CHAPITRE LXXXV

Comment messires Jehans de Hainnau assallit Honnecourt.

Entrues que li rois d'Engleterre se tenoit en l'abéie dou Mont-Saint-Martin , li fourageur de l'oost fourageoient là environ, et ni avoit nului espargniet, et tenoient les camps messires Jehans de Hainnau , li sires de Fauquemont, li sires de Quq, messires Henris de Flandres, messires Gérars de Baudresem, et estoient bien cincq cens armeuresde fier, et vinrent ces gens d'armes à Honnecourt ; c'est une abbéie, mais il i a une petite ville bien fermée de portes, de murs et de fossés, et dedens la ville de Honnecourt estoient requelliet moult de gens dou plat païs et avoient mis et bouté le leur. Cliil signeur qui désiroient à faire auquns esplois d'armes, s'en vinrent broçant à l'esperon jusques à là et descendirent de lors chevaus, et se missent tout en ordenance pour assallir et vinrent tout à piet et le pas, tenans lors glaves en lors poins jusques as barrières et là s'arestèrent, car il les trouvèrent closes et bien gardées. Pour ce jour avoit dedens Honnecourt , ung abbet de grant emprise, de bon sens et de grant hardement, et avoit fait remparer et fortefyer la ville, car bien supposoit que de ce

DE FROISSAUT. 205

Toiage il aueroit auqunes nouvelles. Li abbés avoit fait armer tous ses hommes, voires ceuls dont on se pooit aidier, et avoit mandé à Saint-Quentin des arbalestriers à ses deniers pour aidier à garder la ville. Là commença as barrières de Honnecourt li escarmuce, et lançoient et poussoient chil assallant sus ceuls de dedens et li arbalestrier traioient, qui faisoient requler les assalans. Là ot dur assaut et fort et bien continue, et avint que messires Henris de Flandres qui pour ce temps estoit jones chevaliers et aventureus et qui là voloit monstrer ses apertisses, tenoit son glave à un petit pennon à ses armes et le lançoit à la fois dedens et puis le retiroit à lui ; quant dam abbé en vei la manière que li chevaliers se metoit en painne de euls adomagier, si s'avança et apuigna la glave dou dit chevalier, si fort et si roit parmi le treillis de une porte couUans que on avoit avalé, que ledis messires Henris n'en fu pas mestre, car li abbés estoit fors des bras durement et poissans et durs homs, et demora la glave à l'abbé, dont messires Henris de Flandres fu moult courouchiés se amender le peuist , et tinrent tout ce fait de l'abbé à grant vaillance et chil de dehors et chil de dedens. Chils assaus dura bien trois heures et ni fissent riens li assallant fors euls traveillier. Quant il veirent ce , il sonnèrent la retrète et se départirent de l'assaut, et retournèrent à lors chevaus et montèrent sus et s'en vinrent en lors logeis. Aussi ot en ce jour un grant afront au chastel de Ronsoit' liquels est à l'encontre de Vermendois et sus le passage de Saint-Quentin en biau plain pais, dou conte de Warvich, connestable d'Engleterre, et est li dis chastiaus au signeur de Fosseux, voires estoit pour le temps, et i

' Ronsoy, arrondissement de Péronne.

eut des bléciés des Englois assallans et aussi ot de chiaus de dedens, et s'en départirent li Englois sans riens faire et retournèrent à lors logeis.