IV
Bref du Fape Clément X relatif à la distribution des reliques des Saints provenant des Cimetières de Rome. (V. page 126)
Diversae orâinationes circa extractionem reliquiarum ex coemeteriis TJrhis et locorum circumvicinorum, ïllarumque custodiam et distributionem.
CLEMEXS PAPA X,
AD FUTURAM REI ME.MORIAM.
§ 1. Ex commissae nobis caelitus curae pastoralis ofiicio providere volentes ut sanctorum niartjrum corpora et reliquiae pie ac decenter, et sine tnrpi quaestu, ex huius almae Urbis nostrae et locorum circumvicinorum coemeteriis extrahantur, recondantur, asserventur, ac fideliter prudenterque distribuantur, de nonnullorum dilectorum filiorum Romanae Curiae praelatorum, aliorumque
doctrinâ, rerum usu et prudentiâ praestantiuni virorum, qui rem iussu nostro mature discusserunt, et quorum sententia nobis a dilecto filio nostro Gasparo S. R. E. presbytero cardinali Carpineo nuncupato, in Urbe praefatâ vicario in spiritualibus generali ac prodatario nostro, relata fuit, consilio, auctoritate apostolicâ, tenore praesentium, praecipimus et mandamus ut nemo ad extrahendas a coemeteriis praefatis reliquias accédât, nisi eius rei facultatem habeat scripto, quod memorati Gasparis cardinalis moderni seu pro tempore existentis in eâdem Urbe vicarii in spiritualibus generalis sigillo munitum et illius manu subscriptum sit; nec ossa vel corpus ullum sub poenâ excommunicationis latae sententiae effodiat et ex aliquo coemeteriorum huiusmodi extrahat aliter qnam coram sacerdote per dictum Gasparem cardinalem modernum seu pro tempore existentem vicarium ad id designato, qui diligenter inquirat et recognoscat locum, inscriptiones, eaque martyrii signa, quae certiora esse censuit Congregatio venerabilium fratrum nostrorum eiusdem S. R. E. cardinalium indulgentiis et sacris reliquiis praeposita.
§ 2. Qua omni recognitione factâ, statim singula corpora et cuiuscumque martyris reliquias seorsum in capsulis recondat, quas sigillo clausas rectâ deferri curet ad Urbem, in palatio nostro
asservandas, et a venerabili fratre Iosepho Eusanio, episcopo Helenopolitano, moderno et pro tempore existente sacrarii apostolici praefecto, vel ab alio per praefatum Gasparem cardinalem modernum seu pro tempore existentem vicarium designando, qui probatis moribus ac presbyteratus ordine insignitus sit, custodiendas.
§ 3. Haec autem martyrum corpora et reliquiae ne distribuantur et publiée ad cultum et venerationem exponantur antequam per dictum Gasparem cardinalem modernum seu pro tempore existentem vicarium, vel alios quibus haec cura demandata est, examinata et examinatae, ac Romani Pontificis vel memoratae cardinalium Congrégations auctoritate approbata et approbatae fuerint.
§ 4. Quoniam vero eadem sacra corpora et insignes reliquias, videlicet caput, crus, brachium, et eam corporis partem in qua passus est martyr, si tamen intégra est, nec in privatis aedibus, neque apud laicos homines, sed in ecclesiâ religiose collocari et asservari par est; ideo iubemus ea et eas nemini in posterum concedi qui Ordinarii litteras non afferat, quibus apud praefatum Gasparem cardinalem modernum seu pro tempore existentem vicarium commendetur ecclesiae, pro qua petuntur, dignitas, testatumque fiât operae pretium esse petitis Sanctorum reliquiis ecclesiam illam donari,
et ibi futurum ut eâ qua decet religione custodiantur et colantur.
§ 5. Excipiendos tamen volumus magnos principes, et praecipuos Ecclesiae praelatos, cum quibus liberalius agendum erit. Et ne ceterorum quoque fidelium pietas hoc sancto munere omnino privetur, minus insignes reliquiae illis concedentur. In omnibus autem modum servari iubemus, quoniam prae copia saepius accidit ut sanctiora quaeque minas in pretio habeantur, quod maxime cavendam est.
§ 6. Conficiatur etiam liber, in quo sacra corpora et reliquiae a coemeteriis praedictis extractae adnotentur, tum nomina illorum, quibus reliquiae ipsae distributae, et ecclesiarum, pro quibus impetratae fuerint. Porro, qui ornant et vendunt capsulas, thecas et vasa quibus reliquiae Sanctorum includuntur, reliquiis alia ne adscribant nomina, nisi quae a dicto Gasparo cardinali moderno seu pro tempore existente vicario imponentur, sub viginti quinque scutorum monetae, aliisque poenis eiusdem vicarii arbitrio infligendis. Atque, ut omnis tollatur occasio turpis quaestus, iis, quorum operam et ministerium in effodiendis et extraendis sacris corporibus idem Gaspar Cardinalis modernus seu pro tempore existens vicarius adhibebit, de pecuniis et eleemosynis, quae piis operibus ap-
plicandae forent, de mandate- ipsius vicarii, accipient quantum aequum fuerit pro expensis omnibus et iuxta eorum mercedem.
§ 7. Postremo sub excommunicationis latae sententiae poenâ per transgressores ipso facto incurrendâ districte prohibernus, ne in tradendis sacris corporibus et reliquiis, et pro confectione littera- , rum patentium desuper expediendarum, earumque sigillo, aliquid, etiam modicum' ullo unquam praetextu, etiam a sponte dantibus, accipiatur.
§ 8. Decernentes easdem praesentes litteras semper firmas, validas et efficaces existere et fore, suosque plenarios et integros effectus sortiri et obtinere, ac ab illis, ad quos spectat et pro tempore spectabit, in omnibus et per omnia inviolabiliter observari, sicque et non aliter in praemissis per quoscumque iudices ordinarios et delegatos, etiam causarum palatii apostolici auditores, ac S. R. E. cardinales, etiam de latere legatos, aliosve quoslibet quacumque praeeminentiâ et potestate fungentes et functuros, sublatâ eis et eorum cuilibet aliter iudicandi et interpretandi facultate et auctoritate, iudicari et definiri debere, ac irritum et inane si secus super bis a quoquam, quavis auctoritate, scienter vel ignoranter, contigerit attentari.
§ 9. Non obstantibus constitutionibus et ordi-
nationibus apostolicis, ac, quatenus opus sit, quarumvis ecclesiarura et basilicarum, aliisve quibusvis, etiam iuramento, confirmatione apostolicâ, vel quavis firmitate aliâ roboratis, statutis et consuetudinibus, privilegiis quoque, indultis et litteris apostolicis, quibusvis personis et locis, sub quibuscumque verborum tenoribus et formis, ac cum quibusvis etiara derogatoriarum derogatoriis, aliisque efficacioribus, efficacissimis et insolitis clausulis, irritantibusque et aliis decretis, in génère vel in specie, et alias quomodolibet in contrarium praemissorum concessis, confirmatis et innovatis; quibus omnibus et singulis, etiamsi pro illorum sufficienti derogatione de illis eorumque totis tenoribus specialis, specifica, expressa et individna, ac de verbo ad verbum, non autem per clausulas générales idem importantes, mentio seu quaevis alia expressio habenda aut aliqua alia exquisita forma ad hoc servanda foret, tenores huiusmodi praesentibus pro plene et sufficienter expressis, insertis, specificatis et servatis respective habentes, illis aliâs in suo robore permansuris, ad praemissorum effectum, bac vice dumtaxat, specialiter et expresse derogamus, et derogatum esse volumus ; ceterisque contrariis quibuscumque.
§ 10. Volumus autem ut earumdem praesentium litterarum transumptis, etiam impressis, manu ali-
cuius notarii publici subscriptis, et sigillo personae in ecclesiasticâ dignitate constitutae raunitis, eadeni prorsus fîdes ubique in iudicio et extra illud habeatur, quae haberetur ipsis praesentibus si forent exhibitae vel ostensae.
Datum Romae, apud S. Mariam Maiorem, sub annulo Piscatoris, die xm ianuarii mdclxxii, pontificatus nostri anno n.
