CHAPITRE XLVI

Des parlemens qui se tinrent en Engleterre sur le fait de l'hommage.

Ne demora gaires de temps depuis que li rois de France envoia en Engleterre de son plus espécial consel l'évesque de Chartres et l'évesque de Biauvais, et aussi messire Lois de Clermont, duch de Bourbon, le conte de Harcourt et le conte dé Tanquarville, et des aultres chevaliers et clercs en droit pour estre as consauls le roi d'Engleterre qui se dévoient tenir à Londres au palais de Wesmoustier sur Testât que vous avés ouy , ensi que li rois d'Engleterre avoit proumis, et lui retourné en son païs, on i devoit regarder comment anchiennement de cel hommage si prédécesseur en avoient usé et d'où il s'estoient appelle ducs de Guienne, car jàmurmuroient lipluisseur en Engleterre que li rois, lors sire, estoit plus prochains de l'iretage de France, que li rois Phelippes n'estoit. Li rois d'Engleterre et ses consauls ignoroient de toutes ces coses, mais grans parlemens et assamblées sus le dit hommage, furent en celle saison en Engleterre, et i séjournèrent li desus nommé prélas et barons envoyés dou roi de France tout l'ivier et jusques à l'issue dou mois de may ensuivant, que il ne pooient avoir nulle response. Toutes fois, quoique il fust détryet, finablement li rois d'Engleterre, par l'avis de ses prévilèges asquels il ajoustoit grant foi, fu consilliés

DE FROISSART. Wy

de escrire ensi lettres patentes scellées de son grant séel, en recongnoissant l'ommage tel que il le doit et devoit adonc faire au roi de France, laquelle tenour de la lettre s'ensieut ensi :