CHAPITRE CXXXVIII
Comment les signeurs de France chevaucièrent pour entrer en Bretagne, et comment li chastiel de Chastonseal lor fu rendu.
Quant tout chil signeur, liquel s'en dévoient aler avoecques monsigneur Carie de Blois ens ou pais de Bretagne pour li aidier à recouvrer son hiretage, furent prest et lors gens venus, il se départirent de Paris li auquns, et li aultres de lors lieus, et en alèrent les uns apriès les aultres et si se asamblèrent la grignour partie en la chité du Mans et là environ ; puis s'avalèrent jusques en Anghiers et là trouvèrent le duch de Normendie qui chiés se faisoit de ceste cevauchie, et vinrent toutes ces gens d'armes en Ancheni sus la frontière et entrée de Bretagne, et là séjournèrent trois jours en atendant encores l'un l'aultre et pour ordonner lor charroi et lors convois. Quant il orent ensi fait, il se missent par ordenanche au cemin et chevaucièrent pour entrer en Bretagne, et considérèrent lor pooir
DE FROISSART. 3i
et estimèrent lor hoost à cincq mille armeures de fier, sans les Genevois qui estoient environ trois mille, et les conduisoient doi chevalier de Gennèves. Si avoit nom li uns messire Othe Dorie1 et li aultres, messires Caries Grimauls2, et sii avoit grant fuisson de bidaus et d'arbalestriers que li Galois de la Baume conduisoit, uns chevaliers savoyens.
Quant toutes ces gens d'armes et aultres arbalestriers et bidaus as lances et à pavais se trouvèrent sus les camps, ils se départirent d'Ancheni et prissent le cemin par deviers un très-fort chastiel séant sus une montagne et desous court une rivière, et le chastiel on l'apelle Chastonseal3 et est la clef et li entrée de Bretagne à ce lés-là, et estoit pourveus et garnis de bonnes gens d'armes et en estoient chapitainne et gardyen doi chevalier de Lorraine, dont li uns avoit nom messires Milles et li aultres messires Vallerans. Quant li dus de Xormendie qui estoit chief de ceste cevauchie et li aultre signeur de France veirent le chastiel si fort, il orent consel que il le assiégeroient, car se il passoient oultre et il le laissoient derrière, il lor poroit porter damage à euls ou à lors gens et as lors pourvéances. Si le assegièrent dou plus priés que il porent et i fissent pluisseurs assaus. Meismement li Genevois qui sont bons arbalestriers, s'i abandonoient à le fois assés follement et tant que i perdirent de lors compagnons à lors assaus, car chil dou chastiel se deffendoient vaillamment. Adonc imaginèrent chil signeur de France que il convenoit emplir les fossés pour aprochier de plus priés. Si furent envoyet querre et amené tout li homme païsan dou plat païs, et
« Otho Doria.
- Carlo Grimaldi.
* Châtonceaux.
• lorfist-on coper baus et mariens', à porter, à traîner et à
eharyer et jeter en ces fossés, et tant fissent par la grant
diligense que il i rendirent, que il furent raempli là en cel
endroit où il avoient mieuls l'avantage de l'asallir, et
entrues que on entendi à raemplir ces fossés, le signeur
de France fissent faire et carpenter un chastiel de bois sus
douse roes et tout couvert et garité2, ouquel pooient bien
["tenir] deus cens hommes d'armes et cent arbalestriers. Si
fu à force d'hommes chil chastiaus pourveus de gens
d'armes et d'arbalestriers amenés assés priés dou mur, et
avoit ou dit chastiel trois estages, ou premier hault es-
toient les gens d'armes, ou second les arbalestriers, et ou
tiers estage tout bas, piquetour pour piqueter au mur et
tout destruire et abatre.
Le jour que li enghiens et li chastiaus fu boutés avant,
ot à Chastonseal trop orible assaut, et moult de hommes
mors et bléciés de ceuls deàens et de ceuls de dehors , et
alevèrent chil dedens toute lor artelerie au traire et par
trois fois furent rafresqui chi qui ou chastiel estoient.
Quant messires Milles et messires Vallerans veirent que
si continuelment on les assalloit et que moult de lors
hommes estoient bléchiet et se ne lor apparoit confors de
nul costé, il se doubtèrent que de force il ne fuissent pris,
si entrèrent en trettiés deviers le duch de Normendie à
qui on parloit de toutes coses. Trettiés se porta que il
rendirent le chastiel, salve lors vies et lors biens. Ensi
orent li François le chastiel de Chastonseals, si le rempa-
rèrent et rafresquirent de toutes coses, et fu rendus li dis
chastiaus dou duch de Normendie à messire Carie de Blois
comme hiretiers et dus de Bretagne, et puis passèrent
1 Marie», mairrien, bois de charpente.
2 Garité, fait en forme de guérite.
DE FR01SSART. 33
oultre et ceminèrent viers Nantes, où li contes de Montfort se tenoit, qui bien estoit enfourmés de la venue de ces sig*neurs de France. Si se pourvéoit selonch ce, et avoit envoyet sa femme et un sien jone fil à Vennes, et monstroit bonne ordenance de li deffendre et garder.
