CHAPITRE CCXI

Comment li rois <f Engleterre commanda que tout fust mis à l'espée, et comment messires Godefrois de Harcourt refréna son corage.

Ensi ot et conquist li rois d'Engleterre la bonne ville de Caen, et en fu sires ; mais aussi il li cousta moult de ses hommes, car chil qui estoient montés ens es loges et sus les tois, par jetter pierres et baus et autres coses, en méhagnièrent et ocirent assés, et fu dit au roi d'Engleterre au soir et raporté de vérité que il avoit perdu bien cincq cens hommes, donc li rois fu si courouchiés que il ordonna et commanda que à l'endemain tout fust mis à l'espée, et la ville contournée en feu et en flammes. A ces paroles dire, estoit messires Godefrois de Harcourt présens, qui amoit la ville de Caen, quoique il fust là en la compagnie des Englois, et ala au devant et refréna le corage dou roi, et li remonstra ensi, en disant : « Chiers sires, soufisse vous, se vous avés « les biens de la ville sans essillier. Encores est la ville, « moult peuplée, et se sont repus et muchiés moult de « gens en cambres, en soliers, en tours et en celiers, qui « se metteront à deffense, se il voient que on les voelle « tout mettre à l'espée, et ce vous poroit grandement « couster de vos hommes , et vous en avés bien à faire, « avant que vous soyés au cor' de vostre voiage; et auerés « des rencontres et des batailles assés, avant que vous s soyés venus devant Calais, où vous tendes à venir ; mais

1 Au coron? au bout de votre voyage ?

« faites asavoir et cryer par toute la ville que casquns se « loge et se tiengne en sa paix, car jà ont vostres gens « tant conquesté que tout li plus povre sont rice. » Li rois se refréna et se ordonna par le consel Godefroi de Harcourt.