CHAPITRE XLV

Comment li rois d'Engleterre fit hommage au roi de France.

Apriès toutes ces avenues desus dittes, li joues rois d'Engleterre prist et mist dalés li, bon consel et meur de sag-es et de vaillans hommes de son roiaulme. Or avint que environ ung an que li rois Phelippes eut esté couronnés à roi de France, et que tout chil qui de li tenoient, eurent fait foi et hommage, ensi que faire le dévoient et que tenu i estoient, il fu regardé ou consel de France que li rois escriproit et manderoit son cousin et son homme le joue roi d'Engleterre que il venist faire son devoir et relever dou dit roi tout ce dont tenus il estoit, tant de laducée de Guienne comme de la conté de Pontieu. Si furent lettres escriptes et scelées et envoyées de par le roi de France en Engleterre, et vinrent li messagier deviers le jone roi qui se tenoit pour lors à Windesore , et la roine Phelippe sa femme, qui requellièrent les messagiers dou roi de France moult Jiement. Li roisÉdouwars, par un sien clerc, fist lire les lettres tout au loue que on li envoioit, et quant il ot veu et entendu le contenu, il respondi et dist que de tout ce, il se consilleroit et en feroit volontiers ce que bon sambleroit à son consel. Li messagier se contentèrent assés de ceste response , et atendirent à la plaisance dou roi d'Engleterre tant que consilliés fu de respondre. Il ne fist

DE FROISSAllT. Ui

aultre response ; il rescripsi au roi de France sus la fourme des lettres que on li avoit envoyet, et estoit contenu dedens que volentiers et aparliement' il feroit ce en quoi il estoit tenus, et que on li asignast journée et à celle il seroit. Li messagier dou roi de France retournèrent en France et aportèrent ces lettres. Quant li rois Phelippes et ses consauls les veirent, il s'en contentèrent assés. Depuis les coses s aprochièrent, et fu avisé et regardé ou consel de France que on asig-neroit le roi d'Engleterre journée à estre en la cliité d'Amiens, et que là tenroit li rois son estât et i seroient à ce jour li douse per de France ou cliil qui i poroient estre. De toutes ces coses fu li rois d'Engleterre signifyés et se ordonna selonch ce, et furent nommé et mandé tous ceuls que on voloit que il passassent la mer avoecques le roi pour venir en France, et furent les pourvéances faites grandes et grosses, ensi que à Testât dou roi d'Engleterre apartenoit, et envoia ses lettres en Hainnau deviers le signeur de Biaumont et li manda que il fust à Amiens en ce jour, car il i seroit. Messires Jehans de Hainnau ne l'euist jamais laissiet que il ni fust venus. Li rois d'Engleterre passa la mer en grant arroi \ et vint à Boulongne et de là à Amiens , et bien acompagniés de contes, de barons et de prélas d'Engleterre. Che propre jour que le roi vint, entra en la chité d'Amiens messires Jehans de Hainnau, de quoi li rois et tout li Englois furent moult resjoy. Li rois de France de sa personne, honnoura moult le roi d'Engleterre, et furent aussi tout chil qui en sa compagnie estoient, moult bonnouré. Là furent en la compagnie dou roi de France et à sa délivrance li rois de

* Aparliement, avec plaisir.

3 Edouard III s'était etnburqué à Douvres le 26 mai 1329. Il y revint le 11 juin.

Boesme, li rois de Navare et li rois de Majogres^ Là furent donné gTans disners et biaus et bien estofés : tout estât i furent tout sustenu en ces jours, et pour quoi li rois d'Eng'leterre avoit esté là mandés et estoit venus, il fu requis souiîssamment dou consel le roi de France, que il vosist faire son devoir. Il m'est avis que sus ceste requeste li Jones rois Édouwars d'Eng-leterre fîst adonc^ hommage au roi de France de bouce et de parole tant seullement, sans les mains mettre entre les mains dou roi de France % et non volt adonc lirois d'Engleterre, par le consel qu'il ot, procéder plus avant, si seroit retournés en Engleterre, et aueroient ils et ses gens veus, leus et examinés les privilégies de jadis, qui dévoient esclaircir le dit hommage et monstrer conment et de quoi li rois d'Eilgleterre devoit estre homme au roi de France. Li rois de France qui veoit adonc son cousin le roi d'Engleterre jone, entendi bien toutes ces paroles, et ne volt pour l'eure que il fust en riens plus pressés, car bien sçavoit que à tout ce il recouvreroit quant il vodroit. La nature des Englès est telle que tous jours il se crièment* à estre decheu et répliquent tant apriès une cose que mervelles, et ce que il aueront en convenant ung jour, il le dilueront * l'autre, et à tout ce les encline a faire ce que il n'entendent point bien tous les termes dou langage de France, ne on ne lor scet comment

* M aj ogres, Majorque.

2 Cette cérémonie eut lieu dans la cathédrale, « la belle église d'Amiens, » comme l'appelle ailleurs Froissart.

' Le procès-verbal de l'hommage rendu au roi de France porte que les mains du roi d'Angleterre furent mises entre les mains du roi de France; mais cette phrase est placée entre des crochets dans l'édition de Rymer, et peut-être ne figurait-elle que dans une rédaction préparée d'avance. Il en est de môme d'une autre phrase relative à la présence de l'évoque de Lincoln, qui n'est pas cité toutefois parmi les témoins.

* Crièmenù, crèment, craignent. « Dilueront, détruiront, déferont.

bouter en la teste, se ce n'est tout dis èi lor proufit, et encore en avint adonc ensi : dont li signeur et li per de , France, qui là estoient venu et asamblé pour celle matère, en furent trop fort esmervilliet, et en parlèrent espéciaument à messire Jehan de Hainnau et li remonstrèrent tous les poins et les articles dou dit liommage comment il se devoit faire. Messires Jehans de Hainnau qui estoit ensi que moyens* entre ces parties, remonstra ce au consel le roi d'Engleterre, et les paroles des François, et quel cose il disoient, comment il deuissent estre là venu aultrement pourveu que il n'estoient : il respondirent à ce et s'escusèrent que il apertient et convient que as parlemens qui sont à la Saint-Michiel à Wesmoustier, où tous li consauls générauls d'Engleterre est, soient remonstrées tels coses, car bonnement il ne le poroit faire sans le sceu de tout le païs, et se li rois fait l'avoit, il en seroit blâmés, et aussi seroient tout chil qui conseilliet li aueroient, et n'en vodroient riens tenir en Engleterre, et diroient que il aueroient esté décheu ^ siqiies sus cel estât, messires Jebans de Hainnau en fist response àceulsqui cargietl'en avoient; et quant il veii^nt que soufrir leur convenoit, il le portèrent et passèrent courtoisement, et li rois de France trèsplus doucement encores que son consel, car il avoit en imagination que d'emprendre la crois et aler au Saint- Sépulcbre et délivrer des mescréans, ouquel voiage il enmenroit avoecques lui, ce disoit, son cousin le jone roi d'Engleterre, si le voloit tenir en amour et faire pour li tout che que il poroit. Quant cliil roi et chil signeur oient esté en la chité d'Amiens environ huit jours', et que on i

• Moyens, arbître.

2 On lit : quinzo jours, dans les éditions de Froissart. Lo texte de notre manuscrit est plus exact.

ot tenu et fait des festes et solempnités moult grandes, il prissent congiet l'un de l'autre, et s'en retourna casquns en son lieu, li rois de France en France, et li rois d'Engleterre en Engleterre.