CHAPITRE CCXII
Comment li rois Édouwars prist le cemin de Louviers, et comment il envoya les prisonniers en Engleterre.
Li rois d'Engleterre et ses gens furent signeur de la ville de Caen trois jours, et ne fissent à homme, ne à femme mal, depuis que messires Godefrois de Harcourt en eut pryet et parlet; mais jà avoient les Englois pris et levés tant de biens et de bons meubles, que bien lor devoit soufiîre, et tant en avoient amené des aultres villes conquises et dou plat pais que tout en estoient cargiet, et orent avis, en ces trois jours, que tout lor butin et lor conques et les prisonniers que pris avoient, il les envoieroient en Engleterre par la mer, et en lors vaissiaus qui gissoient à l'ancre, assés priés de Caen, en la rivière de Ourne. Se ne fissent li plus de ces Englois que porter, mener et charryer et toutes bonnes coses, draj>s, toilles, pennes, lis, cambres ordonnées1, et tous bons meubles. De menues coses et petites, il ne faisoient compte, et vendoient bien li un à l'autre lor pillage et lor conques, et en donnoient très-grant marchiet, et lors prisonniers aussi, et tout estoit remis à cariage et voiture et porté en
1 Chambres, tentures et tapisseries qui faisaient partie de l'ameublement des chambres à couclier. Le plus souvent, elles étaient en velours et ornées de broderies.
la navie. Li connestables de France et li contes de Tanquarville furent rendu et livré de messire Thomas de Hollandes au roi d'Engleterre, et feirent tant que dou rendage et de la prise, [il furent] bien d'acort ensamble et des aultres chevaliers qui pris avoient esté en la ville de Caen prisonniers, et toutes coses furent tout mis ens la navie, et li contes de Honstidonne, à tout deus cens hommes et quatre cens archiers, ordonnés à estre capitains et conduisières de la navie pour mener en Engleterre, et fissent ce les Englois à celle intension et ordenance que il ne voloient point estre cargiet sus le grant cemin que il avoient à faire, de nulle cose qui lor donnast empêcement.
Au quatrième jour, li rois d'Engleterre et les Englois issirent de Caen, et quant il monta à ceval, il i avoit autour de li grant fuisson de hommes et de femmes, qui venu Festoient veoir. Se lor dist li rois tout hault : « Entre « vous qui chi estes, de la courtoisie que je vous fai, re- <t mercyés vostre bon ami Godefroi de Harcourt, car par « li estes- vous déporté de non estre ars. » Tout et toutes s'engenoullièrent adonc devant le roi et dissent de une vois : « Très-chiers sires, Dieus le vous puist mérir1 et à « li ossi. » Adonc cevauca li rois oultre, et li princes de Galles, ses fils, et grant fuisson de claronchiaus et de trompètes et de ménestrels cevauçoient devant et faisoient lor mestier; et cevauchièrent en cel estât tout au lonch de la ville de Caen et missent priés d'un jour au widier, avant que li arrière-garde fust hors, et prissent tout le cemin de Louviers et se logièrent oultre Caen, celle première journée puis lor département, une lieue ou cemin
1 Dieus le vous puist mérir! Dieu vous en récompense !
de Louviers, et li contes de Honstidonne à toute sa carge à fl un ' de la mer se désancra et vint celle première marée jessir à l'ancre en la bouqure de la mer, et emmenoit si grant avoir jà conquis en Normendie que mervelles seroit à penser, et bien cinq cens prisonniers, tous rices hommes des villes où il avoient passet, et le conte d'Eu et de Ghines, connestable de France, et le conte de Tanquarville et bien soissante chevaliers et esquiers, et esploitièrent tant depuis à l'aide de Dieu et dou vent, que il prissent terre en Engleterre. Si fu tous li pais resjoïs de lor venue, et par espécial la roine Phelippe d'Engleterre, et conjoï ces chevaliers prisonniers, et furent envoyet et mis ens ou chastiel de Londres, tout au large et à lor aise, car li rois en avoit ensi escript et segnefyet à la roine. Si tint la bonne roine Tordenance dou roi, ne jamais ne l'euist brissiet.
