CHAPITRE LV
Comment li rois d'Engleterre mit le siège devant Bervich.
Quant li rois d'Engleterre et ses gens orent chevauchié et couru toute la plainne Escoce et ars, et essillié tout le plat païs et n estoit nulle nouvelles des Escos qui lor contredesissent lor cemin et il veirent que li iviers aprocoit et il orent pourveu et rafresqui tous les chastiaus que il pensoient à tenir pour guerryer et héryer le demorant dou païs, il se missent tout souef au retour, et fu li rois logiés en une moult belle petite ville que on apelle Donfremelin, et là a une abbéie de noirs monnes, qui est assés grande et belle, et là dedens celle abbéie sont les sépultures communelment des rois d'Escoce. La ville fu arse, mais li rois deiFendi à non ardoir l'abéie pour tant que il i avoit esté logiés, puis se missent li rois et se boos au retour, et ne prissent pas le cemin que il estoient venu, mais celi desus la marine, car ce fu lor intension que de ce voiage il meteroient le siège devant Bervich ; et esploitièrent tant les Englois que il vinrent devant Dombar qui sciet sus la mer, et furent là et environ cbinq jours et se missent en grant painne de le prendre et de l'avoir, et i fissent li arcbier plusseurs assaus, et ne le peurent avoir. Si passèrent oultre et ceminèrent tant que il vinrent devant la cbité de Bervich. Si l'asiégèrent et se logièrent au plus priés que il porent. Pour ces jours en estoit chapitainne uns vaillans chevaliers d'Escoce qui se nommoit Alixandres Ramesai, et avoit avoecques lui des aultres chevaliers d'Escoce et esquiers qui tous estoient vaillant
DE FROISSART. i69
homme. Si se logièrent les Englois au lonc de la rivière de Taie' qui rentre en la mer desous Bervicli, et est uns havènes de mer, et par là par mer venoient moult de pourvéances au roi d'Engleterre et à ses gens, dont il estoient tous les jours rafresqui, et sciet Bervicli en bon païs et pourveu de bleds, d'avainnes et d'autres grains et de bons foins, et i truevèrent grand fuisson de venissons et de volailles, et avoit là li rois d'Engleterre ses chiens et ses oisiaus. Il i prendoit ses déduis, ne nuls ne U aloit audevant, ne brisoit ses esbatemens, car tous les jours, quant il voloit faire ce mestier, li connestables d'Engleterre, li contes de Norhanton, avoit bien chinq cens lances et mille archîers, qui costioient les bois et les rivières toute jour tant que li rois retournoit arrière. Considérés comment les saisons s'i portent et diffèrent de l'une à l'autre. Vous trouvés chi desus en ceste histoire, le roi Robert de Brus d'Escoce resgnant (père à ce roi David), que il donna moult à faire as Englois, et se il euist vesqu, et messires Guillaumes de Douglas qui fu ocis par sa vaillance en Grenade et li contes Jehans de Moret, li rois d'Engleterre n'eust osé avoir ensi pris ses déduis de chiens, ne d'oisiaus en Escoce, ne chevauchiet sans avoir eu des grans rencontres, mais les Escoçois commençoient à doubter ce roi Édowart, et disoient li ancyen et li sage en Escoce que il feroit un vaillant homme et en avoit bien la chière et la manière, et en celle vaillance si homme d'Engleterre l'introduisoient et nourissoient. Si faissoiènt bien, car uns rois, puisqu'il voelt tenir terre et signeurir peuple, doit estre de hardies et grandes emprises. Encores disoient les Escoçois liquel congnissoient assés parfette-
* Lisez : la Tweed.
no CHRONIQUES
ment la nature des Englois, l'un à Taultre par [manière] de colation * : « Pensés-vous pour ce, se nos rois a à femme a « serour dou roi d'Engleterre, que nous en doions mieuls « valoir et estre déporté à non estre guerryet, mais Dieus, « nennil; il fault que li rois d'Engleterre obéisse à son « peuple, et face tout ce qu'il voellent, et si fait le con- « traire et qu'il fuie et liée les armes et soit precheus et « endormis et quiere et demande ses déduis, il ne le po- « ront amer, mais le disfameront et querront sus lui « voies et adrèces obliques, jà soit-il preudoms en con- « science, par quoi il le destruiront. Et trop grans périls « est en Engleterre d'un roi qui vient en"îa posession dou « roiaulme, quant i auera eu un vaillant prédicesseur « devant lui, car se il n'ensieut ses œuvres, il est tous les « jours en péril et en aventure d'estre mors de son peuple « meismes, ensi comme il en est esceu et pris au roi « Édouwart, père de cesti qui resgne en présent, que si « homme ont fait morir de maie mort ens ou cbastiel de « Bercler, et ont son fil couronné à roi. Ce sont grant « exemple por lui, et pour tous les rois qui par succession « puevent avenir et venir à la couronne d'Engleterre. » Ensi disoient li Escoçois et non pas euls tant seuUement, mais toutes aultres nations, qui congnoissent la nature et condition des Englois, car desous le solel ne sont gens plus périlleus, ne mervilleus à tenir, ne plus divers que sont Englois. Il sont de belles acquointises et de biau samblant, mais nuls qui sages est, n'i doit avoir trop grant fiance.
» Colation, discouLTa.
