CHAPITRE LXXXIX
Comment les deux rois ordonnèrent leurs batailles et comment les Englois se missent au retour, et comment les consaulx des bonnes villes de Flandres vinrent au parlement de Brousselles.
Entre ces deus hoos ni avoit que deus petites lieues de terre de une à l'aultre , et monstroient li doi chief , c'est à entendre li rois de France et li rois d'Engleterre , que tout doi avoient grande affection à la bataille, et lors consauls non , et par espécial li dus de Braibant s'en dissimuloit et dissimula couvertement trop fort, et furent un vendredi sus les camps tous rengiés et ordonnés en bataille, casqune partie sus son lés, mais point n'aprocbièrent de si priés que il peuissent veoir l'un l'aultre, se ce ne furent auqun jone cevalier et esquier qui chevauchièrent à la descouverte en caçant l'un l'aultre ensi que on joue as barres, mais il ni ot joustes, ne escarmuces qui à recorder face. Che jour furent là fait des signeurs en l'une hoost et en l'aultre pluisseurs chevaliers nouveaus; et par espécial li rois d'Engleterre fist là chevalier nouviel messire Jehan Candos qui depuis fu si vaillans homs et fist tant de belles proèces et de grands apertisses d'armes, ensi que elles seront recordées avant en l'istore; mais, je Froissars actères de ses croniques, oï dire plus de une fois le gentil chevalier messire Jehan Candos que il fu fais nouviel chevaliers de la main le roi Éduuwart d'Engleterre ce venredi que li assamblée fu à Vironfosse, et pour tant que il fu plus vaillans que nuls aultres quiconques s'armast de la partie des Englois, j'en fai enar-
â74 CHRONIQUES
ration'. Ce jour furent-il sus les camps, les François d'un lés, les Englois et les Alemans d'aultre, si bien armé, si bien ordonné et en si très-biel arroi que grant biauté et plaisance estoit et fu dou veoir , mais onques ne fissent samblant que il se vosissent combatre , et atendoient li François que les Englois les venissent requerre, et les Englois parellement les François , et estoit commandé de par les marescaus en l'une host et en l'aultre que nuls ne s'émeuist, ne brisast son arroi se les bannières des rois ne cevauçoient, et furent ensi jusquesàbas viespres que casquns seretraïst en son logeis sans riens faire. Ce venredi à soir, il fu ordonné en l'oost le roi d'Engleterre que on se deslogeroit sus le point de mie nuit et se retrairoit-on tout bellement en Hainnau et en Braibant et que pour celle saison on en avoit fait assés , car au voir dire tant que pour la bataille la parecon n'estoit pas parelle, car li François estoient trop plus fort et plus poissant sus les camps ne fuissent les Englois. Celle doubte et nulle aultre, ensi que il fu supposé et considéré depuis, i missent li dus de Braibant, li dus de Guéries et li conte de Jullers et auquns aultres de lor aliance, non li rois d'Engleterre et les Englois, car il se fuissent volentiers combatu et pris l'aventure et se tenoient à tout conforté, mais là pour celle fois il les convint croire consel , car il n'estoient pas signeur des Alemans et des estrangiers. Sus le point de mienuit, sans faire trop grant noise, toutes gens en l'ost le roi d'Engleterre se deslogièrent , et car-
» Froissart loue ailleurs en ces termes ce héros chanté par Shakespeare : « Il fut doux chevalier, courtois et aimable, large, preux, sage et loyal en tous estats, qui si vaillamment se savoit estre entre tous seigneurs et toutes dames que oncques chevalier de son temps ne y sçust mieux estre de luy. » (L. I, p. 2, p. 453, éd. Buchon).
gièrent chars et charètes, tentes, très, auqubes et pavillons , tout fu mis à charoi et à voiture , et se missent au cemin et au retour , et furent tout rentré en Hainnau lé samedi au matin et vinrent à Avesnes en Hainnau et là prissent congiet li signeur li un à l'aultre et se départirent tout li Alemant, et se retraïst casquns en son lieu, et li rois d'Engleterre et li dus de Braibant se retraïssent en Braibant, et s'en vint li rois à Louvaing et là trouva la reine isa femme, et s'espardirent chil signeur d'Engleterre aval Braibant, ensi que fait avoient en devant celle cevauchie, et murmuroient li auqun Englois l'un à l'aultre et disoient : « On fait bien le roi nostre sire despendre et « alever son argent pour noient et perdre le temps : il « nous fault faire moult de teles cevauchies avant que ' « nous aions conquis le roiaulme de France. »
Quant ce vint le samedi au matin, nouvelles vinrent en
l'oost le roi de France que les Englois estoient départi et
fait lor voie, ne on ne savoit que il estoient devenu. De ces
nouvelles fu li rois Phelippes trop durement courouchiés
et dist que on l'avoit trahi quant il n'avoit combatus ses
ennemis et que tout volontiers on lor avoit fait voie. Li
plus hault baron et signeur de l'oost le repaisièrent et li
dissent: « Sire, soufFrés-vous : on fera ce povre roi d'En-
« gleterre outrequidiet tout despendre et alever le sien et
« li tellement endebter deviers ces Alemans que jamais
« n'en sera délivrés. Li dus de Braibant en scet bien jus-
« ques à là, et oultreil le mainne et pourmainneet sueffre
« que ses gens amendent trop grandement de ce roi d'En-
« gleterre. Il ne le soustint pour aultre cose que pour le
« proufit. Il fault ce roi d'Engleterre faire moult de tels
« cevauchies avant que il ait conquis le roiaulme de
« France. Le quide-il dont conquerre par feus et pai* fu-
î:6 chroniques
« mières, mes Dieus ! nennil : mais que il soit retournés « oultre la mer, vous ne le verés mes en grant temps re^ « venir. Où, diable, prenderoit-il la finance pour solder « ces Alemans? il a esté mauconsilliés de vous avoir « desfyet et de renvoyer son hommage. Jà a-il plus perdu « que il ne gagnera en toute sa vie. Les terres que il te- « noit deçà la mer li estoient bien apertenans : elles sont « fourfaites à tousjours mais. Jamais ni retournera, ne « hoirs qui de li isseront. » Ensi apaisoient li signeur de France le roi Phelippe, mais nonobstant toutes ces paroles il vosist bien avoir combatu le roi d'Engleterre et ses Alemans, car ensi que il disoit, il avoit gens assés pour ce faire. Quant il vei que il n'en aueroit aultre cose, il donna toutes ses gens congiet de retourner casqun en son lieu. Li contes de Hainnau, son neveu, vint prendre congiet à lui sus les camps, et li rois li donna, et aussi fist li contes d'Alençon, son oncle, et s'en retourna li contes en son païs, et li rois de France prist le cemin de Saint- Quentin. Ensi se dèsrompirent ces grandes cevauchies et ces assemblées.
Or parlons dou roi d'Engleterre et comptons comment il persévéra depuis que il fu retournés en Braibant. Tous jours avoit-il dalés li messire Robert d'Artois et l'évesque de Lincole et son consel. Considéré fu et avisé entre euls que se li rois d'Engleterre pooit tant faire et esploitier que il euist plainnement l'aide et le confort des Flamens pour mener là où il les vodroit avoir, sa guerre en seroit plus forte et plus belle et jà avoit-il l'amour et la grâce de Jaquemon Dartevelle et de ceuls de Gand, siques pour amoiener toutes ces besongnes et sçavoir la pure intension de ceuls de Bruges, d'Ippre, de Courtrai, dou Dan, de l'Escluse et dou tiéroir dou Franch, ung parlement fu
assis et ordonnés à estre à Brousselles devant le duch de Braibant en son hostel à Colleberglie '; et ot li dus en convenant au roi d'Engleterre, pour tant que il estoit grans trettyères et bien enlangagiés, que de euls remonstrer et attraire il feroit son plain pooir.
Chils parlemens fu escrips et mandés à estre à Brousselles et pryés Jaquèmes Dartevelle que il i vosist venir et estre, et aussi en furent pryet les consauls des bonnes villes de Flandres. Jaquèmes Dartevelle qui jamais ni eust défalli, i rendi grant painne que les consauls des bonnes villes de Flandres i fuissent, et i vinrent et ils meismes tout premiers avoecques ceuls de Granmont et de Gant en grant arroî ^ A ce parlement qui fu en la ville de Brousselles ot pluisseurs coses dittes et devisées, et requist li rois d'Engleterre, par le consel qu'il ot, à ceuls de Flandres généraulment que il li vosissent aidier à parmaintenir sa guerre et deffier le roi de France et aler avoecques lui partout où il les vodroit mener, et là où il vodroient ce faire il lor en saueroit gré et se tenroit moult tenus à euls et leur aideroit à recouvrer Lille, Biétune et Douai, et toutes les apendances. Geste parole entendirent li Flamench volontiers, mais de la requeste que li rois leur faisoit, il demandèrent à avoir response et consel de respondre. Li rois lor acorda. Si se consellièrent à grant loisir, et quant il furent tout consilliet, il respondirent et dissent : « Chiers sires, aultres fois nous avés-vous fait « teles requestes et sachiés véritablement que se nous le « poions nullement faire pour nostre lionnour et nostre
• Colleherghe, Coudenberg:.
* Un traité de confédération dont les clauses sont fort remarquables, avait été conclu le 3 décembre 1339 entre les communes de Flandre «t de Brabant ; celles du Hainaut ne tardèrent pas à y adhérer.
« foi garder, nous le ferions, mais nous sommes obligiet « par foi et serment et sus grant painne de florins et sus « sentense de pape, que nous ne poons esmouvoir guerre « au roi de France sans encourir en celle painne. Si avons « regardé et avisé un moyen trop grant. Se vous volés « encargier avoecques le calenge que vous faites dou « roiaulme de France, le nom de roi de France et les arec mes et vous esquarteler d'icelles, nous obéirons à vous « comme au roi de France, et vous nous quiterés comme « rois de France absoluement toutes ces painnes et ces « argens et nos fois jurées et obligées, et vous deman- « derons quitances de toutes ces coses et vous les nous « donrés. C'est la voie par laquelle vous poés venir à « vostre entente : nous n'i veons aultre. Si vous consil- ^< liés, sire rois, et nous en faites response. »
