CHAPITRE LXVII
Comment li contes de Flandres ne povoit demorer en son païs, et comment Jaquèmes Dartevelle estoit entré en grand gruce aux Flamans.
En ce temps dont je parole, avoit grande dissention entre le conte de Flandres et les Flamens, car chils contes Loïs qui eut à femme Marguerite d'Artois, ne se sceut onques avoir, ne dissimuler, ne estre en paix entre ses gens en son païs, ne ses gens aussi ne le peurent onques amer,
20tî CHRONIQUES
et le convirft de rechief widier et partir de Flandres et venir en France, et là amena sa femme, et se tenoient à Paris dalés le roi liquels les soustenoit de une partie de son estât. CMls contes fu assés chevalerous, mais ses gens disoient que il estoit trop françoiset que jà nul bien nelor feroit.
Cliil de Gand commencièrent premièrement à faire le mauvais et à voloir suspéditer tout le demorant dou païs de Flandres, et avoient de lor aliance Tenremonde, Alos et Granmont pour ces jours dont je parole, et entrues que chil signeur d'Engleterre se tenoient à Valenchiennes et faisoient lors pour cas, ensi que chi desus est dit, avoit à Gand un bourgeois qui se nommoit Jaquemon Dartevelle, hauster homme, sage et soutil durement, et fist tant par sa poissance que toute la ville de Gand fu encline à lui et à ses volentés. Chil signeur d'Engleterre qui se tenoient à Valenchiennes jettèrent lor visée, parle consel et introduction que il orent dou conte de Hainnau et de son frère, que il envoieroient deviers che Jaquemart Dartevelle et les bourgeois de Gand, afin que il vosissent estre de l'aliance et acord.dou roi d'Engleterre, par quoi, se il li besongnoit, il peuist avoir, ils et ses gens, entrée en Flandres. Si i envoyèrent l'évesque de Durem et le conte de Norhanton et messire Eenault de Gobehem. Euls venu à Gand, il furent recheu très-grandement, honnouré et festoyé, et se portèrent si bien li trettié par le moyen Jaquemon Dartevelle qui i rendi grant painne et qui haioit le conte, que chil de Gand généraument s'acordèrent à ce que, se li rois d'Engleterre passoit la mer et voloit prendre son chemin parmi le païs de Flandres, fust à gens d'armes ou sans gens d'armes, lors deniers palans de toutes coses desquelles on lor feroit aministration, il trouveroient le païs
DE FROISSART. i07
ouvert. Nequedent que cliil de Bruges, dlppre et de Courtrai lor fuissent contraire et rebelle, il pensoient bien tant à esploitier et dedens briefs jours que li païs seroit tous en une unité. Ces aliances et concordances de Jaquemon Dartevelle et de ceuls de Gand plaisirent grandement bien à ces signeurs d'Engleterre qui là avoient esté envoyet, et prisent de toutes ces convenances lettres séelées dou séel à causes de la ville de Gand, et puis retournèrent à Valenchiennes, deviers le conte de Hainnau et lors compagnons, et monstrèrent de parole et par les lettres que il avoient, en quoi et comment cMl de Gand estoient de bonne volenté obligiet. Dont dist li contes de Hainnau à ces signeurs d'Engleterre : « Biaus signeurs, vostres besongnes « s'avancent grandement, se Vous avés les païs de Flandres « et de Braibant d acort. Dites à mon fil d'Engleterre que « ce li sera uns grans confors et que sa guerre en sera plus « belle, mais il convient que il passe la mer à la saison « qui retourne, pour aprendre à congnoistre les signeurs « et les païs qui le vodront aidier et servir, siques vous « revenu en Engleterre esmouvés-le à ce que, à une quan- « tité de gens d'armes et d'archiers, il viengne deçà la mer « et face venir de la finance, car Alemant sont convoitons « et ne font riens, se li denier ne vont premièrement de- « vant, car ce sont gens moult convoitons. »
