CHAPITRE CCXIV

Comment li rois Phelippes se départi de Paris pour aler à Saint-Denis.

Li rois Phelippes et li signeur de France qui se amassoient à Paris et venoient de tous costés, avoient grant mervelle de ce que les Englois faisoient, et disoient ensamble li auqun : « Mervelles est dou voiage des Englois. « Que pensent-il à devenir, ne où quident-il passer la ri- « vière de Sainne?» Disoient li aultre qui respondoient à ce pourpos : « Il iront passer en Bourgongne, qui ne lor « ira aultrement au-devant. » — « Que on commence donc ! « respondoient li aultre ; il n'est point en lor puissance de « faire ce voiage : il seront avant combatu quatre fois. » Or fu-on moult esmervilliet à Paris , quant les nouvelles i vinrent que les Englois avoient refait le pont à Poissi et estoient tout passé la rivière de Sainne. Donc fu commune

1 Estaces, pieux, poteaux, piliers.

renommée que les Englois venroient devant Paris. Donc se départi li rois Phelippes à toute sa chevallerie que il avoit très-grande, et s'en vint à Saint-Denis, de quoi li bourgeois de Paris furent tout esbahi', mais il leur fist dire et semer paroles que il se départoit pour aler au-devant des Englois et euls combatre, et parmi tant, li peuples de Paris s'apaissa, et li rois d'Engleterre se tint à Poissi cincq jours, et fu là le jour de la Nostre-Dame miaoust , et tint court solempnèle en l'abéie des Dames de Poissi et seist à table en draps vermauls d'escarlate fourrés d'hermine et en sourcot sans mances, et tint son estât roial de toutes coses aussi bien ou mieuls que il fust en Engleterre.