CHAPITRE LXXXXVH
Comment la ville d' Aubenton fut prise , et comment li contes de Hainnau parla à Jacquemon Dartevelle et ala en Engleterre pour remonstrer ses besongnes au roi Edouwart.
Ce samedi que on dist la nuit ^ des Brandons fu moult fors li assaus à la ville d' Aubenton et bien continues , et orent li assallant et li deffendant grant painne au voir dire. La ville n'estoit pas si forte que elle fu bien deffen-
• Veille du premier dimanche du carôme (4 mars 1340).
* La nuit, la veille.
due, car li gentilhomme qui dedens estoient, le soustinrent un grant temps. Trop s'esmervilloient li Hainnuier de ce que elle lor duroit tant à la deffense , car elle n'estoit close, ne fermée que de palis. On dist, et vérité est, que continuant ce efforce à bien grant force , li Hainnuier ce samedi entendirent si fort à asallir que il efiForcièrent les deffendans et rompirent les palis et entrèrent dedens.
Quant li gentilhomme veirent ce que deffense ne lor pooit plus riens valoir, si requellièrent li auqun et non pas tous devant le moustier en une place qui là est, et li auqun avoient lors chevaus tous ensellés. Si. montèrent sus et s'en issirent par une porte et prissent les camps. Ce furent par espécial messires Jehans de Beaumont et messires Thomas, sires de Vervins. Li visdames de Chaalons et uns siens fils jones qui fu là fais chevaliers, demorèrent et requellièrent lors gens en la place devant le moustier. Nouvelles vinrent à messire Jehan de Hainnau que li sires de Vervins estoit partis et issus hors de la ville et s'en aloit viers Vervins à quoite d'esperon. Tantos messires Jehans de Hainnau demanda son coursier ; on li amena dou plus tos que on pot. Quant il fu montés, il dist à ses gens : « Or tos , sievons ce chevalier : il le me fault à « avoir mort ou vif. C'est chils qui plus a porté de con- « traire et de damage à ma terre de Cimai. » Dont veissiés chevaliers et esquiers monter apertement et sievir lor signeur et sa banière, laquelle messires Thiéris de Senselles portoit , et prissent les camps. Li sires de Vervins estoit bien montés et sus flour de coursier, et avoit bien demi-lieue d'avantage. Ses gens le sie voient à l'esperon, que mieuls, mieuls. Si en i avoit en la compagnie des mauls montés. Chil furent rataint, qui ne peurent aler avant. Si eni ot des mors et des pris sus le chemin. Li
sires de Vervins esploita si bien que , maugré tous ses ennemis, il se sauva et entra dedens sa ville.
Quant messires Jehans de Hainnau vei que point ne Taueroit et li estoit escapés , si retourna arrière , et ses gens aussi, qui ramenoient biaucop de prisonniers. Quant il furent revenu, il trouvèrent tout acMevé, le visdame de Chaalons pris et un sien fil jone chevalier et deus ocis et moult daultres [navrés]. Ensi avint ce jour à Aubenton. La ville fu prise par la manière que je vous di et toute pilliée et robée et puis arse, et quant li Hainnuier orent ensi esploitié, il s'en départirent et s'en retournèrent viers Chimai, et là demora messires Jehans de Hainnau. Li sires de Fauquemont et li sires d'Augimont s'en alèrent viers Dignant *. Et li contes de Hainnau et li sires d'Enghien et li aultre chevalier retournèrent avoecques le conte à Mons en Hainnau, et quant il furent là venu, il donna à toutes gens d'armes congiet et retourna casquns en son lieu et furent li Hainnuier sus lor garde et pourveirent lors forterèces , car bien supposèrent que la cose ne demorroit point ensi, puisque la guerre estoit entamée, et que li François les venroient veoir. Li contes de Hainnau fu consilliés que d'aler en Engleterre et remonstrer au roi son serouge, ses besongnes et de faire aliances à lui et d'avoir commandement de par li comme vicaires à l'emperour que li signeur d'Alemagne qui tout li dévoient obéissance et qui service li avoient fait devant Cambrai, fuissent apparilliet de aidier ledit conte à parmaintenir sa guerre, car il estoit en très-bonne et grande volenté de guerryer le roiaulme de France, sans li point refroidier. Sus ce pourpos et consel il persévéra et fist une
* Dinant.
asamblée des nobles de son païs et des consauls des bonnes villes à Mons en Hainnau, et là institua-il et ordonna en la présence de tous messire Jehan de Hainnau son oncle à estre bauls et regars * en Hainnau et gouvernères jusques à tant que il retourneroit, et pria à tous. que casquns vosist obéir à lui comme à soi-meismes se il estoit présens. Tout li orent en convenant de bonne volenté, car il sentoient et congnisoient ledit messire Jehan de Hainnau si vaillant et si prudent que il ne lor requerroit cose qui ne lor fust raisonnable. Quant li Jones contes de Hainnau ot ordonné toutes ses besongnes et pris congiet à sa dame de mère et à la contesse sa femme , il parti dou Quesnoi où il tenoit son hostel et vint à Mons en Hainnau , et là trouva son oncle. Si fu encores un jour dalés li pour mieuls estre avisés et enfourmés de ses besongnes , et puis s'en parti et vint à Haie et à Brousselles et là trouva le duch de Braibant de qui fille il avoit à femme qui li fist trèsbonne chière ; car li dus l'amoit de tout son coer otant que nuls de ses enfans. Li contes se complandi à lui des despis et damages que li François li avoient fait : « Aussi « biaus fils , respondi li dus , lor en avés-vous fait , vous « vous estes contrevengiés. La cose ne demorra pas en ce « point, car li François sont grant et orguilleus et mar- « cissent^ à vous. Tous les jours puent-il entrer en vostre « païs et porter damage: il vous fault atendre l'aventure. « Si vous tieng pour bien consillié et avisé de ce que « vous vous forte fy es à l'encontre de vostres ennemis, car « plus grant et plus fort de li, on doit doubter. Soyés tous « confortés que je demorrai dalés vous. » Li contes respondi et dist : « Grant merchis ! »
* JBauls et regars, bailli et rewart.
2 Marcissent, touchent, sont contigus.
Quant li contes de Hainnau ot esté avoecques le duch de Braibant un jour et plus et li ot remonstré toutes ses besongnes et recargies, il prist congiet et se départi de li et de Brousselles et se mist au cemin et vint à Gand veoir sa serour la roine d'Engleterre. Se li remonstra le voiage que il avoit empris de faire d'aler en Engleterre. La roine en fu grandement contente et li dist que il faisoit bien. Si escripsi laditte roine par son frère le conte à son signeur le roi d'Engleterre. Avoecques tout ce li contes de Hainnau parla à Jacquemon Dartevelle qui estoit pour lors en la conté de Flandres li plus grans qui i fust, et li remonstra toutes ses besongnes ensi que ils avoit faff au duc de Braibant, songrant signeur. Jaquèmes Dartevelle i en tendi de bon coer et dist au conte : « Sire, tenés-vous pour tous « confortés que li païs de Flandres vous sera ou vers et « apparilliés et dites au roi d'Engleterre, vostre biau- « frère et mon compère, que il se délivre de mettre à point « et ordonner ses besongnes par delà la mer et se mette au « retour dou plus tos que il puet, car, li revenu par de « deçà, sus la fourme et estât que nous estions et que « nous, les Fkmens, Alemans et li, fûmes d'acort, nous « ferons une très-belle et forte guerre et tant que il nous « devera bien souffire et à vous à qui on a fait contraire « et damage. »
Li contes de Hainnau respondi et dist : « Jaquemart, je « ne li oublierai riens à dire. » Adçnc prist-il congiet et se départi de la roine, sa serour, de Dartevelle et de la ville de Gant, et s'en vint en la ville d'Anwiers et trouva sa navie toute preste et ses gens aussi. Si entra en sou vassiel et casquns de ses hommes en ceuls où il dévoient entrer par ordenance. Si se dèsancrèrent et passèrent le havène d'Anwiers et entrèrent dedens la mer et singlèrent
viers Engleterre et orent vent à volenté et vinrent à Orvelle.
Nous nous soufferons un petit à parler dou conte de Hainnau et parlerons dou roi de France et des avenues qui avinrent en Hainnau, entrues que li contes fu hors.
