CHAPITRE LXXXXVI
Comment li contes de Hainnau fist son assemblée de gens d'armes et •vint devant Aubenton.
Bien se doubtoient chil de la ville d' Aubenton dou conte de Hainnau et de son oncle, pour tant que li chevalier et li esquier de là environ avoient fait lor quelloite et requelloite en Aubenton. Si avoient mandé au baillieu de Vermendois que il lor vosist envoyer gens assés de sens et de deffense pour aidier à garder lor ville.
Li dis baillieus escripsi au signeur de Vervins, à messire Jehan de Beaumont, au signeur de Loré et à pluisseurs chevaliers et esquiers de là environ que il se vosissent
» Dms, dam.
traire en Aubenton et entendre à garder la ville. Chil signeur de là environ de celle Tiérasse obéirent au dit baillieu, car il avoit commission de par le roi de France de ce faire et plus grant cose. Si s'en vinrent bouter en Aubenton et le remparèrent à lor pooir.
Li contes de Hainnau fist son assamblée et son amas de gens d'armes à Mons en Hainnau et escripsi et pria à auquns chevaliers en Braibant et en Hasbain que il -le vosissent venir veoir et servir pour contrevengier les despis que li François li avoient fait. Finisseurs chevaliers vinrent et ne se vodrent pas esquser , et par espécial li sires de Fauquemont qui fu moult bacelereus vint servir le conte à deus cens armeures de fier, li sires d'Augimont à grant gent, li sires de Montjardin et moult de ault^s et tan^. que il se trouvèrent , quant il furent tout assamblé, bien dys mille armeures de fier; si cargièrent chars et charettes de pourvéances et d'artellerie, de tentes et de ce que il lor besongnoit et se départirent de Mons en Hainnau et cevauchièrent vers Maubuege, et esploitièrent tant que il passèrent les bos de la Tiérasse et entrèrent en France , et ardirent li coureur, qui cevauçoient devant à destre et à senestre, Segni-le-Grant, Segni-le-Petit, Martellies, Eenier, Wès, Maubert-Fontainnes et tout le plat païs de là environ , sans nul déport , et s'en vinrent devant Aubenton et l'environnèrent tout autour, car bien estoient gens pour ce faire. Quant li chevalier qui dedens estoientjveirent l'ordenance si grande de ces Hannuiers, si se doubtèrent plus que en devant, et vosissent bien li auqun estre en lors maisons , mais puisque il estoient là dedens venu pour aidier et consillier la ville, il convenoit que il s'aquitassent , ensi que il fissent. Si ordonnèrent moult bellement lors pareçons , et là où il dévoient en-
tendre. Si ot à Aubenton en cincq jours que li Hainnuier furent là , pluisseurs assaus et escarmuces et des navrés et bléciés de une part et d'aultre , et se portèrent moult vaillamment à tous les assaus li chevalier et esquier françois qui dedens estoient, et se la ville d' Aubenton euist esté formée d'ajiltre cose que de palis, elle n euist eu point de damage, mais contre tant de bonnes gens d'armes que li Hainnuier estoient, mervelles fu comment elle se peut tant tenir que elle fist. Entre les assaus qui furent fait et livret à Aubenton, il en i ot un le samedi que on dist des Brandons' -, mallement grant, et i furent moult d'hommes bléciés de ceuls dedens par le tret des arbalestres, et fu ce jour Bauduins de Biaufort, un esquiers de Hainnau et de la terre de Binch, moult vaillans homs à l'asaut, et asalloit à une porte, de quoi en assallant et en faisant grant fuisson d'armes, un pierre d'amont li fu jettée sus le brac et li rompi l'os, et ne s'en pot aidier depuis un grant temps.
