CHAPITRE LXXXXIV
Comment la garnison de Cambrai pilla et ardit la ville de Haspre
en Hainnau,
Cliil de la garnison de Cambrai procurèrent tant deviers le baillieu de Vermendois que il orent congiet d'entrer et ardoir en Hainnau et de faire bonne guerre, et avoient proposet ensi li Cambrisien que li Hainnuier leur avoient fait et porté plus de damages que li Englois , ne Alemant n'euissent, et s'esmervilloient pourquoi on les déportoit à non estre en la guerre.
Et fu ce remonstré au consel dou roi de France que li contes de Hainnau , li pères et li fils , avoient tousjours fait partie à l'encontre dou roiaulme de Franche et porté à lor pooir contraire et damage , et avoient soustenu tous jours couvertement les Englois, et se il euissent abatu otant les errederies\ demandes, requestes, calenges et oppinions dou roi d'Engleterre que il lés ont eslevé, de la guerre n'euist riens esté , et estoient tenu en Hainnau de comparer tous ces cas ; car trop bien l'avoient li Hainnuier acquis. Tant fu parlé, proposé et remonstré à rencontre dou conte de Hainnau et de son païs, sans ce que li dis contes fust mandés pour oïr ses escusances , que il fu acordé et ordonné que li compagnon saudoyer françois
» Errederies, prétentions.
qui en la chité de Cambrai se tenoient, venroient en Hainnau et i bouteroient le feu et cômmenceroient la guerre, car il ne désiroient aultre cose. Si se ordonnèrent à ce faire et issirent de la chité de Cambrai un samedi, par nuit, environ soissante lances, et les conduisoient messires de Moruel , messires Renauls de Trie , messires Drues de Roie et li sires de Mellincourt , et grant gent ne lor convenoit point pour faire lor emprise , car li païs de Hainnau nestoit en nulle doubte, ne point deffyés, et vinrent ces gens d'armes et biaucop de compagnons de piet de Cambrai environ dis heures en la nuit en la ville de Haspre', laquelle estoit tout desfermée et est encores, et prissent les gens en lors lis, et pour esbahir ceuls de la ville, il fissent bouter par ces hommes de piet qui les sievoient, en cincq ou en sys lieus, le feu en la ville. Li haros et li cris s esleva. Tantos gens , hommes, femmes et enfants s'esfréèrent et veirent bien que il estoient lor voisin li saudoyer de Cambrai qui les resvilloient et qui ce damage lor portoient. Si se commenchièrent toutes gens à demuchier et à fuir chà et là. Toutes fois il en i eut grant fuisson de pris et de ocis , et encores en i euist plus eu, se il vosissent; mais il entendirent au pillier la ville et à rompre escrins et h cargier chars et charètes et chevaus que il avoient fait venir avoecques euls, et meismes chil de piet estoient si cargiet de draps et de jeuiaus que plus ne pooient. En l'église de Haspre, on aoure de saint Agaire, liquels est uns moult crueuls sains et que on doit resongnier, et doudit saint, il ont \h dedens l'église qui est une provosté et gouvernée par les monnes
» Haspres, à mi-chemin de Cambrai et de Valenciennes. La prévôté avait été fondée par Pépin d'Heristal, après une victoire remportée sur le roi do Neustrie.
de Saint- Vast d'Arras. Li dis provos, pour ces jours , n'i estoit point et avoit esté si avisés que la fîertre de saint Ag-aire et le reliquaire et les plus rices aournemens de l'église, il avoit fait venir et amener avoecques li à Valenchiennes. Cela fu sauvé : aultrement tout euist esté perdu, car la ville et l'abéie et tout fu si netement pilliet et robet que riens ni demora, dont on peuist faire argent, et la ville toute arse et les moulins ars et abatus. Ces nouvelles vinrent à Valencbiennes dou plus tos c'on pot, à cours de cevaus. Pour ces jours , li contes Guillaumes de Hainnau s'i tenoit et la contesse à lor hostel que on dist à la Sale, et i estoient messires Henris d'Antoing * et messires Gérars de Wercbin, sénescal de Hainnau, li sires de Wargni, messires Henris de Huffalise, li sires de Goumegnies, li sires de Vertain et pluisseur aultre chevaliers et esquiers de Hainnau qui là se tenoient pour l'amour dou conte. Quant les nouvelles furent venues jusques au conte, il estoit tantos coucbiés: il salli sus et s'arma légièrement et envoia par ses variés resvillier chevaliers et esquiers parmi la ville. Li contes monta à ceval et se départi de la Sale à petite gens, mais casquns se mist à voie apriès li. Quant il vint ou marcbiet de Valencbiennes, il i avoit gardes qui guettoient au berrefroi ^; si dist toutbault : « Sonnés, sonnés les cloces; esmouvés « la ville. » On fîst son commandement, les cloces furent sonnées à esfort; toutes gens sallirent sus sans ordenance, car on avoit mervelles quel cose ce voloit estre à celle heure-là et alèrent as armes, et se traïst casquns ou mar-
» Le 2 mai 1340, le comte de Hainaut donna plusieurs terres a Henri d'Antoing, pour le dédommager de la perte de ses biens situés en France qu'avait confisqués Philippe de Valois,
2 Berrefroi, "beffroi.
chiet. Li contes issi hors par la porte cambrisienne et se mist sus les camps. Toutes gens le sievirent à ceval et à piet, et passa Fontenelles', et droit à Moncliiaus% nouvelles li vinrent, et li fu dit que il n'avoit que faire plus avant; car li François et li Cambrissien estoient retrait et râlé lor voie. Adonc retourna li contes et s'en vint à Fontenelles veoir madame sa mère qui jà estoit enfourmée de tout ce fait, et repaisa son fil au plus bellement que elle pot, et voloit de ce fait esquser son frère le roi de France ; mais li contes ne voloit pas prendre en patience celle escusance et disoit que ce seroit amendé.
