CHAPITRE IV

Comment on murmuroit moult en Engleterre sur messire Hue li Espensier.

Vérité est que chils rois d'E ngle terre , liquels ot à femme la fille au biau roi Phelippe, se gouverna ce que il dura et resgna, moult diversement, et crut trop légièrement mauvais consel et avoit dalés lui un chevalier, grant baron en Engleterre et rice homme et son cousin, lequel on nommoit messire Hue le Espensier. Chils messires Hues et messires Hues ses pères avoient le roi si atrait à lor volenté que il ne faisoit riens fors par lor consel, et plus encores par l'enort et consel dou fil que dou père, car li pères estoit jà très-ancyens, et li fils se tenoit tous jours dalés le roi, et ne faisoit li rois nulle cose, fors par son consel, dont tout homme qui congnissoit Testât dou roi et ce messire Hue le Espensier, murmuroit et parloit diversement sus lui, car, ensi que je ai dit ichi desus, Englès ne se puent longuement tenir, ne souffrir de un inconvénient, quant on lor fait, et se il le portent et sueffrent un temps oultre leur volenté , si en prendent-il en la fin crueuls paiement. Et avint que onques depuis la desconfiture qui fu devant Struvelin en Escoce, li roy animes d'Engleterre généraument n'eurent à grâce le roi , ne ce messire Hue le Espensier, et commenchiôrent h murmurer li prélat, li baron et li homme des chités et bonnes villes d'Engleterro

i2 CHRONIQUES

moult fort sus le roi et son consel, et à dire et proposer que on l'avoit tant tenu en wisseuses ' et en délisces que li roiaulmes d'Eng-leterre avoit recheu blâme et dammage oultre mesure, et que ce ne se pooit recouvrer. Or se percliut li dis messires Hues li Espensiers que on murmuroit sur lui ; si se doubta trop fort que mauls ne l'en presist, il qui estoit si bien dou roi, que nuls mieuls de li. Dist et enorta que pluisseurs barons d'Engleterre faisoient aliances ensamble et que se il ne s'en prendoit garde , il le bouteroient hors de son roiaulme, Li rois fu pour celle fois si acertes enfourmés que il i pourvei trop grandement, car à un parlement que il fist venir à Bristo, là où il se tenoit le plus souvent et moult volentiers, il fist prendre jusques à vingt-deus de ces nobles et Lauls barons d'Engleterre et les fîst tous déceler, et tout premier le conte Thomas de Lancastre , qui estoit ses oncles, preudoms et vaillans hommes, et fist depuis moult de biaus miracles ou lieu où il fu ensevelis % et se son frère le conte A^^mon de Kent euist esté à ce parlement, il estoit ordonné dou faire morir, mais point n'i fu, car il estoit dehetiés% si s'escusa. Geste décolation faite, quant la congnissance en vint généraument ens ou roiaulme d'Engleterre, li rois et messires Hues li Espensiers furent aquelliet en grant haine de toutes gens, mais nuls n'en osoit parler, là où la

^ Wùseîises, oisiveté,

2 Le 28 juin 1*323, Edouard II écrivit à l'évêque de Londres pour se plaindre de ce qu'on avait exposé dans l'église de Saint-Paul un tableau où était représentée l'effigie du comte de Lancastre, et de ce qu'on lui rendait le même culte qu'aux saints, en répandant le bruit qu'il s'y ,0îjérait des miracles; ce qui était, ajoutait-il, à la honte du roi et d'un pernicieux exemple [in nosfn dedecus et perniciosum esccmplmn). D'après une rumeur populaire, d'autres miracles avaient suivi le supplice de deux chevaliers qui avaient été écartclés à Bristol.

* DehetUs, malade, indisposé.

DE IROISSART. 15

cougnissance en fiist vénuo au roi, ne au dit messire Hue le Espensier ; car il estoient si crueuls en lors fais que nuls, tant hauls, ne nobles que il fust, n'estoit espargniés, et voloient resgner en celle ordennance que nuls ne parlast sus lor estât. Encores avecques tout ce, mist li dis messires Hues si très-grant discort entre le roi et la roine que li rois ne voloit point veoir sa femme, et pour tant que le conte Aymon de Kent en parla et en blâma le roi son frère , présens auquns nobles d'Engleterre , pour ces paroles et pour aultres, avecques tout le mal et discort que messires Hues li Espensiers pooit mettre entre le roi et son frère et la roine, il li mist, et bien le savoient la roine et li contes de Kent, et s'en vinrent demorer en la conté de Kent et en un biau chastiau dou dit conte que on nomme Ledes*, et là se tinrent un tempore, car li rois d'Engleterre ne faisoit compte de sa femme, ne de ses enfans, et convenoitla roine vivre de son demainne, car les roines d'Engleterre ont grans drois et biaus hiretages de lors doaires en Engleterre. Cbils rois ne faisoit compte de veoir la roine. Si estoit-elle très-belle dame et féminine et doucement enlangagié. Dit fu à ce conte de Kent et à la roine Issabiel d'Engleterre qui se tenoient en ce cbastiel de Ledes, que li rois les feroit prendre, décoler ou noj^er son frère, et la roine enmurer. Il doubtèrent ces paroles, car il sentoient le roi hauster et crueuls et ce Hue le Espensier qui les avoit aquelliet en grant haine. Si ordonnèrent lors besongnes dou plus tos que il porent, et se départirent d'Engleterre, et fu lor intension que il venroient en France veoir le roi Carie de France, car la roine d'Engleterre ne l'avoit point veu depuis que premièrement elle

• Leeds.

estoit venue en Engleterre, et venroit en Pontieu, car la conté de Pontieu li devoit estre venue et li avoit esté donnée en mariage avecques le roi d'Engleterre. La roine d'Engleterre et li contes de Kent, pour le doubte dou roi et esquiever les périls, se départirent d'Engleterre dou plus tos que il porent, apriès ce que on les ot avisés et enfourmés, comment li rois et messires Hues li Espensiers les voloient destruire, et n'emmenèrent point plenté ' de gens. En lor compagnie estoit aussi un chevalier qui se nomma messire Rogier de Mortemer^ et semblèrent secréement d'Engleterre et vinrent à Boulongne et fissent tant par lors journées que il vinrent à Paris et au bois de Viçainnes où, pour ce temps, li rois de France se tenoit. Li rois Caries de France requelli assés doucement sa serour et son joue fil Édouwart^ et le vei moult voientiers, et le conte de Kent et messire Rogier de Mortemer , et ordonna tantos de lor estât, quant il ot entendu recorder sa serour et le conte de Kent, la vie, l'affaire et l'ordenance dou roi d'Engleterre et de ce Hue le Espensier, mais il ne dist pas : « Belle serour, pour l'amour de vous, et pour ce que « je voi que il se mésuse, je li manderai notorement que « il se mete à raison, et eslonge de li son mauvais consel « et vous tiengne en paix et en estât, ensi que uns rois « doit tenir sa femme, ou je li ferai guerre » nennil, mais

' Plenté', grand nombre.

2 .En 1316, Roger de Mortimer avait reçu le gouvernement de Tirlande, avec les pouvoirs les plus étendus, parmi lesquels figurait celui d'accorder aux Irlandais l'usage des lois anglaises. Plus tard, Roger de Mortimer, enfermé à la Tour de Londres, réussit à s'enfuir, et une proclamation royale le déclara rebelle, traître, félon et mauvais.

3 Edouard III, né à Windsor au mois de novembre 1312, avait eu pour parrains les comtes d'Évreux, de Ricliemont et de Pembroke, et ce même Hugues Spencer, à qui l'on infligea en son nom un si afl'rcux supplice.

li (list : a Ma belle serour , je vous pourverai courtoise- « ment de vostre estât pour vous et pour vostre fil, et « entrues * s'avisera vostres maris, ou li amour et la com- « pagnie de li et de ce Hue le Espensier se desrompera. » Il convint la roine d'Engleterre prendre en bon gré ce que ses frères, li rois de France, li ofiroit, et Ten remercia, et aussi fîst li contes de Kent, et se tinrent à Paris que là environ, trois ans tous complis ^ et estoient souvent avecques

' Entrues, sur ces entrefaites, pendant ce temps-là.

2 La reine passa moins de deux années en France et en Hainaut. Le 8 mars 1325, Edouard II écrivit au pape que la reine d'Angleterre se rendait en France pour négocier elle-même un traité. Mais, dès le l^*" décembre, il se plaignait au roi de France de ce que la reine alléguait, pour prolonger son séjour, la crainte qu elle éprouvait de tomber au pouvoir de Hugues Spencer. « Certes, disait-il, très-amé frère, « il ne convient pas qu'elle se doute de lui, ne de nul autre homme « vivant en nostro roialme ; quar, par Dieu, il n'y ad Hugh, n'autre vite vant en nostre pooir, qui mal li vousist, et nous le puissions sen- « tir, que nous le cliastiriens en menère que autres prenderoient « essample. » Le môme jour, il écrivit à la reine elle-même pour lui exprimer le gi*and désir qu'il avait de la revoir et les souffrances de cœur que lui causait une si longue absence. Il s'étonnait de ses griefs contre Hugues Spencer, qui s'était toujours conduit h si amiablement « envers elle, » et qui, à son départ, lui avait donné de grandes assurances d'amitié. Il rappelait à la reine que si parfois il avait été réduit à lui adresser certaines paroles de châtiment, il l'avait fait assez secrètement et sans dureté, et que son intention était, en ce qui touchait ses dépenses, de les régler de telle sorte qu'à l'avenir elle ne manquerait de rien. Une troisième lettre était adressée au jeune Edouard. Il lui rappelait tout ce qu'il lui avait dit à son départ de Douvres et le pressait de revenir le plus tôt possible avec ou sans sa mère.

Le 18 mars 1326 , Edouard II s'adressa au roi de France pour se plaindre de l'absence prolongée de la reine Isabelle. Il lui reprochait surtout de manquer à ses devoirs en se conduisant par les conseils do Roger de Mortimer, traître et ennemi mortel, condamné selon les lois du royaume. Le 19 juin 1326, il réitérait les mômes plaintes dans uno lettre adressée à l'évêque de Bcauvais. Roger do Mortimer avait accompagné le fils du roi d'Angleterre à la solennité du couronnement do Jeanne d'Évreux, le jour do la Pentecôte 1326.

iG CHRONIQIjES

le roi Carie, et les veoit li rois volentiers et prendoit à la fois grant plaisance ou jone Edouwart, car il estoit biaus fils et rians, et s'esbatoit li rois qui estoit son oncle, en ses jonèces. Pour ce temps que la roine d'Engleterre et ses fils et li contes de Kent estoient en France, avoit deus jones filles en France, desquelles li rois Caries estoit oncles, car avoient esté filles à ses deus frères , li roy Lois que on nomma le roi Hustin, et li autre, fille au roi Phelippe le Grant, qui ensa jonèceavoit esté nommé contes de Nevers. De ces deus filles, li une fu depuis ducoise d'Orlyens \ et li aultre, Marguerite, contesse de Flandres et d'Artois, et fu adont parole ens ou consel dou roi de France , et assés s'i acordoit li rois, que ses biaus neveus Édouwars d'Engleterre euist l'une de ses nièces par mariage* et que li roiaulmes de France , apriès li , lor retournast , car il ve-

* Jeanne, fille de Louis le Hutin, ne fut pas duchesse d'Orléans, mais reine de Navarre.

2 En 1319, le roi d'Angleterre, désirant conclure le mariage de son fils Edouard avec Sibylle, fille du comte de Hainaut, exposait au pape que déjà Charles de Valois avait obtenu des dispenses afin que sa fille pût épouser le jeune Edouard ; mais il déclarait que cela avait eu lieu sans son assentiment [De qtco profecfo eo veJiementms mirari cogimur quo inter nos etprcefatum Carolum super w.atrimoniali contractu ineundo, sicîit nec causa suhfuit ineundï, non fuit liadenus aliquid iirœlocutum). Deux ans plus tard, au mois de mars 1321, Edouard II songeait à marier son fils à la fille du roi d'Arragon. Il répondit, le 6 juin 1323, au roi de France et au comte Charles de Valois qu'avant de conclure le mariage de son fils avec la fille de Charles de Valois, il se croyait tenu de consulter le parlement. Enfin, le l**" janvier 1326, Edouard II se plaignait de ce qu'on voulait marier son fils en France, et déclarait qu'il ne permettrait pas ce mariage. Le 18 mars 1326, il écrivit à son fils pour lui ordonner, sous peine d'encourir toute son indignation, de ne pas se marier, ni de ne se laisser marier, avant d'être venu en Angleterre réclamer l'autorisation paternelle. Après lui avoir rappelé les préceptes du sage roi Salomon, il ajoutait que, s'il désobéissait à ses volontés, il ordonnerait les choses de telle manière qu'il le sentirait tous les jours de sa vie et que tous les fils en prendraient exemple s'ils étaient tentés de désobéir à leur seigneur et père.

DEFROISSART. 17

noient de la droite lignie. Ces nouvelles s'espandirent tant que elles furent sceues en Engleterre. Quant messires Hues li Espensiers en fu enfourmés, si se doubta grandement que la poissance dou roi de France ne le fesist tresbucliier jus de ses estas, car bien imaginoit au fort que ses sires li rois d'Engleterre n'Oseroit corouchier li roi de France, et encores oultre, se ceste aliance se faisoit, que li Jones Êdouwars d'Engleterre fust mariés en France et presist sa cousine germainne, il ne poroit longuement estre, ne demorer que dou costé de France il ne venist à faire, avecques tout ce encores que il sentoit bien que moult estoit haïs en Eng-leterre pour les crueuses justices et sans raison, que il avoit consenti et consilliet à faire, dont tous les jours il estoit en péril et en aventure deslinagesdeceuls qui mort estoient. Si se avisa que à tout ce il pourveroit trop grandement, ensi qu'il fist. Ils qui bien savoit que, se chils mariages se faisoit, ce seroit par dispensation dou pape, tantos et incontinent il fist le roi d'Engleterre escrire au pape Jehan, qui, pour ce temps, resgnoit et demoroit en Avignon. Chils papes Jehans estoit gascons et de la nation de Bourdiaus * , et tous li linages de ce pape demoroient desous le roi d'Engleterre, et aussi de condition et en toutes ses œvres, il estoit englois , et ne vosist pour riens courouchier le roi d'Engleterre. Ces lettres escriptes et séelées, messires Hues li Espensiers, qui avoit ; escript ensi comme il voloit (espoir n'en savoit riens li rois), prist tantos des chevaliers de son linage et les envoia en Avignon deviers ce pape Jehan. Quant li papes vei les lettres dou roy d'Engleterre , il les rechut et les chevaliers en grant chiereté, et les ouvri et lissi tout au lonc, et tint

» Le pape Jean XXII était né à Cahors.

ces escriptures en secré, et en avint que pour ce jone Édouwart d'Engleterre marier à la jone dame , qui fille avoit esté dou roi Lois de France et de Navarre, et on en volt avoir la dispensation, chils papes qui tous enfourmés estoit , et qui complaire voloit au roi d'Engleterre et à messire Hue le Espensier, respondi à ceuls qui envoyet i furent de par le roi de France, que jà ne dispenseroit ce mariage, car il estoient trop proçain. Ensi fu chils mariages brissiés et rompus, et aussi pluisseur hauls barons de France n'en fissent point grant compte, car jàmurmuroient-il que de ce mariage poroient venir trop grant mauls et que apriès la mort dou roi Carie , qui consentoit à mettre sus et avant ces trettiés , li hiretages de la couronne de France ne devoit, ne pooit en riens descendre, ne venir à ces filles, ne as enfans de la roine d'Engleterre, par les previléges et estatus ancyens de France, et en estoient hiretiers li fil au conte de Valois, Phelippes et Caries, jà fuissent-il de plus lontan degré, mais li contes de Valois lors pères avoit esté frères au biau roi Phelippe, roi de France. Ensi sçavoit messires Hues li Espensiers aler au devant de ses besongnes, et bien sçavoit que il faisoit mal, mais tant estoit endurés en ses malisces que il n'en sçavoit, ne voloit issir. Si en rechut-il très-crueuse punition en la fin, ensi que orrés encores assés proçainnement recorder en l'istore.

CHAPITEE V.

Comment li Londriens remaijdèrent la roine Issabiel.

Grandes murmurations et escandales commencbièrent à monter en Engleterre à l'encontre dou roi et de ce Hue le Espensier, tant des nobles comme des prélas et marceans,

et disoient ensi l'un à l'autre , quant il se trouvoient : « Nostres rois se mésuse trop mallement par l'enort et « consel de ce Hue le Espensier. A quoi es-çou bon que il « ont mis hors d'Engleterre, la roinequi est serour dou roi « de France et une vaillans dame, sage, humble et dévote, « et son jone fil, nostre hiretier, et aussi le conte de Kent, « un vaillant homme et de bonne conscience, et ne sot se «X tenir en ce païs, pour tant que il a parlé à son frère le « roi et à messire Hue le Espensier et leur a blâmet leurs fo- « lies? Telles coses ne font pas à souffrir, ne à consentir, et « poroient lors œvres porter trop grant préjudisce à ce « roiaulme, et seroit bon que on i pourveist. » Li Londryens qui ont tousjours esté, sont et seront tant que il seront, li plus poissans de toute Engleterre, considérèrent ces affaires que les coses aloient en Engleterre trop mallement, et que justice ni avoit point de lieu, ne de audiense, ne li marceant n'osoient aler, ne ceminer , ne ne pooient, fors en grant péril et aventure de perdre lors corps et lors biens, parmi le roiaiilme d'Engleterre ; si en parlèrent entre euls et dissent que il 1 convenoit obvyer et que de la vie ^t gouvernance dou roi et de son consel, c'estoit une pure perte, et sentirent que moult de nobles d'Engleterre s'enclineroient assés tos à ce que on i pourveist , et couroit secrée renommée que li rois, par ses mésusances et folies, n'estoit point dignes de tenir terre, et que à tort et à péchiet il avoit eslongiet en sus de 11 sa femme la roine d'Engleterre et son fil et son frère le conte de Kent, et se tenoit en la marce de Bristo, en wiseusses et en déduis, et ne faisoit compte comment li roiaulmes fust menés, ne gouvernés, mais que il euist ses plaisances et or et argent assés, et tout donnoit à ce Hue le Espensier et à ses complisces. Si regardèrent que on i pourveroit, et eurent un certain con-

sel secret ensamble li auquns nobles d'Engleterre et prélas, qui ne pooient plus souffrir ce que il véoient, et li Londryens, que il remanderoient la roine Issabiel lor dame et son fil et le conte de Kent, et fesissent tant que il euissent jusques à trois cens armeures de fier, mais que il fuissent arivé en Engleterre , il trouveroient confort et aide assés des nobles d'Engleterre et des Londryens , et certefioient les lettres que tout ce que il venroit en Engleterre de gens d'armes, il seroient tout payet, et en faisoient li Londryen lor fait. En. ce consel, furent les lettres escriptes et séelées, et chil esleu , qui feroient le message , et convenoit bien que tout ce fust tenu en secré. Il le fu, et vinrent chil qui envoyet i furent à Paris et trouvèrent la roine et son fil et le conte de Kent, si leur baillièrent à part les lettres : il les lissirent; si en furent tout resjoï, quant il veirent que la plus sainne partie dou païs et li Londryens les mandoient , mais le plus fort pour euls estoit à trouver gens d'armes, et ne s'osa de ces lettres, ne des mandemens, la roine d'Engleterre descouvrir à son frère le roi de France, ne à baron qui fust en France, et ce li conseillèrent li contes de Kent et messires Rogiers de Mortemer, car li dis conte veoit bien que en l'ostel dou roi et en sa cambre, messires Hues li Espensiers avoit jà acquis tant d'amis par ses dons et présens, lesquels il avoit donnés et là envoyés et envoioit encores tous les jours , que toute dissimulation estoit en place, et portoient trop fort partie à rencontre de la roine d'Engleterre : « Et quel cose porons- « nous faire? » respondi adonc la roine. — « Dame, dist « li contes de Kent, vous prenderés congiet au roi et le « remercyerés des courtoisies que il vous a fait, quoique « il i soit assés tenus, car il ne puet avoir plus proçainne 0 de vous qui estes sa serour. Il vous donra congiet assés

DE FROISSAIIT. ai

« îégièrement , car vous séjournes ichi à ses coustages, « et gens d'ostel qui se tiennent acargiet de vous, seront « tout resjoy de vostre département, et se il vous de- « mande où vous vc^ vodrés retraire, vous vos fainderés « et li dires que vous avés oy nouvelles don vostre mari « et que il vous remande et que là vous vos retrairés « au plus tos que vous pores. Il vous respondera que ce « sera bien fait. Ce congiet pris, nous nos retrairons tout « bellement deviers vostre cousine germainne, la contesse « de Hainnau et deviers le conte et son frère : il vous a feront bonne cbière, et en ce païs de Hainnau , ce sont « gens chevaliers et esquiers de grant adrèce', et qui « demandent les armes. Nous là venus, je suppose que « nous serons adrecliié , conforté et consillié de tout ce « qu'il nous besongnc: » La dame se ordonna apriès le consel de son serourge ^ le conte de Kent et prist congiet à son frère le roi de France. Li rois li donna assés Iégièrement , mais il voloit que ses neveus Édouwars demorast avecques lui, mais la dame l'escusa et dist que, s^ns son fil, point elle ne seroit retournée en Engleterre. Li rois n'en parla plus avant, et li fîst délivrer par ses chevaliers d'ostel deus mille florins, pour payer ses menus frès sus son cemin, et pour lors estoit servis li rois d'un chevalier de Cambrésis qiii se nommoit li sires d'Esne"; li chevaliers s'offri à cevauchier avoecques la roine et en demanda congiet au roi, et li rois li acorda.

* Adrèce, prudence, habileté. ^ Serourge, serouge, benu-frère.

* Esne, à onze kilomètres de Cambray. La soignourio d'Esno était l'une des douze pairies du Cambrésis. En 1310, Mansard d'Esne renvoya au comte de Hainaut rhomma{?e qu'il tenait de lui afin de se ranger sous les drapeaux du roi de France. Ce fut ce m(5mo Mansard d'Esne qui négocia, quelques années plus tard, la délivrance do son cousin Gauthier do Mauny.