CHAPITRE CXXVII
Comment li dus de Braibant brisoit couvertement la bataille, et comment madame Jehane de Valois procura une trieuve entre les deus rois.
Encores sans comparison estoit trop plus grans li estas dou roi Phelippe de France, car là estoient quatre rois qui tout li faisoient compagnie et service : li rois de Boesme, li rois de Navare, li rois d'Escoce et li rois de Maiogres; et comprendoient les logeis des François trois lieues tout à l'environ, et fu raporté par les hiraus que, avoecques le duc de Normendie, le duch de Bretagne, le duc de Bourgogne et le duch de Lorainne, il i avoit en son hoost dix-sept contes, deux cens et soisante-neuf banères, et estoient bien tout homme de deffense cent et chienquante mille. Considérés le peuple qui là estoit assamblés tant pour l'un roi que pour l'aultre, car li rois d'Engleterre, parmi les Flamens, avoit plus de cent mille hommes. Grant ocision et grande mortalité de peuple i euist esté, se par bataille il fuissent venu ensamble. On en fu sus le point, mais li dus de Braibant qui cousins germains estoit dou roi d'Engleterre, et qui là estoit moult poissamment venus acompagniés de barons et de chevaliers de son païs et des communautés, des hommes de Brousselles, de Malignes et de Louvaing, brisoit et brisa tout -dis couvertement la bataille, avoecques un grant moyen qui là estoit pour trettyer paix, trieuves ou respit, madame Jehane de Valois qui contesse avoit esté de Hainnau , et qui serour germaine estoit dou roi Phelippe et dou conte Carie
d'Alençon et qui avoit là son fil le conte de Hainnau'. Avoecques la bonne dame s'ensonnioit de traityer et d aler de l'un à l'aultre uns moult sages chevaliers qui se nommoit messires Lois d'Augimont , et avoit si belle parleure et si aournée et de si grande prudense que il estoit très-volentiers oïs entre toutes les parties tant de France comme de l'empire. Et quoique pour le roi d'Engleterre tout cbil signeur de son lés fuissent là asamblé, il n'en estoit pas en li dou dire et dou faire, mais convenoit que le plus il s'ordonnast et gouvernast par ceuls de
* Tous les événements postérieurs à la bataille de l'Écluse sont racontés fort succinctement par le chroniqueur anonyme de Valenciennes :
« En ce jour mesmes, dont dessus est dit le roy d'Engleterre, estoit en mer à tout sa navie. Et ainsy qu'il cuidoit venir et ariver en Flandres, entre TEscluse et le Blanche-Berge, il leur vint au-devant Barbevaire, qui se disoit au roy de France, ung robeur pirratte et escumeur de mer, à tout grans gens, et gardoit le passage de par le roy de France que le roy d'Engleterre ne passast ; et coururent sus Tun à l'autre moult mervilleusement et y eult moult de mors d'un costé et d'aultre, et enfin fut Barbevaire desconfit et s'enfuy et grant plenté de ses gens, et y eult Barbevaire mors de ses gens bien xxv mille et plus, sans ceulx de la partye des Englecqs, et fut la nuit Saint-Jehan-Baptiste l'an mil ccc et XL.
« Quant le roy Philippe de France sceult que le roy Edouard d'Engleterre et ses gens avoient desconfit et vainqu Barbevaire et les siens, et qu'il estoit descendus en Flandres à tout ses gens darmes, il en fut moult courchiés. Sy avoit volenté de venir vers Valenchiennes, sy s'approcha de la cité de Tournay pour la cité deffendre et conforter, car on luy avoit dit que le roy d'Engleterre devoit venir assiéger Tournay assez prochainement.- Dont le roy de France s'en vint logier devant l'Escault droit à Esplechin, et là le vinrent ceulx de Tournay veyr et visiter, et il leur dist qu'ils ne s'esmaiassent de riens et qu'ils gardassent bien leur cité. Et ceulx de Tournay respondirent qu'ils n'estoient point bien pourveus pour les estranges gens qui estoient dedens leur ville en garnison. Et le roy leur dist qu'ils fesissent au mieulx qu'ils poussent, car s'il pooit on prenderoit ung respit ou trêves par quoy le siège se partiroit, et sur ce ceulx dé Tournay prinrent congiet du roy et s'en partirent à tant et fisrent leur ville fortifFyer et apparilîier et dreschier tous leurs grans et petis engiens.
l'empire et espéciaulment par le duc Jehan de Braibant, son cousin germain, car desus tous il avoit la grignour vois et au diense, et monstra par couverture que à la pryère madame Jehane de Valois il s'enclina à ce que bon seroit que on entendesist à auquns trettiés de paix et de trieuves ; car on. devoit là moult faire pour faire pour la bonne dame qui là avoit ses frères et ses enfans , et f u donné à entendre au roi d'Engleterre que li iviers aproçoit et les longues nuis et froides que toutes gens reson-
« Quant le roy Édouart d'Engleterre eultrué jus et desconfit Barbevaire et ses gens et qu'il fat descendus en Flandres, il s'en vint droit à Çrand, là où la royne sa femme et son fils estoient, là que la roy ne estoit relevée d'un beau fils qui fut appelles Jehan, dont il fist moult grant feste, et fut le roy bien festoyés des bourgeois de la ville, et bien s'en looit la royne au roy, dont le roy les merchia moult. Et quant le roy se fut ung petit reposés, il commencLa à parlementer aux Flamens et à Jacques d'Artevelle, et manda de ses amis et de ses allyés, c'est assavoir le conte Guillaume de Haynault, monseigneur Jehan son oncle, le duc de Brabant, le duc de Guéries, le marquis de Jullers, le seigneur de Faucquemont et aultres. Et quant tous furent venus et qu'ils eulrent une espasse parlementé, ils eurent conseil que le samedi après le jour Saint-Jaques et Saint-Cristofle, ils seroient tous à celuy jour devant la ville de Tournay , et se partirent à tant, et s'appresta et apparilla chacun endroit lui. Et peu après que le jour devoit estre, le roy d'Engleterre et ses gens et monseigneur Jehan de Haynault et monseigneur Henry de Flandres se logèrent à l'abaye au Sauchoit dalés Tournay. Et Jaques d'Artevelle et les Flamens y vinrent ossy et se logèrent, et puis le conte de Haynault et monseigneur Jehan son oncle, et puis le duc de Guéries, le duc de Brabant, le marquis de Jullers et tous les aultres ainsy. Et y tindrent siège l'espasse de noef sepmaines, sans riens fourfaire à la ville de Tournay des engiens qu'ils jettoient l'un contre l'autre, ceuîx de dehors et ceulx de dedens, et ot aucuns paletis; et nonpourquant le roy d'Engleterre mandoit souvent au roy de France, bataille fust corps à corps, ou gens à gens, ou pooir contre pooir ; mais le roy, ne son conseil n'y voloit entendre ; aincLois avoit-il volenté d'avoir ung respit ou trêves par quoy coulx de Tournay fussent dessiégiés; car moult avoicnt de disettes, Et de rechief le roy d'Engleterre envoia lettres au roy de France, alïin quil se déportast duroyalme do France, à quoy le roy de France luy reu- YOia rosponse et lettres au contraire. »
gnent de jésir as camps et que pour celle saison on en avoit assés fait.
Li rois d'Engleterre, pour ce temps, estoit jones et pas ne congnissoit encores le malisce et pratique du monde et des grans signeurs de l'empire qui despendoient son argent et vosissent que la guerre durast tout dis, car il estoient bien payet. Li contes de Hainnau et messires Jehans de Hainnau, ses oncles, avoient cler enghien assés pour considérer toutes ces coses et veoient bien les dissimulations qui estoient entre ces signeurs de l'empire et le plus deviers le duch de Braibant, mais il n'en osoient parler et se souffroient , et ne se vodrent oncques ensonnjer de nul trettié , mais en laissièrent convenir le duch de Braibant, le duch de Guéries et le conte de Jullers, de la partie le roi d'Engleterre. Madame Jehane de Valois et messire Lois d'Augimont procurèrent tant deviers le roi de France que li rois de Boesme, li contes d'Alençon et li contes de Flandres furent esleu pour estre à ces parlemens et tretiés à l'encontre de ces signeurs desus nommés. Et fu ordonné que chil signeur, quant on ot pris aségurances que il pooient aler et venir et lors gens sans nul péril et retourner casquns en son hoost, tenroient lors parlemens et lors trettiés en une chapelle que on dist à Esplecin et est asisse enmi les camps, ensi que en un chemin. Et venoient là chil signeur tantos apriès messe et boire et se metoient dedens la chapelle et la desus ditte dame, madame Jehane de Valois, avoecques euls, et i furent trois ou quatre fois que riens ni faisoient. Donc i revinrent dou costé le roi d'Engleterre li évesques de Lincolle et messires Jehans de Hainnau, et de la partie le roi de France, li évesques de Liège et li contes d,'Ermignach. Par le moyen de ceuls qui adrechièrent as besongnes, "
avoecques les paroles et pryères de celle bonne dame, madame Jehane de Valois, se ouvrirent et avancièrent li trettié, et regardèrent li signeur qui moult honnouroient l'un laultre, quant il entroient dedens la capelle, que unes trieuves seroient bonnes prises à durer tant seuUement un an entre toutes les parties par mer et par terre, et dedens cel an li rois d'Eng-leterre envoieroit nobles hommes et prélas de par lui en la cliité d'Arras en Piquardie, qui aueroient plainne poissance de faire paix et acord à l'entente des deus rois, et aussi li rois de France parellement renvoieroit de par li nobles hommes et prélas qui aueroient plaine poissance d'acorder tout ce que dis et parlementé seroit pour le millour. Avoecques tout che, li doi roi supplieroient benignement à nostre Saint-Père le pape que il i vosist envoyer deus cardinauls en légation pour aidier à adrecier à ces besongnes. Sus cel estât et ordenance se conclut li parlemens et donna-on à entendre au roi d'Engleterre que par ce parlement qui seroit asignés à Arras, il aueroit en pareçon grant part dou roiaulme de France, dou moins toute la ducée de Normendie qui jadis avoit esté as rois d'Engleterre li seroit rendue, et la conté dou Pontieu et celle de Monstruel, et tous coustages et fresque fais avoit, li et ses gens, depuis que il passa la mer en la cause dou calenge. Ces proumesses ou là environ et encores plus grandes que li dus de Braibant remonstroit à son cousin le roi d'Engleterre, l'apaisoient grandement et li brisoient ses abusions, et aussi h ceuls d'Engleterre, et s*acorda assés doucement h la trieuve. Si furent lettres escriptes, séelées et données, et en prist cascuns des rois ou de lors hommes à ce commis dou recevoir, les copies, et estoient donnés les trieuwes et ensi furent-elles causées et conditionnées et publyées ens es deus hoos et dedens la
chité de Tournai pour resjoïr la communauté de la ville, à durer jusques au premier jour dou mois de marc, lequel on atendoit, que on compteroit l'an MCCC XL et T ...., jusques au marc ensievant l'an MCCC XLII. Et avoient li pluisseur là en dedens espérance de paix. A toutes ces coses rendi espéciaulment grant painne madame de Valois \
