CHAPITRE LXXXXIir
Comment messires Grignars de Mauni fut mortellement navrés par ceuls de Cambrai.
Vous avés moult bien ichi desus oï recorder comment messires Gantiers de Mauni prist le chastiel de Thun-l'Évesque , et mist dedens en garnison un g* sien frère chevalier, lequel on nommoit messire Gille Grignart de Mauni. Chils et si compagnon travilloient durement ceuls de Cambrai, et les tint une saison si clos que tousjours estoient-il en doubte; car moult souvent quant il ne s'en donnoient garde, il couroient devant lors barrières. Or avint un jour que ils et si compagnon s'en vinrent courant devant la porte et fissent lor monstre et furent là une espasce , et puis se retraïssent moult bellement et en bonne ordenance sus les camps. Pour ce jour estoit renforchié la garnison des Cambrissiens , siques, quant il veirent ces compagnons , lesquels il nommoient les Hainnuiers, qui si fort les adaioient et hérioient', il se quellièrent et se trouvèrent environ deux cens armures de fier. Si se armèrent et montèrent as cbevaus et fissent ouvrir la porte c'on dist Robert et avaler le pont, et se missent sus les camps.
En la compagnie des Cambrissiens avoit ung jeune baceler gentilhomme et chanonne de Cambrai et de nation gascon, appert homme d'armes durement et de grant volenté, et bien le monstra ils qui bien estoit montés sus
» Adaioient, vexaient, tourmentaient. Hérioient signifie à peu près la même chose.
DE FROISSART. i80
flour de coursier. Quant il se vei sus les camps, abaissa son glave et se couvri dedens son esqut et féri cheval des espérons. Messires Gilles Grignars de Mauni qui estoit aussi moult bacelereus et désiroit à faire armes, abaissa son glave et s'en vint au férir des espérons contre li, et se consie virent si justement que droit enmi les esqus. Li cbanonnes qui se nommoit Guillaumes Marchans féri le chevalier de tele manière que il li percha l'esqut et le cote de fier et la place ' d'achier qui estoit desus, et li bouta le fier en la poitrine bien un demi piet et l'enpoindi fort et îe renversa à terre. Tantos si compagnon cambrisien vinrent et environnèrent l'abatu, et Guillaumes Marchans de son tour retourna sus euls. Tout li compagnon de Thun-l'Évesque furent si esbahi, quant il veirent celle dure aventure avenir sus lor chapitainne, que depuis il ne tinrent point de conroi^ mais se missent au retour. Auquns appers compagnons de Cambrai, liquel estoient bien monté, se missent en cace, et en i eut des pris et des retenus jusques à neuf , et li aultre se sauvèrent et se boutèrent dedens Thun-l'Évesque. Messires Gilles Grignars de Mauni fu pris et retenus et portés à Cambrai, trop durement navrés, et mis en mains (Te surgyen et de médecin, et l'euist-on volentiers sauvé, se on peuist; mais on ne peut, et morut li chevaliers dedens Cambrai. Si doi frère Jehans et Tiéri tretyèrent viers ceuls de Cambrai pour ravoir le corps. Il furent consillié dou renvoyer , et l'alèrent requerre en Cambrai doi frère cordelier de Valenchiennes. On lor délivra : si fut li corps mis sus un bar'* vesti de noir et aportés à Valenchiennes et
^ Place, plaque.
* Convoi, ordre, rang.
" Bar, charrette, tombereau.
ensepvelis en l'église de Saint-François et là gist. Ensi vont les aventures d'armes. Depuis demora li chastiaus de Thun-l'Évesque en la garde des deus frères de Mauni , Jehan et Tiéri.
