CHAPITRE CCXV
Comment les Englois essillièrent le païs entour Paris et cevaucièrent oultre deviers le païs de Vexsin.
Quant li rois d'Engleterre ot esté à Poissi-les-Dames, cinq jours, et ils et ses gens s'i furent rafresqui, il s'en départirent et cevauchièrent oultre en aproçant Paris. Messires Godefrois de Harcourt, li contes de Warvich, messiresRenauls deGobehem et messires Thomas de Hollandes menoient l'avant-garde et cevaucoient à tout cincq cens lances et douse cens archiers, et ardoient et essilloient tout le païs devant euls, et avoient ars les Englois, estans euls à Poissi-les-Dames, Saint-Germain-en-Laie, la Montjoie,
• Le roy Philippe estoit bien hastif homs. Et pour ce que la roy ne ne vouloit que le roy issist, ne qu'il se combatist, le roy ala trois fois parmi Paris, disant et criant qu'il estoit trahi, puis parti de Paris. (Chronique publiée par M. Luce, p. 16.)
Saint-Clo et Boulongne, et courut jusques ens es fourbours de Paris, et pour ce avoient esté li Parisien si esbahi ; car adonc Paris n'estoit noient fermée fors de barrières, et furent adonc toutes levées et serrées, quant li rois fu partis et venus à Saint-Denis.
Or cevauchièrent les Englois et entrèrent ou païs de Vexsin, et ardirent chil de l'avant-garde les fourbours de Pontoise et de Biaumont-sur-Oise et Cernelles-en-Vexsin et Sas-en- Vexsin et tout le païs sans nul déport , et prissent le cemin de Ghisours l et de Gournai, et ardirent les Englois Gamaces et tous les fourbours de Ghisors et de Gournai et tout le païs de Vexsin, et entrèrent en Biauvoisin, et trouvèrent chil de l'avant-garde les bourgeois d'Amiens assés priés de Saint- Vist-en-Biauvesins, que li rois de France avoit mandés et aloient passer la rivière au pont à Crai. Il furent courut sus de ceuls de la bataille des marescaus et se deffendirent ; car il estoient bien quatre mille et les conduisoient li viscontes des Quesnes, li sires de Biausaut, li sires de Saucourt et messires Pierres de Mellincourt, et furent en bon convenant et se combatirent assés vaillamment ; mais finablement, il furent desconfi et i ot biaucop de mors et de pris. Li demorans tournèrent en fuites et se boutèrent en la Horiolle et ens es villes voisines fermées de là priés. Li quatre chevalier demorèrent prisonnier et plus de deus cens autres hommes, qui tout payèrent depuis raençon. Ce soir retournèrent chil de lavant-garde deviers le roi d'Engleterre, là où il estoit logiés. A l'endemain, toute li hoos passa assés priés de Biauvais et furent li fourbours ars et une moult rice abbéie qui est asisse assés priés de Biauvais, que on nomme Saint-
1 Gisors.
Lucyen et s'en vinrent logier ce jour à Grant-Villers et passèrent la rivière de Tiérain et puis vinrent à Dargies, ardant et essilliant tout le pais. Si ne trouvèrent chil de l'avant-garde, qui deffendissent, ne gardaissent le chastiel de Dargies. Si le prissent à petit de fait et le désemparèrent et le ardirent ce que ardoir en porent ; et puis passèrent oultre, ardant et essillant le païs à tous lés, et vinrent ensi jusques à Pois, là où il trouvèrent bonne ville et deus chastiaus, mais nuls des signeurs ni estoient, ne nulles gardes n'i avoit , fors deus belles jones damoiselles , filles au signeur de Pois, Jebane et Marie, qui tantos euissent esté violées, se ne fuissent doi gentil cevalier d'Engleterre, asquels la congnissance vint de la prise, messire Jehan Candos et messire Renault de Basset, qui tantos les délivrèrent, pour la cause de gentillèce, des mains d'archiers qui les avoient, et les amenèrent au roi, li quels rois en ot pité et lor demanda où elles vodroient estre, et elles respondirent : « A Corbie. » Là les fîst li rois mener et conduire sans péril. Et se logea li rois celle nuit en laditte ville de Pois et toutes ses gens, là ou environ, au mieuls qu'il peurent. Et orent celle nuit parlement li homme de Pois et ceuls des deus chastiaus, à messire Godefroi de Harcourt et au conte de Warvich qui gouvernoient l'avant-garde, pour euls sauver de non estre ars à l'endemain, car il doubtoient ce grandement au deslogement dou roi, et se porta trettiés que parmi une somme de florins que il paieroient à l'endemain et trop bon marchiet, il seroient respité. A l'endemain li rois et toute li hoos se deslogièrent et se missent au cemin, et demorèrent derrière auquns hommes d'armes et archiers pour recevoir cel argent, mais quant li hoos fu eslongié environ une lieue, ces hommes de Pois ne vorent point paier, ne nulle pac-
tion tenir, mais coururent sus ceuls qui demoret estoient et en ocirent et méhagnièrent auquns. Les nouvelles vinrent à ceuls de Tarière-garde qui cevauçoient tout derrière comment li "bonhomme de Pois estoient faussaire. On le segnefia au roi pour sçavoir quel cose il en voloit faire. Li rois fist arester tout l'oost et là logier pour ce jour, et envoia ses marescaus de rechief à Pois. Quant les Englois furent retourné jusques à là, il trouvèrent ces bonshommes qui estoient rebelles, qui tantos furent en voies, quant il veirent ces Englois venus, mais il en i ot des atrapés biaucop, qui furent mors et méhagniet, et fu la ville de Pois toute arse, et li doi chastiel ars et abatu; et puis retournèrent li marescal, là où li rois d'Engleterre estoit logiés.
