CHAPITRE LXXXIV

Comment li rois de France fut deffié par le duch de Braibant et comment li rois d'Engleterre ala se logier au Mont-Sâint-Martin.

Ensi s'espardi chils parlemens, liquels fu en la tente dou roi d'Engleterre devant Cambrai, et escripsi li dus de Braibant unes lettres de defîiances au roi de France, et séela et fist séeler avoecques lui le signeur de Quq' , le

i Othon de Cuyck. Vo7jez le recueil de Rymer, t. II, 3, p. 120, et 4, p. 59.

signeur de Berghes , le signeur de Baudresem, le signeur de Pietresem et tous les barons de son païs, et furent ces lettres escriptes et données devant Cambrai , aportées à Piéronne en Vermendois où li rois de France se tenoit et faisoit là son mandement de toutes parties de son roiaulme.

Quant la congnissance des deffiances vinrent au roi de France, il n'en fisf nulle compte et dist que il n'en atendoit aultre cose. Il demanda : « Où est li chevaliers de mon « cousin de Braibant qui tousjoursl'a si loiaument escusé, « Loys de Cranebem? » On li dist : « Sire, il est demorés « à Paris. » Adonc ordonna li rois un de ses cevauceours et dist : « Va à Paris et porte ces lettres à Lois de Crane- « liem. » Li variés les prist et monta à ceval et ne cessa, si vint à Paris et trouva le chevalier à son hostel. Si fist son message bien et à point , ensi que cargiet li estoit. Quant messires Lois de Cranehem vei che, si fu si confus que il en entra en mérancolie et maladie et en morut. En si grant vergongne prist- il ce que son signeur li dus de Braibant l'avoit fait mençonnable.

Or retournons au siège de Cambrai et comptons comment depuis les deffiances faites et envoyés du duc de Braibant, le troisme jour apriès, tout se deslogièrent et requellièrent tentes et trefs et mist-on tout à charoi et à voiture, et s'en vint li rois d'Engleterre logier au Mont-Saint- Martin, une abbéie de blans monnes, laquelle est moult belle et moult bien édefyé, et là prist congiet li jones contes Guillaumes de Hainnau au roi d'Engleterre et dist que il ne voloit point passer la rivière d'Escaut, ne entrer ou roiaulme de France, car il estoit homs au roi de France, voirement estoit de la terre d'Ostrevant, de laquelle madame sa mère estoit doée, se ne li voloit faire point de guerre. Li rois d'Engleterre s'en contenta assés et ne le

pressa plus avant, et le remercliia des services que ils et ses gens li avoient fait jusques à ces jours. Ensi se départi li contes de Hainnau à tous ses Hainnuiers. De tant fu afoiblie li hoos le roi d'Engleterre , et rentra en son païs et s'en vint à Valenchiennes dalés madame sa femme, et li rois d'Engleterre se tint en l'abéie du Mont-Saint-Martin, et ses gens estoient logiet tout autour de li sus les villages.