII
Comment li douse per de France jugièrent la ducée de Bretagne à messire Carie deBlois.
Vous devés sçavoir que li rois de France et li contes d'Alençon , son frère et li dus de Normendie et messires Caries de Blois furent moult courouchiet et tout chil de sa partie, quant la congnissance lor vint que li contes de Montfort s'estoit emblés et partis de Paris et en fu li contes de Flandres soupeçonnés que il ne li euist consilliet à faire pour tant que il avoit sa serour à femme, mais li contes se osta de la soupeçon et s'en escusa grandement et tant que on le tint bien pour escusé. Toutes fois, comment que li contes de Montfort euist fait et se fust départis et emblés de Paris, ensi que vous avés oï, li quinse jour se tinrent que li douse per de France dévoient rendre lor jugement de la ducée de Bretagne. Si le jugièrent dou tout à messire Carie de Blois et en ostèrent le conte de Montfort par deus raisons : l'une par tant que la femme à messire Carie de Blois qui fille estoit dou frère germain le ducli de Bretagne qui mors estoit, de par le père dont la ducée lor venoit, estoit plus proçainne que ne fust li contes de Montfort qui descendoit d'un aultre père qui oncques n'avoit esté dus de
Bretagne. L'aultre raison si estoit telle que se li contes de Montfort i euist auqun droit, se l'avoit-il fourfait par deus raisons : l'une pour tant que il l'avoit relevet de aultre signeur que dou roi de France de qui on le devoit tenir en fief; l'aultre raison pour tant que il avoit fourpasset le commandement de son signeur le roi et brisiet son arest, et partis sans congiet'.
Quant chils jugemens fu rendus par plainne sieute des prélas et des barons qui à ce estoient et sont député et ordonné dou faire, li rois appella son neveu messire Carie de Blois et li dist : « Biaus niés2, vou^ avés jugement « pour vous de biel hiretage et grant. Or vous hastés et « vous penés dou reconquerre sur celi qui le tient à tort, a et pryés tous vostres amis que il vous voellent aidier à « ce besoing, et je ne vous i faudrai pas, mais vous aide- « rai de gens et de finance, et dirai à mon fil le ducb de « Xormendie que il se face chief avoecques vous, et vous « hastés, car se li rois d'Engleterre, nostre adversaire, de « qui chils contes de Montfort a relevé la ducée de Bre- « tagne, venoit en Bretagne ou envoioit ses gens, et chils « contes les mesist ens es bonnes villes et ens es chastiaus « qui sont du domainne de Bretagne, nous ne les en oste- « rions pas aise, et nous poroient porter trop grant da- « mage, car lesEnglois ne poroient avoir plus belle entrée « pour venir en France que par Bretagne. » Messires Caries de Blois et li contes de Blois, son frère, liquel estoient en genouls devant le roi, le remercyèrent humlement de toutes ces paroles. Lors se levèrent-ils en pies et alèrent autour pryer lors amis, premièrement lor oncle le conte d'Alençon, et puis lor cousin germain le duch de Normen-
1 Cet arrêt fut prononcé à Connans. le 7 septembre 1341. - Xiés, neveu.
die, le duch Oede de Bourgogne et messire Phelippe de Bourgogne, son fil, le duch Pierre de Bourbon et messire
•me de Bourbon, conte de Pontieu, son frère, le conte d'Eu et de Ghines, connectable de France, le conte de Vendôme, le conte de Dammartin, le signeur de Chastillon et grant fuisson de barons de lor linage, et tout de bonne volenté se offrirent à faire service et plaisance à
ire Carie de Blois et aler à lors coustages avoecques li en Bretagne. Si se ordonnèrent et apparillièrent dou plus briefment que il peurent, et fissent lor mandement à estre à Chartres et atendrel'un l'aultre en la chité del Mans ou d'Angiers.
