CHAPITRE PREMIER

Comment l'acteur, avant de commencer h parler, démène le pourpos et estât de proèce pour exemplyer les bons.

Afin que les grans mervelles et li biau fait d'armes, liquel sont avenu par les guerres de France et d'Engleterre, et des roiaulmes voisins conjoints et allés avoecques euls, dont li doi ' sont cause, soient notablement registre, et ou temps présent et à venir , veu et congneu, je Jelians Froissars', trésoriers et cbannones de Cbimay, me voel ensonnyer de les mettre en prose et ordonner seloncli la vraie information que je ay eu dôs vaillans liommes, che-

' Lidoi, les deux royaumes, la France et l'Angloterro.

2 CIIRONIQDES

valiers et esquiers, qui les dittes armes ont aidiet à acroistre, et ausi par aiiquns rois d'armes nommés hiraus et lors marescaus qui par droit sont et doient estre juste inquisiteur et raporteur de tels besongnes. Et devés savoir que je ai ce livre cronisiet et historyet, ditté et ordonné apriès et sus la relation faite des desus dis , à mon loial pooir, sans faire fait , ne porter partie , ne coulourer non plus l'un que l'autre. Et seront dedens ce livre, li bien fait rameutés de ceuls qui l'ont déservi , de quel païs et nation que il soient , car esploit d'armes sont si cbièrement comparet et achatet , ce sèvent chil qui i travellent , que nullement on n'en doit mentir. Or ai ce proposé, ensi que* je voel parler et tretier de grans mervelles. Voirement se poront et deveront ceuls et celles qui che livre liront, oront et veront, esmervillier des grandes aventures que il i trouveront, car je suppose que, depuis la création dou monde, et que premièrement on se commença à armer, on ne trouveroit en nulle histoire , tant de mervelles , ne de grans fais d'armes comme il sont avenu ens^ ou temps et termes des guerres desus dittes, tant par terre que par mer, et desquelles je vous ferai recort et mention. Mais avant que j'en traicte , ne commence à parler , je voel un petit tenir et démener le pourpos et estât de proèce pour exemplyer les bons et ceuls qui désirent à estre de son aliance.

Premièrement, tout homme qui demande à estre preus, doit considérer Testât et regarder à la vie des ancyens et de ceuls qui ont vesqu , comment , ne par quel incidense il i sont venu , desquels , espoir \ il portent les armes et

* Biisi que, au moment où.

2 Bus, dans.

3 Espoir^ peut-être.

tiennent les hiretages. Le nom de preu renlumine les coers preclieus et resplendist en les salles et en les palays, on l'ensengne au doi , on recorde son bien fait , on li donne glore en ce monde. Proèche ne voelt point séjourner à l'ostel, mais errer et travillier et querre partout et ens es pais prochains et lontains les armes et les aventures. Or sont auquns bacelers- qui s'escusent et dient : « Je travilleroie « volontiers et querroie les armes, mais que je eursse liien « de quoi. » Au voir dire, la cavance* ayde assés, tant que pour aler et venir par le monde, mais proèce ne voelt point que nuls povres bacelers de bonne volonté s'escuse de non quérir les armes par défaute de mise, car, se il le vault, il trouvera qui l'aidera , se il le désert , qui l'avancera et paiera selonch son bien fait, car tousjours viennent li bon à meureté^ et congnissance, et on l'a veu avenir en trop de lieu s que moult de povres bacelers se sont fait ethonnouré par lor bien fait et traviel. Et encores en celle bistore présent , se Vous le lissiés ou oés lire , de commencement jusque en conclusion, vous i verés et trouvères les noms de pluisseurs vaillans hommes qui doient bien estre escript ens ou nombre des preus. Je ne les ai que faire de nommer présentement, car il se nommeront, ensi que il ont eu leurs cours et lors saisons, tant d'un roiaulme comme de l'autre. Or se débrise et disfère li mondes en pluisseurs manières. Premièrement li vaillans hommes travellent lors corps en armes pour conquérir la glore et renommée de che monde; li peuples parole, recorde et devise de lors estas. Auquns clers escripsent et registrent lors teuvres et baceleries, pourquoi elles soient misses et couchiés en mémores perpétuelles , car par les escriptures puet-on avoir

' Cavance, cevance, chevancCy avoir, biens, ressources. * Meureté, prudence, sagesse.

la congnissance de toutes coses et sont registre li bien et li mal, les prospérités et les fortunes des ancyens.

Or ai eu pluisseurs fois grant imagination sus Testât et afaire de proèce, et penset et imaginet comment et où elle a tenu ses termes et venu d'un roiaulme en l'aultre, et aussi en ma jonèche j'en ai moult oy parler auquns Vaillans hommes, liquel s'enesmervilloient ensique je, et pour venir à la vérité et apaisier ma imagination, je ai leu tant eus es livres ancyens que je en cuide savoir auqune cose, et selonch mon avis, je en ferai auqune détermination. Vérité est seloncli les anchy ennes escriptures que apriès le déluge etqueNoé et sa génération eurent repeuplé le monde et que on se commença à armer et à prendre par le fait de guerre l'un sus l'autre, proèche resgna premièrement ou roiaulme de Caldée par le fait dou roi Ninus qui fist fonder et édéfyer la grande chité de Ninive , qui contenoit trois journées de lonch, et aussi par la roine Semeramis , sa femme, qui fu dame de grant valeur. Après , proècè se remua et vint resgner en Judée et Jhérusalem par le fait de Josué, de David et des Macabyens. Apriès, elle vint resgnepens ou roiaulme de Perse et de Mède, par le fait de Cirus, le grant roi, par Assérus et Xersès. Apriès, vint proèce resgner en Gresce , par le fait de Herqules , de Téseus , de Jasson et de Acilles et des aultres preus chevaliers ; apriès, en Troies le grant, par le roi Priant, par Hector et par ses frères ; apriès , en la chité de Eome , par les nobles signatours' et centurions, et par le grant Julie Cessar. Apriès, elle vint demorer en France par le fait du grant Cariemanne qui fut rois de France et d'Alemagne et. empereur de Rome. Apriès a resgné proèce un temps en Engleterre

^ Signatoîirs, sénateurs.

DE l UOISSAUT. 5

par le fait du roi Édouwart et dô la bonne roine Phelippe de Hainnau, sa femme, et par lors enfans et par les vaillans hommes de celi roiaulme , ensi que vous verés et trouvères, se tout le lissiés en ceste liistore. Or ne sçai pas se elle voelt encores aler plus avant ou retourner, mais elle est de si noble et poissant condition , que là où elle trueve les hommes qui l'aiment et la servent, elle s'encline et se tient et demeure avoecques euls, car proèce n'a cure des couwars et des preceurs, mais les fuit et esquiève, et elle a droit. Homs qui voelt venir à vaillance par proèce , considère comment on asciet à table don roi , de ducli et de conte, le preu, et on met arrière le couwart preceus , jà soit-il de plus hault linage. Et pour ce que ceste histore cronisié est toute remplie de fais d'armes et des membres qui en descendent, je ai un petit tenu le degré de proèce, à la fin que tous bacelers qui aimmentles armes, s'i puissent exemplyer. Or s'ensieut-il , et raison le voelt, que je remonstre et esclaircisse la cause pour quoi premièrement la guerre s'esmut entre France et Engleterre , selonch ce que j'en fus enfourmés, car casqune des parties dist que sa querelle est bonne, otretant bien le deffendant comme le demandant.

CHAPITEE II.

Cî l'auteur, entrant en matière , recorde les natures et conditions des Englès.

Premièrement, pour mieuls entrer en la matère et pour recorder au lonch ensi que les ordenances se sont portées, vous devés sçavoir que, apriès l'apaisement des guerres de Flandres qui furent moult grandes et dont la bataille de Courtrai descendi, où tant de vaillans hommes et de nobles

dou roiaulme de France,* furent mors et ochis par l'orguel d'un conte d'Artois , qui s'apelloit Robers, et que 11 biaus rois Phelippes de France eut mariée sa fille Isabiel au roi Êdouwart d'Engleterre, liquels rois desus dis ne fu pas de si grant sens, ne de tel proèce comme avoit esté li bons rois Édouwars, ses pères, qui tant ot à faire et de batailles as Danois et as Escos, et toutes achieva à l'onnour de li et au proufit de son roiaulme, et pour ce que ses fils nommés Édouwars n'eut point celle grasce, ne bonne aventure d'armes, car tous ne sont pas, ne ne puent estre aourné de bonnes vertus, escei-il en haine et indignation de son peuple, mais on ne li remonstra pas ses folies sicrètes, avant ot-il fait moult de grans mauls et de crueuses justices des nobles de son roiaulme. Englès sueffrent bien un temps, mais en la fin il paient si crueusement que on si puet bien exemplyer, ne on ne puet juer à euls, et se liève et couce uns sires en trop grant péril, qui les gouverne, car jà ne l'ameront, ne honoreront, se il n'est victoriens et se il n'aime les armes et la guerre à ses voisins et par espécial à plus fors et à plus riches que il ne soient, et ont celle condition; et tiennent celle opinion et ont tous jours tenu et tenront tant que Engleterre sera terre habitable, et dient génér animent, et ce ont-il veji par expériense par trop fois, que apriès un bon roi, il en ont un qui n'est de nulle vaillance, et le tiennent à endormi et à pesant, quant il ne voelt ensievir les œuvres de son père ou de son prédécesseur, bon roy, qui a resgné en devant de li. Et est lor terre plus plainne de ricoisses* et de tous biens, quant il ont la guerre que en temps de paix, et en cela sont-il né et obstiné, ne nuls ne les poroit faire entendant le contraire,

* Ricoisses, richesses.

Englès sont de merveilleuses conditions, chaut et boullant, tos esmeu eu ire, tart apaisié, ne amodé en doutour*, et sedélittent et confortent en batailles et en ocisions, convoiteus,envieus sont trop grandement sus le bien d'autrui, et ne se puent conj oindre parfaitement, ne naturelment, en Tamour, ne aliance de nation estrange, et sont couvert et orguilleus, et par espécial desous le soleil ne i a-il pluspérilleus peuple, tant que de hommes mestis% comme il sont en Engleterre; et trop fort se diffèrent en Engleterre les natures et conditions des nobles aux hommes mestis et vilains, car li gentilhommes sont de noble et loial condition, et li communs peuples est de fêle, périlleuse, orgueilleuse et desloiale condition, et là où li peuples vodroit monstrer sa félonie et poissance , li noble n'auroient point de durée à euls. Or sont-il et ont esté un lonch temps moult bien d'acort ensamble , car li noble ne demande au peuple que toute raison ; aussi on ne li soufferroit point que il presist sans payer un oef, ne une poulie. Li homme de mestier et li laboureur, parmi Engleterre, vivent de ce que il sèvent faire, et li gentilhomme, de lors rentes et revenues, et, se li rois les ensonnie*, il sont payet, non que li rois puist taillier son peuple : non , ne li peuples ne le vodroit , ne poroit souffrir. Il i a certainnes ordenances et pactions assisses sus le staple des lainnes, et de ce est li rois aidiés au desus de ses rentes et revenues, et quant il fait guerre, cette paction on li double. Engleterre est la terre don monde le mieuls gardée. Aultrement il ne poroient, ne sauroient vivre, et convient bien que uns rpis qui est lor sire, se or-

' Ne amodé en doutour, sans mesure tlans leurs soupçons.

2 Couvert, dissimulés.

3 Hommes mestis, liommes de métiers, * Les ensonnie, les occupe.

donne apriès euls et s'encline à moult de lors volontés, et se il fait le contraire et mauls en viengne,mal l'en prendera, ensi que il fist à ce roi Édouwart , dont je parloie maintenant, liquels fu fils au bon roi Édouwart, qui tant fu de proèce plains que il desconfi par pluissieurs fois en Lataille les Escoçois et conquist sus euls la cliité de Bervich et la frontière d'Escoce jusques en la cliité d'Abredane ; et prist et tint Haindebourcb * et le fort cbastiel de Struvelin% et quant cMls bons rois Édouwars futrespassés, ses fils nommés aussi Edouwars fu rois, mais il n'ensievi pas, ne en riens, la vaillance dou roi son père. Car assés tos apriès ce que il fu couronnés , li rois d'Escoce qui se nomma Eobers de Brus, desfîa ce roi Édouwart, et cevauça tantos esforciement sur lui et reconquist toute Escoce, celle que li bons rois Edouwars avoit conquis, et reprist la cliité de Bervicli et passa la rivière de Taie , et entra ens ou païs de Norhombrelande et ardi et essilla moult dou roiaulme d'Engleterre jusques à la rivière dou ïîiyne et vinrent li dit Escoçois mettrç le siège devant le cbastiel de Struvelin. Adonc s'esmurent cbils rois Edouwars, fils au bon roi Édouwart, et toute la chevalerie d'Engieterre pour lever ce siège , et là les atendirent li rois Eobers de Brus et ses gens, et i ot une bataille arrestée très-grande, et là furent desconfi les Englois et mis en cace\ et en i ot biaucop de mors et de pris, et dura ceste cace des Escoçois sus les Englès jusques oultre la rivière dou Hombre, et se sauva à grant painne li rois Edouwars, et ne fu onquesà ségures"^ en chité , ne en ville, ne clias-

^ Ilaindebonrcli, ÉdimlDOurg'.

2 Struvelin, Stirling.

3 Mis en cace, chassés, poursuivis.

* A se'gîires, en sûreté.

tiel que il euist sus tout son cemin, si se trouva en la cliité de Londres, et quant il veit et congneut la vaillance de ce roi Eobert de Brus, il fîst paction et acordance à lui, et demorèrent li doi roiaulmes d'Engleterre et d'Escoce en trieuves, un grant tempore.