CHAPITRE LXVI
Comment les signeurs d'Engleterre conclurent d'autres aliances.
A l'ordenance, consel et parole dou conte Guillaume de Hainnau s'arestèrent chil signeur d'Engleterre qui pour ce temps en Valenchiennes se tenoient, et fissent tant par lors pourcas, voires moienant les deniers (car ce sontcoses qui moult i vallent et pueent) que li contes Eenauls de Guéries, serourges au roi d'Engleterre, li marchis de Jullers pour li et pour l'arcevesque Wallerant de Coulongne, son frère, messires Ernouls de Baquehen, li contes de Meurs, li sires de Fauquemont et pluisseur aultre chevalier de desus le Rin et fort ruste vinrent à Valenchiennes parler à euls pardevant le conte de Hainnau et monsigneur Jehan de Hainnau son frère, et là ot pluisseurs consauls et trettiés, et tant fu proumis et donné à euls que tout s'obligièrent à desfyer le roi de France, sitos que il saueroient que li rois d'Engleterre l'aueroit desfyet ou au plus tart ung mois apriès, et le serviroient casquns à une quantité de hiaumes couronnés ' , car pour lors on ne parloit point de lances, ne de bachines, fors de hiaumes : or sont les coses transmuées aultrement, et encores se transmueront.
Quant chil signeur d'Engleterre furent tout aséguret
1 Ce fut au mois de mai 1337 que l'évoque de Lincoln, le comte de Salisbury et le comte de Huntingdon conclurent à Valenoiennes divers traités qui assuraient à Edouard III l'appui du marquis de Juliers, du comte de Gueldre et de plusieurs barons du Limbourg-.
Le 12 juillet 1337, le comte Guillaume de Hainaut s'engagea, moyennant un subside de 200,000 florins de Florence, à fournir au roi d'Angleterre un secours de mille hommes d'armes.
d'avoir en lor aliance les desus nommés, il envoyèrent deviers l'évesque Aoul dou Liège à savoir se il le poroient avoir, mais chil qui furent envoyet retournèrent sans riens faire, et respondi que jà ne s'armeroit à l'encontre de la couronne de France. Quant on vei ce, on le laissa ester. Aussi fîst-on le roi deBoesme, car il estoit tant fort loyés en France par mariages de li et de ses enfans que on vei bien que on perderoit ses painnes . Si prissent congiet chil signeur d'Alemagne as prélas et barons d'Engleterre et retournèrent casquns en lors païs. Vous devés sçavoir (et c'est cose légière à croire) que de toutes ces besongnes, de cesaliances des Alemans et des séjours que chil signeur d'Engleterre faisoient en Valenchiennes et de Testât que il i tenoient, li rois Phelippes estoit enfourmés , mais il n'en faisoit compte, réservé ce que il li desplaisoit trop grandement de ce que li volages d'outre mer en seroit retardés, et se contentoit moult mal dou conte de Hainnau, son serouge, de ce que il soustenoit en son païs ceuls qui li voloient porter damage, et disoit bien : « Mon frère de Hainnau « marceande de avoir son païs de Hainnau ars et courut. »
