CHAPITRE VI

Comment la roine d'Engleterre se départi dou roi de France et ala veoir le conte et la contesse de Hainnau.

Ensi se départi la roine d'Engleterre dou roi de France son frère, et avoecques li son fil le jone Édouwars, le conte de Kent, messire Rogier deMortemer et toute lor route ', qui n'estoit pas tropgrans, et les conduisoit li sires d'Esne, et les aconduisi et amena en Cambrésis et furent un jour et une nuit en son chastiel et de là vinrent à Buignicourt \ Pour ces jours i avoit un chevalier et une dame de trop grant gouvernement , et se nommoit li sires d'Aubrecicourt. Jà estoient les nouvelles venues en Hainnau que la roine d'Engleterre et ses fils venoient veoir le conte et la contesse et lors enfans et les chevaliers et esquiers de Hainnau, et vint li sires d'Esne, sitos que la roine fu descendue à Buignicourt où elle fu dou chevalier et de la dame très-joieusement requelloite , en la ville de Valenchiennes, car il ni a pas de la longue voie à cevauchier. Pour ces jours s'i tenoient li contes et la contesse et messires Jehans de Hainnau, sires de Biaumont, lors frères, et vint deviers euls en la Salle de Valenchiennes et lor recorda ces nouvelles desquelles il furent tout resjoï. Adont dist li contes à son frère : « Jehan, cevauciés jus- « ques à Buignicourt , et nous amenés nostre cousine la « roine d'Engleterre : nous la volons festoyer en nostre « païs. » Li sires de Biaumont respondi : « Volentiers. » Tantos chevaus furent en selle, et montèrent messires

^ Route, compagnie,

2 Bugnicourt, village à une lieue d'Arleux.

Jelians de Hainnau et sa route , car il estoit bien acompagniésde barons et chevaliers de son païs, et mist messagiers en œvre et manda le signeur d'Antoing", le sénescal de Hainnau, le signeur de Ligne, le signeur de Bailluel, le signeur de Barbançon , le signeur de Haverecli , le signeur de Gommegnies , le signeur de Vertain et moult d'autres, que tantos et sans délai , il venissent à Valenchiennes. Il vinrent tout en bon arroi et le plus vestis des draps de la livrée que li contes donnoit, et aussi dames et damoiselles vinrent dalés la contesse. Messires Jehans de Hainnau cevauça et vint à Denaing' oultre Valenchiennes et là s'aresta et renvoia le signeur d'Esneà Bui- ■gnicourt, et estoit moult tart, et<li dist : « Je serai, à « quelle heure que ce soit,, encores à nuit dalés madame ' « la roine. Dites li ensi. » Et fist k)ut ce pour mains ^ cargier l'ostel , car il sentoit le chevalier et la dame de tout oultre bonne volenté. Li sires d'Esne vint à Buignicourt et compta àla roine tout ce que ilavoit veu et trouvé, dont la dame fut moult contente, et se reconforta mieuls que devant. Messires Jehans de Hainnau soupa à Denaing entre les damoiselles de l'abéie, gentils femmes qui là estoient, et tantos apriès souper, il prist Phelippe de Chastiaus, le plus proçain esquier que il eust, et montèrent as chevaus et deus pages, et cevaucièrent tous les plains' et tanfos furent à Buignicourt, et missent piet à terre, et entrèrent ens ou chastiel , car on les atendoit. Messires Jehansde Hainnau se reti;(aïst en une cambre où la roine d'En-

* Denain, village situé à deux lieues do Valenciennes. L'abbaye, fondée par saint Aldebert et sainte Reine, au viii* siècle, était habitée par des clianoinesses nobles qui n'étaient pas tenues de faire des vœux.

2 Mains, moins.

» P?«îW5, plaines.

gleterre estoit, li contes de Kent, messires Rogiers de Mortemer et toutes les gens d'honnour, qui issu estoient d'Engleterre avoecques la ditte roine, laquelle estoit toute droite, et messires Jehans de Hainnau s'enclina moult bas contre lui . La dame le prist par la main et le leva et l'emmena arrière , et quant la roine parloit au chevalier , il s'enclinoit tous bas, car des honnours de ce monde, messires Jehans de Hainnau estoit tous fais et nourris. Là furent les aquointances douces et courtoises; là remonstra la ditte dame au chevalier moult doucement toutes ses mescances ' et comment elle estoit issue hors d'Engleterre en painne et en péril et eslongie de son mari, qui en trop grande haine l'avoit aquelliet par l'Bnort et consel de un chevalier d'Engleterre et grant signeur assés qui s'apelle Hue le Espensier. A toutes ces paroles et remonstrances parla li chevaliers moult doucement et sagement, et tousjours en reconfortant la dame. Et quant la roine vint à la parole de dire comment li Londryens, par le consentement de pluisseurs prélas et barons d'Engleterre, li mandoient que elle retournast en Engleterre, et que elle fesist tant que elle euist trois cens ou quatre cens armeures de fier, car li langages dou prononchier pour le temps de lors estoit tels, et les amenast ou païs, et li Londryens les délivreroient ^ de tous poins et se meteroient en lor compagnie : « Car par ma foi, « messire Jehan et biau cousin , je n'ai de quoi faire ce « paiement. Je n'ai finance fors que pour mes menus « frès. » Il respondi promptement et dist : « Madame, « vechi vostre chevalier qui n'a pour le présent que faire, c< ne à quoi entendre. Si voel estre en vostre service, et « n'entenderai jamais à autre cose , si vous aurai remis en

^ Mescances, aventures, malheurs.

2 Délivreroient, défraieraient, paieraient.

« Engleterre. Monsigneur mon frère et moi, avons finance « assés, chevaliers et esquiers qui désirent les armes et qui « ne sont pour le présent de riens cargiet, ne ensonnyet : « si ne vous fault point doubter que par faute de mise et « de chevalerie, vostres volages soit requlés, car à l'aide « de Dieu et de saint George, nous l'achèverons. » A ceste parole, plora moult tendrement la dame de joie et de pité et l'en remerchia de bon coer, et puis li dist messires Jehans de Hainnau : « Madame, monsigneur mon frère et « madame ma soer la contesse de Hainnau vous prient « par moi que vous les venés veoir et lors enfans. » Laroine respondi et dist que de ce faire, elle estoit toute preste et tenue don faire et que pour euls veoir principaument, elle estoit avalée' et venue de France jusques à là. Ensi se portèrent les premières acquointances entre la roine d'Engleterre et messire Jehan de Hainnau , et fu là environ deus heures , et parlèrent de pluisseurs coses assés et prissent vins et espisces par deus fois. Tout ce fait, messires Jehans de Hainnau prist congiet à la roine et à son fil et au conte de Kent et à tous et à toutes, et issi hors dou chastiel et monta à ceval et son esquier et leur page : li sires d'Esne, li sires d'Aubrecicourt et trois des enfans de Mauni ^ qui là estoient, Gilles, Jehans et Tiéris le reconvoyèrent. Watiers et Willaumes de Mauni demorèrent

• Avalée, partie, arrivée en un autre lieu.

2 La terre de Masny est située près de Douay. Dans les cliartcs, on lit toujours Mauny. Telle est l'ortographe du nom de Mauny dans une charte conservée à Paris aux Archives impériales, où Olivier de INIauny se porte plèg-e pour le §ire do Lascours, chevalier breton, et dans un document de 1353 relatif à Isabeau do Maunj^ veuve do Jean de liarbançon. Enfin, c'est ainsi que l'écrit Gauthier do Mauny dans une quittance du 12 mai 13G2 , par laquelle il renonce , moyennant 19,000 florins d'or, h toutes ses prétentions contre Marguerite de Flninaut et Aubort do Bavière.

dalés la roine. Et s'en revinrent messires Jehans et li aultre à Denaing" et là demorèrent la nuit , mais chil qui acompagniet avoient le signeur de Biaumont, retournèrent à Buignicourt dalés la roine d'Engleterre.