CHAPITRE LXIX
Comment li rois d'Engleterre commença à faire ses pourvéances , et comment li contes de Flandres se tenoit en France.
Ensi amonestoit messires Robers d'Artois le roi d'Engleterre et le resvilloit en ces besongnes et calenges de France, et li rois i avoit très-bonne affection et disoit que il ordonneroit' ses besongnes et passeroit la mer et amenroit la roine sa femme avoecques lui et venroit veoir ses amis, le conte de Hainnau , son biau-père , le duc de Braibant , le conte de Guerlles et le marquis de JuUers, ses cousins, et conquerroit encores avant des amis. Sus ceste imagination, s'aresta li dis rois, et aussi fissent tout chil qui l'avoient à consillier, et fist faire ses pourvéances belles et grandes , petit à petit, tant pour lui que pour la roine sa femme. Tous li roiaulmes d'Engleterre estoit apparilliés et en tant grant volenté de li aidier des corps et de la cevance, li noble de li servir, et li marceant de taillier euls et lors biens si avant que il deveroit bien soufiire.
En ce temps fu tretiés li mariages de messire Guillaume de Hainnau, fil au conte Guillaume, lequel li pères avoit
fait chevalier en sa cambre meismement le nuit de la Nativité Nostre-Signeur l'an mille CGC XXXVI en l'ostel de Hollandes à Valenchiennes , et le signeur d'Augimont et avoecques li le signeur de Lens, messire Gérart de Werclin, sénescal de Hainnau, et plus de trente jones chevaliers tous Hainnuiers, et tantosapriès ces chevaleries faites, fu fais li mariages dou dit messire Guillaume de Hainnau à la fille dou duch de Braibant, madamoi selle Jehane, qui lors estoit la plus belle, la plus gente, la plus frice et mieuls ai ans toutes nobles manières que nulle jone dame dont on euist la congnissance , et estoit en l'âge de quatorse ans , et furent les noces faites en la Salle à Valenchiennes, et i ,ot as espousailles grandes festes et solempnèles , et grant fuisson de signeurs, et i fu li contes Looïs de Blois, sires d'Avesnes et de Trélon , dou Louvion ' en Tierasse , car aussi moult nouvellement il avoit espousé madamoiselle Jehane de Biaumont, fille à monsigneur Jehan de Hainnau, et durèrent les joustes et les festes qui furent à Valenchiennes plus de huit jours. Encores i euist eu biaucop plus de signeurs de France que il ni ot, mais auqunes haines et ranqunes se commençoient à esmouvoir entre les François et les Hainnuiers pour la cause de ce que li contes de Hainnau soustenoit et avoit soustenu, alant et venant, les Englois en son païs, quoique encores ni euist nulles deffiances, et disoient li François par manière de reproce : « Li rois d'Engleterre a songiet que il doit estre rois de « France ; or le viengne calengier et il vera bien quel « proufit il i prendera. Mieuls li vaudroit à demorer en paix « que penser à telles wiseusses, et aussi li contes de Hain- « nau est trop mal consilliés, qui suefi're à aler et venir les
» Louvion ou Nouvion.
DE FROÏSSART. 211
« Englois en son païs, et a souffers les parlemens et les « trettiés de ces wiseusses à estre des Alemans à Valence chiennes devant lui. Uns jours vendra que li Hainnuier a s*en repentiront grandement, car lors païs tout premiè- « rement en sera tous rifles, et ne les en porront aidier li « Englois. »
Vous devés sçavoir ^que tout ce qui avenoit et estoit avenu de ces aliances dou duch de Braibant, dou conte de Guerlles, dou marquis de Jullers, de l'arcevesque de Coulongue, dou signeur de Fauquemont, de messire Ernoul de Baqueliem et des Alemans, comment il s estoient aconvenenchiet as Englois, tout estoit sceu en France, et le savoit li rois Plielippes ; mais il n'en faisoit ensi que nul compte et monstroit par ses oevres et paroles que il avoit aussi chier la guerre que la paix, et disoit à le fois au bon roi de Boesme et au conte d'Alençon et as ceuls qui dalés lui estoient : « Nostres cousins d'Engleterre, à ce que nous « sommes enfourmé , quiert grandes aliances en Alema- « gne, et nous vodra faire guerre et calengier nostre hire- « tage. Se nous avons la guerre, à bien viègne-elle ! Aussi « ne savions à quoi entendre, mais nous sommes courou- « chié de ce que li volages de la Sainte Terre de oultre la « mer en sera retardés et occupés, et moult de bonnes dé- « votions de pluisseurs vaillans hommes brisiés, et tout « nous fault atendre et soufrir ' . »
Li contes de Flandres, pour ce temps, se tenoit à Compiengne, et la contessesa femme. Si entendi que li Englois, li évesques de Durem et grant baron d'Engleterre avoient esté à Gand et moult bellement recheu, et parla promotion
• Edouard III ne cessa de protester de son désir do s'associer i\ Philippe de Valois pour combattre les Infidèles. Voyez Rymer, II, 2, pp. 77, 119, 130, 148, et 3 p. 188.
et enort d'un bourgois de Gant qui s apelloit Jaquemart Dartevelle , toutes gens en Gant et en pluisseurs villes de Flandres s'enclinoient assés à l'opinion des Englois et tant que ses rentes et revenues en estoient esconsées et canceloient tous les jours. Et encores en oultre li contes de Flandres fu enfourmes que uns chevaliers de Flandres, vaillans homs durement et lequel li contes avoit tousjours tenu à loial homme et prudent, qui se nommoit le Gourtrissien , avoit tousjours compagniet et fait feste et honnour en la ville de Gant où sa résidense estoit, ces signeurs d'Engleterre. Desquelles coses li contes de Flandres fu durement couro.uchiés sus le chevalier, tant que il li remonstra, et le manda couvertementen France où il se tenoit. Li sires Courtrissiens ala deviers li, qui nul mal n'i pensoit. Sitos que li contes le tint, il li fist remonstrer en la présence de li pourquoi il l'avoit mandet. Onques li chevaliers ne se peut esquser , mais le fist décoler ' . De quoi tout chil de Gant furent trop grandement courouchiet sus le conte et son consel, mais amender ne le porent.
» In lecto quo infirmus decubabat. Muevin, p. 469 (21 mars 1337 v. st.) Edouard III adressa à ce sujet au fils de Sohier de Courtray la lettre suivante :
« Le roi, à noble et sage homme le seigneur de Courtray, salut et « sincère affection. Nous connaissons tout l'intérêt que vous portez à « notre personne et à la conservation de notre honneur et tous les « dommages qui en ont résulté pour vous; nous savons, et nous ne le « rappelons qu'avec douleur, comment votre père, de bonne mémoire, « a été traîtreusement mis à mort à cause de son dévouement pour « nous, et nous aurons soin de vous en récompenser. Veuillez donc, en M persistant dans vos sentiments et en continuant à vous opposer à nos « ennemis autant que vous le pourrez, être assuré que notre royale « reconnaissance saura égaler vos services. Donné le 8 mai, à la Tour « de Londres. » Rymer, ii, 4, p. 17.
