ARRÊT DE CONDAMNATION DE GEOFFROY VALLÉE

(Extraict des registres du Parlement)

1574. « Veu par la Cour le procès criminel faict par le Prévost

Vallée

de Paris, ou son lieutenant civil, à la requeste du substitut du Procureur général du Roy au Chastellet, demandeur, à rencontre de Geoffroy Vallée, prisonnier es prisons de la Conciergerie du Palais, appelant de la sentence contre luy donnée par le dit Prévost ou son lieutenant. Par laquelle, pour réparation des cas mentionnés au dit Procès, le dit Vallée auroit esté condamné à estre mené du dit Chastellet dedans une charrete depuis le dit Chastellet jusque au devant de la Principale porte de l'Eglise de Paris, et illec estant nuds pieds, nue teste, en chemise, et à genoux, ayant la corde au col, tenant en ses mains une torche de cire ardente du poids de deux livres, dire, et déclarer que témérairement, malicieusement, et comme mal advisé, il auroit faict, composé, faict imprimer, et exposer en vente, un livre intitulé la Béatitude des Chrestiens, ou le Fléo de la Foy par Geoffroy Vallée, natif d'Orléans, proféré, dit, et maintenu les blasphèmes et propos erronés, mentionnés au Procès, contre Thonneur de Dieu, de notre mère Sainte- Eglise, dont il se repentoit et en requéroit, pardon et merci à Dieu, au Roy et à la Justice, en la présence duquel seroient les livres scandaleux et erronés, trouvés en son

hostel, ars et brusiés devant la dite Eglise. Ce faict, seroit mené et conduict en la place de Grève, et en icelle pendu, et estranglé à une potence, qui pour ce seroii dressée au dict lieu, et son corps bruslé et réduict en cendres : ses biens déclarés acquis et confisqués à qui il appartiendroit : sur laquelle confiscation seroit prise la somme de quatre mille livres parisis, qui seroit emploiée aux œuvres pitoiables, sçavoir est, aux Pauvres de THostel-dieu de Paris, la somme de mil livres parisis, à la communauté des Pauvres de la dite ville, semblable somme de mil livres parisis, et le surplus montant deux mil livres parisis aux quatre ordres Mendians et Religieuses de TAve Maria, filles Pénitentes et filles-Dieu, chacun pour égale portion. Ce Néantmoins que Pregent Godet, et un nommé Hans, messager du Pays-bas, desnommés au Procès, seront prins au Corps et leur Procès faict. Requeste présentée à la dite Cour le 2® Janvier dernier passé, par Jacques Jacquier au nom du Curateur du dict Vallée, tendant à fin d'estre reçeu appelant des Procédures faictes par devant M* René Nicolas, conseiller au dict Chastellet attachées à icelle requeste : Certain acte d'appel signé Beaufort et Payen, Notaires au dit Chastellet, en datte du premier jour du dit mois de Janvier, mis au sac par ordonnance de la dite Cour. Arrest icelle du huictiesme May, MV. LXXII. Avec plusieurs informations mises par devers la dite Court à la diligence du dit Curateur. Et ouï, et interrogé en icelle le dit Vallée, pour ce mandé à plusieurs et diverses fois ; le rapport des Médecins, en la présence desquels le dit Vallée auroit de rechef esté interrogé par aucuns des conseillers d'icelle à ce commis, et depuis ouïs en la dite Court les dits Médecins; Les conclusions du Procureur général du Roy auquel le

tout auroit esté communiqué, et tout considéré, dit a esté sans avoir esgard à la dite Requeste que mal et sans grief le dit Vallée a appelle, et Tamendera. Et pour ce mettre ce présent Arrest en exécution, selon la forme et teneur, la dite Court a renvoie et renvoie le dit Vallée prisonnier par devant le Prévost de Paris ou son Lieutenant, duquel a esté appelle : Auquel a esté dit et enjoinct de mettre le dit décret de prinse de corps à exécution décerné contre les dits Godet, et Hans, Messager du Pays-Bas, et procéder à rencontre d'eux extraordinairement, et leur faire et parfaire leur procès en toute diligence, et de ce avoir faict, en certifier dedans quinzaine. Et oultre ordonne la Court, que inhibitions et défenses seront faictes à toutes personnes, de quelque estât, qualité ou condition qu'ils soient, d'avoir et retenir par devers eulx, aucuns exemplaires du dit livre composé par le dit Vallée et dessus mentionné ains leur enjoint d'iceulx apporter dedans vingt-quatre heures au Greffe criminel de la dite Court, pour estre à Tinstant ars et bruslés, sur peine à ceux qui en retiendront aucuns d'estre déclarez fauteurs, adhérans, et punis de pareille peine que le dit Vallée. Faict en Parlement le huictiesme jour de Febvrier mil V^^lxxiiij (1574).

Signé : Mollon. »

Coll. Dupuy, V, iSj, p. d^.